美心MX (已結業)

It is unbelievable that Open Rice has put it into "Closed" instead of "Still Working". I am having my breakfast (or brunch) here back and forth during these days in this Maxims MX in Tsui Ping Road, Kwun Tong. Although we all think they are not that very clean within the restaurant, it's still serving many residents. Still!

好耐都冇幫襯過美心見到早餐有超值選$25就有一個套餐我點了沙嗲牛肉通粉配烚蛋每個套餐都有口多士及熱飲呢個價錢都冇得彈啊味道就正正常常餐牌好簡陋列印出嚟貼上去就係我記得之前有好靚嘅螢光幕

小妹好鬼鍾意食下午茶，因為下午茶有得垃圾嘢食唔使成日都食快食麵咁鬼悶又可以唔使食咁飽今日難得晏晝唔肚餓可以捱到兩點幾食下午茶，就去咗美心買咗個叉燒蛋包食<列焰叉燒包$31>呢個叉燒蛋包個名改得幾有氣勢叫咗烈炎叉燒包，就咁齋睇個樣其實唔錯，隻蛋睇落無煎太乾，叉燒都有三大片個包食落去仲係暖粒粒嘅，叉燒半肥瘦都幾大片，隻蛋雖然冇咩蛋味，但唔會煎得太乾有冇想飲啲甜甜地嘅嘢，本身想嗌熱朱古力，但係原來冇嘅最後叫咗杯熱華田，熱華田甜味就夠啦但係華田味就冇咩

美心最近新出咗龍蝦湯系列嘅嘢食，價錢優惠，即刻引到我去食個lunch🤤 我食嘅係龍蝦汁藍青口彈彈扁意粉 $43，加配熱飲 +$6，凍飲 +$9。⁣一拎嘅時候都幾驚喜，四十幾蚊就有成九隻青口！每隻都漲卜卜咁，扁意粉份量好多，但龍蝦汁更多，完全唔會食食吓唔夠汁/餸～⁣味道方面，青口有海水味，充滿咸香，點綴到相對較淡嘅龍蝦汁，扁意粉彈牙，性價比好高！⁣如果你鍾意睇我嘅食評，不妨關注我，支持吓我，謝謝你☺️💕

一個人黎食午餐，唔駛等位，但是搭枱，無所謂啦，都坐得舒服，又唔迫唔嘈當然叫呢度其中一個係招牌鮮茄焗豬扒飯。原個焗飯，飯炒底...面舖滿鮮茄汁同菜粒，賣相對辦豬扒好食，啖啖肉，肉質好鬆軟而且肥瘦有齊。汁都好食又唔會太稀或太杰。而且份量岩岩夠撈飯⋯⋯最但重點係芝士好多......岩晒我呢d芝士迷！環境一般。服務員年青經驗不足，不過勝在有禮貌。價錢同茶餐廳差不多，但少了碗餐湯，要飲品另加五元...食完坐了一回，見人多立即離開...

終於終於有時間同爸爸去試美心 MX嘅 金沙香酥雞翼系列啦！因為爸爸同行嘅關係，我地一並叫咗三個茶餐！🌸燒鴨瀨粉🌸金沙香酥雞翼+火腿米粉🌸金沙香酥雞翼+黃金蜜糖船💡小點評：金沙香酥雞翼外皮香脆，雞肉嫩滑。咬落有啖啖香濃嘅鹹蛋黃香味，味道適中，唔太鹹。呢個配搭夠晒特別而且惹味，值得一試！黃金蜜糖船做到外脆內軟嘅效果，落埋蜜糖及牛油，咬落感覺都清新，連小JM都忍唔住要瓜分我一半!爸爸食完覺得個湯底有點淡，但就好啱小JM。燒鴨肉質唔錯，亦好夠味。

裝修前，啲野已經夠差！裝修後，估唔到啲座位，食物質素更差！！下午時間叫左碗「燒鴨米」，點知食落去啲燒鴨舊舊都係冰冰凍既離譜～湯底又冇味，清水咁..好耐之前有段時間好中2食，啲湯底好濃好好味，個師傅去左邊呀

下午茶去左美心Mx嘆，做野附近，所以都幾方便~ 美心下午茶選擇都幾多，不過都係細細分！我未食午餐，所以本來想食飯類，但怕食唔到晚餐，所以就食湯麵～美心mx湯麵都係公仔麵同米粉多，我就揀左燒鴨湯瀨粉！因為有肉又唔會太飽~ 啱哂~ 呢度環境唔差，係衛生有少少唔好~ 我等左5分鐘左右就拎得，佢價錢幾抵, $30就得食有得飲！大大碗，好啱下午茶食！鴨肉夠鹹味，皮燒得好脆，配淡淡既湯瀨食好唔錯👍🏻 肉好鬆，唔會好難咬！都幾值得推介，下午茶填下肚，幾好既選擇😍

好耐無黎過美心，今次黎到美心mx, 好似比一般美心高級少少，啲餐牌好好笑，lunch set 有「焗雞扒飯很大唷！」，叫餐果陣對住個收銀姐姐講很大唷，連佢都笑左出黎。另外叫左個伯爵茶，有冰震，感覺就係高級！埋單五十四蚊，不過不失吧，焗飯味道好好，雞扒好冧，平平地食過快餐算幾好，最好係呢間美心lunch time 都無乜人排隊，唔洗等位，質素真係比一般美心好，但價錢又唔算貴喎！如果同其他美心揀，一定會揀美心mx 黎食。

