美心MX (已結業)

又來快餐點火鍋,今次係冬瓜火鍋48蚊,連埋2粒魚蛋,米線幾條,菜幾片,肉幾塊加10蚊多個牛肉,再加錢先有野飲賣相幾有趣,你要先食一D瓜,先有位加水打邊邊,可以話有D新意既,冬瓜無咩甜味,湯底是好像上湯的味道,都算濃郁,送2粒魚蛋,食哂所有野都唔太飽,米線得幾條,即一啖KO.女仔應該OK既雞肉是雞胸,外面沾滿粉,明顯用了X肉粉啦當然呢個價錢係咁上下,但係看埋下面加10蚊既牛肉,咁既賣相,實在唔想食建議賣貴點,材料用好點,48蚊實在食唔到D咩

今日遲咗食午餐, 心血來潮去了美心快餐... 餐牌可以選擇的東西少之又少... 唯一水準比較平穩的, 應該是燒味吧...MX六寶飯 -- 美心快餐的燒味一向唔錯, 水準比較穩定, 鹹蛋黃出油, 有鹹香, Yummy!!! 叉燒軟腍, 香甜有肉香... 燒鴨比咗鴨脾部位, 啖啖肉軟腍腍, 不過冇鴨味, 鴨皮頗韌, 冇肥膏啱晒我... 唔明點解會有鴨腎, 仲要又韌又鹹... 紅腸冇肉味, 得個鹹字... 油雞肉嫩, 雞皮甜甜地有豉油香... d白飯最差, 濕淋淋爛蓉蓉, 食糊仔咁, 加埋冇鮮味嘅豉油, 好難食~龍鳳檸樂 -- 單睇名都唔知係咩... 原來龍鳳檸係鮮檸檬+鹹檸檬!!! 可口可樂係汽水機果d, 曾經有一刻諗住係鑵裝, 有d妄想... 鮮檸嘅果酸, 加上鹹檸嘅鹹, 中和可口可樂嘅死甜, 多咗一份香味, 味道都幾Match, 好飲過鮮檸檬可樂...接近2時仍然人山人海, 但總算找到座位... 掛在牆上的電視, 到底有多少人在看?!!

美心在云云的快餐店中，總覺得美心相對於大家樂及大快活的名氣有點落後，但其實卻以美心的食物選擇較多。星期日的下午茶時段，附近食肆不多，於糖廠街中的多間食肆均於星期日休息。於大家樂及美心中作選擇，無論價錢及選擇方面均以美心較優勝。但美心卻位於一樓，沒有電梯，相對較不方便。2人order:至抵食便當$22（羅宋湯三色螺絲粉、肉醬薯蓉、雞翼）凍綠茶賓限定餐$20 （綠茶賓x燒鴨瀨粉）至抵食便當以日式便當概念為主，便當盒一格一格，分別配上多種不同食物，每一份都細細件，但適合一次過品嘗多樣食物的人！由於食物款式多變，而價錢亦便宜，十分抵食！今次的便當就有：羅宋湯三色螺絲粉、肉醬薯蓉、瑞士雞翼、沙律、粟米馬蹄糕。當中螺絲粉軟硬適中，羅宋湯味道香濃，配有椰菜等，十分入味。但一小碗的螺絲粉，已放於便當中最大一格，有點充撐場面之嫌！一小杯的沙律，用上紅蘿蔔、薯仔再加入沙律醬，味道一般沒有特別。肉醬薯蓉賣相不俗，但份量偏小，用上迷你錫紙盤裝著，不消幾口就已吃完，肉醬味道甜甜地，與薯蓉同吃味道相夾！瑞士雞翼只有一般的豉油味，令人費解跟瑞士有何關係，絕不是用上瑞士汁，有點失望。而粟米馬蹄糕味道不錯，甜度適中亦不

今日憑著一張換領券黎到側魚涌換領美心月餅,門外排隊等候既人唔算多,派餅姐姐都幾得閒!放工反到屋企好肚餓之制就諗起可以食月餅,於是開左一個自己食!雙黃白蓮蓉月餅一切開已經見到蛋黃既油流出黎,好似好肥膩咁!分開4件,每件都有黃,都幾均勻!食第一件都okay,可能我太肚餓無咩感覺!食第二件就開始覺得好甜,d蓮蓉漿住哂系個口度,蛋黃油就即刻必哂出黎,又油又漿混合既感覺就好唔夾,就好似水溝油咁!食到第三件直頭覺得好漏,d油同蓮蓉仲痴住系d牙度,已經覺得唔系好食得落喇!由於開左既關係,唔想留系屋企,於是抖左一陣再戰第四件!其實真系好濟喇食到,第四件足足用左十分鐘先完成到,所以建議如果要食呢個月餅真系唔好一個人食,多幾個人分享都會開心d!呢個月餅一句講哂"少食多滋味"!

公司三文治如果要去到delifrance呢d地方一定好貴，但係美心都只係$23.5好平，而且好味有質素@@材料一d都唔少，有生菜，雞肉，蛋沙律，有d忘記了，烘得剛剛好的多士夾住黎食真係好正，外觀令個炸薯條都好好味道，雖然得幾條，不過因為佢唔係主角麻呢個餐係可以填飽個肚架!

