影片
新店就梗係要試啦！味道：魚旦算彈牙又有魚味，牛腩夠味又夠淋，但魚片就好似冇咩味，湯底比較清淡，當然唔會係清湯腩嘅湯底啦，潮州粉麵嚟講唔差。環境：全店35個位左右，坐得闊落舒適，冷氣又夠大，因為新店舖，地方都乾乾淨淨。服務：應該係家庭式經營，完全配合香港特色，講嘢冇尾音，問多兩句西你面就梗係有啦。有位女仕等咗10分鐘，眼見遲嚟嘅食客都喺度食緊嘢，催單就俾個大媽串：煮麵都要排隊㗎！最差就係有個員工可能生手啲，其他兩個員工（應該係店舖家人）就當住食客面鬧佢，所以見佢驚驚青青都有原因。大佬呀！我嚟食嘢咋，可唔可以唔好影響我心情呀～價錢： 牛腩麵，魚蛋粉，跟餐兩杯凍飲，埋單100蚊有找，抵！（食果一百幾十就唔好咁多要求啦～我明！）
繼續閱讀
您可能會有興趣的...