美心MX (麗港城商場) (已結業)

剛剛今日下午茶食左呢個燒鴨湯米加6元整杯熱奶茶用電子coupons減$5仲有一張電子coupons係送上湯浸時菜潻估唔到$16蚊落哂樓.... 等十分鐘左右就有算是快! ... 先食上湯浸時菜- 湯頭十分清甜，白菜煮得很冧有兩粒仔皮蛋就沒有咸蛋,有少少彈牙今次燒鴨瀨賣相都OK, 燒鴨加埋D汁, 味道都幾香. 燒鴨亦唔會件件得皮包肥膏 (對上果兩次食過真係得塊皮同肥膏...), 今次有少少肉食下.米粉就少得可憐,幾啖食完對於我處於飢餓的人,份量嫌少,呢杯奶茶真係幾濃郁. Overall呢個下午茶都幾滿意, 希望佢保持好食物質素,唔好只係我呢次好彩吧.

今日工作有啲忙，所以寫單佢間餐廳食個飯就算啦，於是就中午去想我同朋友一齊去美心食午餐，見到佢哋做緊優惠$35一個飯，仲要包埋嘢飲，依家行行地食餐中午飯就要$50，$60 ，咁嘅價都算係好抵！不過今日叫咗豬扒飯，啲飯仲好熱辣辣，蕃茄汁夠香夠甜夠濃郁，係豬扒！都好大塊，未到始終如一唔錯！

今日晏晝唔知食咩好，行咗去麗港城睇下有咩好食。朋友話想食咖喱，行過美心見到有咖喱腩，我見到有35蚊平餐，有埋嘢飲好抵，又唔使等位，好，就食下。個飯拎到手，樣子好正常，汁都好正常，但係d肉食落我覺得好怪，有d唔新鮮梅梅哋咁，明明望落都幾靚仔....食多幾啖決定唔食肉，淨係食汁撈飯，咁食味就好正常唔錯嘅同行朋友叫咖喱飯，佢話好少腩，另外兩間連鎖快餐店好點，佢51蚊嘢飲就真係唔係好抵食。我下次都唔貪平喇，不過佢呢個價同有大大杯汽水都當ok啦....

Weekend 咁晏起身真系唔個食咩好，十一點唔系好想食晏，好多餐廳無曬早餐唯有去美心整番個早餐先<早餐-腸仔龍蝦湯螺絲粉加腸仔多士$31>食個豐富brunch 有間有腸仔有嘢飲，食完真系飽到上心口，晏就都可以唔駛食龍蝦湯螺絲龍蝦湯好濃郁，螺絲粉煮得岩岩好，唔會過淋，不過味精重左D食完都幾口渴多士腸仔普通貨仔啦，不過可以揀煉奶牛油又或者花生醬，都唔錯嘅阿華田熱飲唔使加錢幫我就淡左啲似係溝水溝得太多$30一蚊一個早餐食完都幾飽下起碼都可以捱到食下午茶先再食都算係窮人恩物質素唔可以要求太多

Baked pork chop rice was not saucy enough but at least it was hot. They served it pretty fast along with a ice lemon tea. The pork was a bit chewy however it went alright with the sauce. The rice can be softer and portion is alright for a snack. Not too heavy.

美心快餐店對香港人嚟講一定很熟悉，因為分店又多，食物又好歷史悠久，香港人最緊要快快快，時間關係乜都要快，效率要高食飯都冇時間，噉點算，梗係要搵間快靚正嘅餐廳滿足到香港人嘅需求，所以哩美心快餐好適合我哋香港人，原因價錢平民化，啱曬我哋呢啲搵錢唔多嘅人，而且食物質素性價比又高，仲有即磨咖啡啱我呢啲對咖啡有要求嘅人，更何況佢啲焗豬扒飯鐵板餐等等都非常之好味，所以真係要推介比心美心，室內裝修更加唔使講，乾淨企理