午餐想不到特別想吃甚麼，看到不遠處有間搶眼紅色的美心MX，反正很久沒有光顧快餐，一於今天重拾舊日情懷吧！最常光顧快餐該是中學的時候吧，那時午膳時間不多，又不能遲到，要快快能享用午餐真是非快餐店莫屬了。加上有學生餐，價錢上不算太貴，怎像現在的一加再加，光一頓飯便三四十大元？要的是六寶飯，三十二元，不包括飲品。什麼都有一點，有雞有鴨。先吃一口飯，噢太軟又散，鴨的骨比肉還多，而豉油又沒什麼味道，以三十多元的價錢來說實在不合格。但身在現今的快餐店又可以有什麼要求？以後還是少吃為妙。同行的海南雞飯。偷吃了雞，肉質挺滑，雖然未知算不算得上正宗，但調味的汁倒是不錯，很送飯，友人把三種汁混在一起，甜甜辣辣，挺美味的！以燒味來說，這裡不太好。個人一向很喜歡燒味配上的薑葱蓉，這麼的卻只有薑味，下次還是到再興等吃好了，再興它們的燒味飯，下回再來介紹=]

一個飯盒有2款意粉, 十分適合試新多口味的為食人, 菠菜雞柳意粉是白汁的, 有菠菜令整個意粉fresh d, 不會有肥膩感, 白汁都算香滑, 雞柳是雪的貨色, 不新鮮, 而另一款意粉是粟米魚柳意粉, 粟米汁濃濃的, 令意粉有糊糊的口感, 不彈牙, 而魚柳是炸的, 脆口, 味道一般.

以我多年嘅食tea經驗，雖然tea time價錢係平Ｄ，但份量方面都會相對減少！如果想食一Ｄ飽肚，暖胃，好味又抵嘅，我提議大家試下美心嘅油雞髀瀨粉／米粉，大大碗連飲品都只係$19，真係廿蚊都唔駛呀！

這間美心MX真係很久沒有幫襯了。還記得對上一次幫襯已經是三年多前，那時TVB還在播著劍客小紅帽,而且那時是一個座位一部電視機仔的時代.現在已換成了普通座位,牆上放著一大部高清電視了.時代的進步就是這樣.叫了一個歐陸腸仔+魚柳配煙肉薯仔歐陸腸仔是脆皮腸那類型,煎得香十分好吃.煙肉薯仔則是帶點汁,但煙肉不多,薯仔有點硬,可能煮不透吧.魚柳其實同平時美心MX的魚柳是同樣東西.沒有配粉麵,只吃這個其實也飽肚(有硬薯仔的關係)奶茶的味道真的有港式地道.算是不錯.衛生和服務都有一定水準.

呢間早歺超難食! 今日吃豬肉漢堡扒加煎蛋加蘿白糕加退通 : 豬肉漢堡扒加埋d汁咸到飛起, 煎蛋又燶又醜樣又凍冰冰! 蘿白糕無特別, 通粉林到飛起!好彩奶茶尚算ok !話過唔會再比机會佢!

假期前夕又要OT!!!!!回家途中,見到美心MX冬瓜盅晚飯套餐的廣告相,就係咁樣被幅相吸引走咗入去試基本上冬瓜盅晚飯套餐有很多款小菜選擇,結果我叫了鐵板义燒,由於是用鐵板,所以啲义燒就騰騰,义燒肉嫩配上蜜汁,非常可口重點是這個套餐只需HKD44,但冬瓜盅內的材料並不少,有火鴨粒,夜香花,冬菇,瘦肉及蟹肉等,很足料!冬瓜亦淸甜一個人食飯都可以食冬瓜盅,爽

第一次番夜班，以為dinner食一個鐘咪去左美心食law...食左個少d人叫既...上海排骨菜飯定食。好快有野食, 豬扒無論質,量都比我想像中好!!!有差唔多十件, 仲要係好夠熱既!!! 其他都交到功課, 只係d菜飯如果有多d菜就更好了~~連埋熱奶茶 先至 三十蚊左右, 晚餐黎講，抵食!

今日, 在公司攪 X'mas lunch gathering. 食物叫到會. 其中, 美心MX 的 香腸肉醬意粉, 十分 美味. 肉醬 和 意粉 分開 兩 盤, 意粉吾會林 仲好爽滑; 肉醬又 美味!$88 一盤 ,呢個價錢可以食到咁嘅水準就相當抵食。而且20/12 前訂貨仲 免費送貨, 準時 12:15pm 送到. 下次 公司 gathering 都會再叫.

美心快心比人的印象是大集團, 整潔, 價錢相宜的快餐店, 冬天最好食蒸飯, 美心的鳳爪排骨蒸飯, 排骨好juicy, 加蒸飯豉油, 嘩, 好香好好味. 飯有野味豉油, 加埋排骨肉汁, d飯好好味, yummy.現在經濟那樣子, 好多朋友仔選擇快餐, 所以, 中午食美心, 要排長長的隊買票, 又要排長長的隊取食物, 又要找位, 真的好花時間, 不過, 食到好味的蒸飯, 都值得.

套用另一中式快餐集團的口號... 星期日睇完早場的「鐵金剛 量子殺機」（都唔好睇既），閒閒的逛了去這裡食個 "brunch"，因為吉之島和鰂魚涌一帶的快餐店都已擠滿了「假日家庭」客，只有這裡較為少人、安靜。 見到餐牌有這個午餐，想也不想就點了，因為想吃的乜都有，而且集各國特色： 英式的「炸魚薯條」Fish & Chips (不過ｄ薯條較"林"）； 港式的雞皇飯、沙津和甜品； 日式便當的，分開一格格上； 還有飲品，都只係$28，抵呀！坐在窗邊的白色卡位，感覺舒適良好，幾嘆！可惜公司附近沒有美心MX ，否則一定多點來… 大ｘ樂和大ｘ活…　唉，近來都冇創意既，我唔鐘意！