今日食咗美心嘅打邊爐，＄57有娃娃菜，芝士丸，肉丸，蟹柳，南瓜，豆腐，牛肉，烏冬，腐皮，金菇菜，蟹樓。好似十分抵食。加＄6仲有杯大檸樂添。不過食落味道就麻麻，丸嘅味道怪怪地同埋蟹柳自己煮就散晒。但係牛肉就幾多同埋唔會太肥同服務出奇地幾好。可以一試。

即使以往的母校就在附近 我也絕少到訪美心覺得其水準和性價比沒有其他食肆高 突如其來想吃個肉醬意粉之際才會來這裡 也是因為「無得揀」近日因家中長輩給予了兩張美心美食券 但只限餐廳堂食 不能換購西餅這天經過又剛巧肚子餓下午茶時段剛好正在推一款豬扒包 當機立斷要了一份拿到回家仍然熱騰騰 馬上打開來份量以下午茶來說可接受  從圖片可見 豬扒包和雞全翼都非常乾身 麵包雖烘過 但一點也不香脆 這個可以歸咎於外賣的原因洋蔥翻炒吸盡醬汁 雖入味但可惜入口靡爛 不夠爽口雞翼瘦骨嶙峋 吃牠都感到有點可憐奶茶不過不失吧如果沒有美食券 這套餐收費好像超過三十五元？（忘記實際價錢）性價比不高美心集團廣告雖打得厲害 但想留住客人還是需要一些硬實力呢以上。

一向都焗豬扒飯情有獨鍾。身在觀塘的星期六，竟然放棄工廈覓食的機會，到遍佈全港18區的美心MX，就是為了一試新出的MX焗豬扒飯。還以為連鎖快餐，無論裝潢、氣氛、餐牌等等，一切都統一。這間美心MX的環境，卻是從未見過的簡陋。紅白設計深入民心，這裡卻白比紅多。沒有人來人往的熱鬧，沒有取菜叫號的嘈吵，氣氛就是怪怪的。餐牌上掛著焗豬扒飯的牌子，這比一切來得重要。等了一會，男友捧著餐盤過來。"賣相麻麻咋喎。"廣告圖片，十張有九張都執過。真實的賣相，跟快餐、茶餐廳的，差不多，並沒有打擊我的期望。何謂7級豬味享受？分別是新鮮蕃茄、雙重芝士、有骨肉眼豬扒、原塊厚切上碟、鮮甜菠蘿、秘製醬汁和蛋香炒飯。從賣相可見，芝士算多，有不少菠蘿和蕃茄，另有洋蔥、西芹和焗得又乾又硬的青豆，蔬菜種類夠多元化。融掉的Mozzarella，跟蕃茄汁混在一起，幾香。多汁的菠蘿焗得微酸，開胃之選。蕃茄新鮮多汁，但皮很厚，不先拿掉會影響口感。秘製醬汁，說穿了，即是茶餐廳的紅汁，有點蕃茄味，但調出來的味道沒有新鮮茄香，帀且必定下了不少糖。原塊豬扒肉質軟腍，表面的粉漿浸在醬汁裡變濕，變腍，跟平常的焗豬扒飯沒兩樣，算不上新出品。炒飯則名

一連兩天都經官塘翠屏村做野早餐都在美心解決首先第一天叫咗個餐肉煎蛋出前一丁跟凍檸檬茶購票十分鐘，取食亦十分鐘好在位多，隨便找到個位當然要搭枱啦餐肉有兩片，仲係厚厚的煎得好香口下，煎蛋太陽蛋不過不失，公仔麵差少少係就是出前一丁，但是做法似乎吾係煲，似撞滾水果種凍檸檬茶不過不失，沒有特別第二又路過，附近雲南米缐未開又吾想食麥當勞，飲茶又吾想所以又去美心今次改變款式，要羅宋湯通粉跟長仔煎蛋同蘿蔔糕長仔同煎蛋，長仔不過不失長仔大路野，好難話吾好食除了話凍或者未熟之外煎蛋又是保持太陽蛋蘿蔔糕都吾覺得有蘿蔔味但是果個羅宋湯通粉我已經第一時間食但是入口感覺個湯是暖暖的完全都沒有熱辣辣那種感覺味道淡淡，完全吾甜吾酸吾辣除了顏色之外，吾覺得是羅宋湯吾講仲以為是雜菜湯通粉潻唯一最好是那杯即磨咖啡香就夠香，但是味道就吾夠兩日的得出來結果就是下次我程願食麥記啦

以前吃過沙田分店的焗豬扒飯，可是現在吃觀塘分店的，確是有所不同：沙田分店的是多汁、多飯、多豬扒，而觀塘分店的是超多汁、多飯、少豬扒。除了份量以外，味道也有一點不同，沙田分店的豬扒較香，但這裏沒有這麼香。而且這裏的汁還比較咸，整體比沙田分店差~

絕對要表揚呢度既懷舊茶餐懷舊茶餐包括︰厚到爆既牛油三文治、火腿奄列、叉燒湯意(小)加低糖綠茶=$21本身等得比平時耐有D唔耐煩，點知食落又覺得…等耐少少都值叉燒湯意粉本身以為係放左O係度勁耐(快餐的方式)意粉會勁"林"點佢又唔係，都仲有質感，叉燒仲要有4塊咁多，正火腿奄列係最驚喜，一般快餐店既蛋都煎到又老又硬仲要放到凍哂一食落去，仲係熱既，然後，中間仲要有蛋汁標出黎，無overcook度真係有茶餐廳既感覺!最後最抵既係超厚既牛油三文治好好好厚我直情要用手先禁扁少少先放得入口然後中間牛油好多好厚，好好味又好飽肚既一個tea