公司借用了cloud voice電話， 即是電話server就唔在公司， 要靠寬頻連接去電訊商嘅電話server 。我們公司都用咗六年，通常一年都有一兩次打唔到電話出去，一般情況是重啟公司路由器，今次例外。打去報錯，原來是電訊商的機樓出現問題， 所以就有點唔開心。 一怒之下，就行咗去麗城嗰邊。 原本是想食米線，行到米線那鋪位，發覺許多人及沒有位。 就上一樓，原來發現有間美心，見不太多人及有位，所以决定在這食午餐。去到收銀櫃檯， 不須排隊就點了個原煲咖哩牛腩飯加熱奶茶。收到飯票後，就等叫號碼拿餐。 我大約等咗五分鐘，就叫到我個號碼。 拿了餐之後慢慢去搵個位坐低。 原來坐我對面那個外國人都是叫同我一樣的咖哩牛腩飯。咖哩牛腩煲色相都幾好，呈現有點紅色，還有些红绿的辣椒，看起來应該好辣，但食落就不辣，所以我沒有流眼淚。不知是否現在米價是否貴了，一般的餐廳都飯少餸多。奶茶就一般。 熱飲加六元凍飲加九元， 所以我選咗熱奶茶。餐廳入面環境都唔錯同埋好多位 。因為附近都有幾間快餐店，下次去開附近可能搵另外一間試下。

食完早餐，晏奏忙得很，冇時間食晏，所以六點鐘就已經自已一個去食晚餐，好久沒去過美心食晚餐，見到有<龍蝦汁藍青口扁意粉>個名好吸引，只是💲4️⃣9️⃣，➕💲6️⃣更可以酥皮龍蝦湯，好抵食👍🏻來自加拿大藍青口，竟然有9️⃣咁多，份量十足，扁意粉煮得軟硬適中，口感彈牙，配上香濃龍蝦汁，正🤤。價錢抵，質數高👍🏻酥皮龍蝦湯，亦都不失禮，湯濃而不鹹，裡面有洋蔥，紅蘿蔔🥕，蟹柳為湯料，份量也頗多。。

金莎蛋黃肉餅配原煲靚湯+白飯金莎蛋黃肉餅配原煲靚湯+白飯金莎蛋黃肉餅配原煲靚湯+白飯（$53）草根爸媽出咗門，又係草根食自己嘅時候😌鹹蛋而家真係無處不在連美心MX都出咗新嘅#金沙手作小菜 系列🌟食肉獸草妹揀咗充滿佬味嘅鹹蛋肉餅餐😂肉餅鬆軟，唔死實又唔會散食落滑溜唔嚡口🐖調味剛好，惹味之餘唔會過鹹上面仲有一大粒鹹蛋黃🐣用嚟送飯好鬼正❤️大大塊肉飯食落好滿足加上一大碗白飯好夠食🍚😋個餐仲包原盅青紅蘿蔔雞腳湯🥕味道一d都唔頹，真係幾好食估唔到美心MX嘅出品會咁出色👍🏻呢個堅係抵食呀👅係懶人晚飯之選🥰

經常與同事吃午飯, 一個月大約三四次現在午餐平均$4X海南雞飯已接近$53。食物質素是不錯的!燒味飯很好吃, 但比較油, 容易胃痛。最好吃是焗飯, 海南雞也不錯, 如在附近工作, 可以一試。美心又開又搬又關的很多分店但是我一直自己覺得這分店海南雞是好食抵食和穩定的好多時放工食來食去茶記。久不久會來這裡噗番個晚餐 冇咁悶又唔洗街市燒臘飯店同人迫是晚同哥哥又來這，這裡平日晚上並不多人！大量位任揀我當然又叫海南雞飯！賣了飛囉牌放在枱面不到五分鐘有人送餐來海南雞飯真的不錯,雞很滑,肉很嫩，水準很高⋯⋯椰菜絲酸酸甜甜好開胃油飯味道都好!很香!真惹味呢⋯⋯不得不提個湯,都很濃呢!!!!哥哥食燒味雙拼飯看來也不錯⋯⋯整體上說都值得再來呀!!

早排見放假，就行去麗港城食個龍蝦濃湯早餐。聽落同埋睇相都覺得好似好正，所以一試。我叫左個龍蝦湯腸片螺絲粉配脆魚柳，跟一杯汽水。員工好友善，見我帶住個bb，主動幫我送餐，禮貌都好好。不過野食送到黎，一睇就覺得個龍蝦濃湯螺絲粉同宣傳照差好遠。。。色水比較淺，同埋都好稀，絕對唔係濃湯。不過食落口，味道都可以既，冇睇落咁差。多士烘得好香，又唔硬，幾新鮮。魚柳係最正既，非常嫩滑，加埋沙律醬食，一流!就味道同服務黎講，真係可以一試既，而且又唔多人，想舒舒服服食個早餐就岩晒啦～

午餐時間同朋友，睇咗牆上餐牌要了一人一個的海南雞飯！套餐雞飯賣相麻麻地，不過如果味道好！我也沒有所謂的！飯看上去仍然粒粒分明若有油光口感還算是不錯，有油香也微韌，軟熟有香味。連吃幾口飯，也要試試雞肉如何。可選雞髀肉還是雞胸，我選擇當然是雞胸。我同檯吃飯的朋友食脾，要試吃雞肉菜式我必定是吃雞胸肉，吃一口就知雞是新鮮雞還是冰鮮雞，絕對騙不到人。這裡雖不是新鮮雞但這裡的師傅浸得很滑，味道是淡淡的，伴上的黑醬油及辣椒醬就派用場了。也喝一口冬瓜湯，真的過鹹了...可以適合一些重口味的朋友也說不定。沙律下了酸汁也不錯。其實很難令人相信在連鎖快餐店美心會找到好吃的海南雞不過是日要快快吃飯，就想起這裡有間快餐店

美心MX出左個新早餐見龍蝦湯🥣好似好吸引咁😍所以我地又去試左龍蝦濃湯腸片螺絲粉·脆嫰魚柳（$33.5）個餐可以揀配炸魚/漢堡扒/腸仔/蛋另外仲跟一片厚麥方包或者蘿蔔糕同一杯野飲☕️草根揀左魚柳、吐司🍞同熱茶一見到碗螺絲粉，就知今次中伏🤦🏻‍♀️個湯底又清又稀，有幾滴燈色嘅油所謂嘅龍蝦湯底就係咁👉🏻👈🏻味道同想像中一樣，零龍蝦味🙅🏻‍♀️仲要上面個幾片腸好似發謂育不良咁明明見到其他人d相都唔係咁嫁😭🐟魚柳就真係嫰滑嘅，片麥方包亦算鬆軟但身為主角嘅龍蝦湯螺絲粉就真係幾差仲要話自己係*濃濃*龍蝦湯借問濃咗係邊一到?究竟係咪分店問題😡？我地只知一定唔會再去麗港城分店

之前都係美心火鍋常客，性價比高經濟實惠，夠晒平民，而家仲有幾種湯底簡，同朋友兩個人食，叫左兩個火鍋，麻辣湯底同蕃茄薯仔湯底，一個係肥牛海鮮，一個係豚肉，冇包飲品，平均每人6、70蚊到。對麻辣湯底有d失望，望落已經覺冇咩料吾濃，食落真係好淡味，吾夠麻都吾辣，飲落好似加左開水冇味，佢有得簡大辣同小辣，我點左小，如果再食應該會點大辣，個人口味濃d。 相比起蕃茄薯仔，蕃茄湯酸酸地好味。佢個份量都幾足夠，一定飽，吾需額外加菜都夠，豚肉比牛好食，d海鮮就麻麻地 真係吾係話好新鮮個隻。 意外係佢粒魚蛋，有意外驚喜，夠爽彈！每份有兩粒～平民餐廳黎講，咁既份量算吾錯喇～如果有埋野飲更好，而呢間美心係住宅區，好處係假期去都吾會好多人逼～坐耐點都冇問題

返完教會朋友們揀咗食美心MX。因為啱啱撞到有朋友係美心員工，所以有85折！我去親快餐店都係食焗豬，因為呢個菜色係最穩陣。不過今次有d驚喜，因為個賣相好吸引，啲料疊到好高，同平時宣傳海報果d樣好似！(通常實物相差好遠)身旁的朋友仔見到都嘩嘩聲！啲汁好足，仲要上面真係有芝士(雖然唔係多)！d飯大大粒，且粒粒分明，撈d汁酸酸甜甜真係冇得頂。啲菠蘿蕃茄都好大舊;豬扒就有少少韌。不過整體都OK！份量略大吃剩一些豬扒。我個焗豬實在值得推介，不過同枱的朋友啲嘢食就好麻麻。所以去呢度可以一試焗豬。