美心MX (已結業)

誠然近年很少惠顧美心MX快餐，印像中他們食物質素不俗(對美心集團旗下食肆質素都有基本信心），今天中午路過新葵興廣場，看到美心MX換上了形格裝修，特意進內一試出品。室內裝修比不少Cafe 餐廳更具格調。店內設有傳統的人手售票櫃位及自助售票櫃位。沒有在香港用過自助點餐機，一於試試，點餐機的唯一付款方式為八達通結帳。點了無骨海南雞骨飯另外加了一份上湯浸菜及即磨咖啡，合共HK$66，久未幫趁，驚覺原來美心MX 除了在門面裝潢追上了Cafe之外，連食物價格上也有後來居上之勢頭。拿了單，跟已往的快餐輪候食物模式一致，約3-4分鐘後食物到手。無骨海南雞飯 HK$50一向認為海南雞飯，飯是主角，雞是配角。先評飯，飯做法一般會以雞湯、雞油、蒜、香茅及一些乾香料等等，放進預先炒香的生米煮熟。面前的飯沒有油香，只有輕微的雞湯甜味，亦沒甚麼香茅及香料味道，很明顯雞湯、雞油及香料份量皆不足 ; 味差，那口感怎樣呢，米外觀是不是俗的，可惜口感非常嚡，而且並無米香，原因相信只有一個，他們選用了缺乏香味，口感偏嚡的越南米。雞的質素是可以的，當然是冰鮮貨，但有水準，有雞味而沒有腥味及雪味 ; 惟以份量而言，實在太少，下

明明沒有結業，為甚麼Openrice要定它為已結業？ 早兩天才在這裏吃過早餐。裝修型格，又sharp又醒神，黑色魅力由此而起。早餐有煲出前一丁，特別有一開放式廚房角落是由㕑務員煲煮出前一丁，即收單即煮。這間美心mx主張客人在餐後把食物盤及食具自動交放到收集處，在葵興來說，算突破嗎？煎牛扒炒蛋早餐，加片多士已足夠，牛扒易咀嚼，沒有鬆肉粉的討厭味，調味得宜，炒蛋滑嫩有奶香，吃得舒服。 近排喉嚨有點癢，額外加$9要了杯熱檸薑，喝完後更加潤喉。

再一次搬公司，所以收拾晚了午餐，我和某幾個同事見仲有15分鐘就下午茶，就決定等埋下午茶先食，因為呢間美心真係好貴啊！午飯價錢同尖沙咀、銅鑼灣可以睇齊！雖然裝修係靚左，而且可以自助用機點餐，然後用八達通付錢，但女孩子很少會帶八達通食飯的！所以對我來說無用囉。講完都夠15分鐘，可以買得野食，我就點左奶醬厚多士，我同事就叫左公司三明治，兩樣的賣相都還可以的，跟我在台灣吃的有7成相似，但比較乾身，尢其味道方面，如果加多少少醬會好D。奶茶味道很一般，茶不夠靚，不過好吃過現在公司樓下的大x活，有兩張是其他同事點的，沒吃但賣相ok

呢間美心幫襯左好多年，睇左佢一路退步，食物質素不斷下降，已經很少幫襯最近見佢重新裝修，餐牌轉哂，決定比多次機會佢今次就買左個海南雞飯做晚餐先評雞，份量少左點，但肉總算嫩滑，而且起埋骨，不過有部份碎骨未清乾淨醬汁：不過不失飯：太乾，太硬了！椰菜：爽口新鮮，但柚子汁太少湯：太淡，好似溝左唔少水咁，可幸唔似加味精附送的梅子特飲：酸到暈，好彩係送的食到最後，發現除咗有碎骨外，還有雞毛未除，大倒胃口。。。所以，overall只能比ok不過，總質素都算係比前身美心有進步了！希望能繼續改善。

途經美心mx便吃份早餐，點甚麼也沒所謂，最重要是想喝喝廣告牌上新推出的紫蕃薯汁。紫蕃薯汁是真蕃薯加水打爛而成，甜味少，薯肉多，薯肉並非煮至腍透那種模樣，但冷天喝過總是暖暖加飽肚。買了脆魚柳香腸早餐，看上去脆魚柳是很大嚿，脆是脆可是食落會有腥味兼且肉質滑潺潺。  香腸略煎、蘿蔔糕甜甜地又不粉實，算啱口味！

求求其其就入左呢間美心MX，點左個火鍋。同吉野家比較，同一樣嘅芝士竹輪鍋，美心呢個比較遜色，個芝士竹輪唔夠多芝士又唔夠吉野家個個香，湯底我揀左醬油湯底，ok啦，無特別，牛肉份量亦唔夠吉野家多同靚，南瓜就煮極都唔稔... ...d阿姐仲驚死我地賴死唔走咁... ...九點鬆d就不斷提我地十點要走人閂門... ...

每一次到美心MX，都是以堂食為多，皆因在外面工作的時候，只想在店內完成那天的午餐，但今次卻因利成便，辦過事後返回公司，順道可以買一個飯盒回公司吃。叉燒紅腸飯。美心快餐給在下的印象是燒臘會做得較出色，如同酒樓般的出品。今次點來的叉燒，如常的是瘦叉燒，沒有燶邊位，也有些鬆化的口感，亦有的軟腍的感覺，紅腸皮脆而軟腍，加添飯盒的咀嚼程度，因此叉燒和紅腸都不錯吧。今次是第一次外賣，返到公司才吃，在下想也許還是在堂食好一點。

相信係美心快餐其下最差的分店!今天點了一個勝瓜咸蛋肉片湯飯 (外賣自取)等取外賣時見堂食的賣相，打個凸... 勝瓜不是翠綠色!  已心知不妙...外賣自取回公司才2分鐘路程，回到公司打開... 天啊!!!賣相比隔夜餸還要差!!!  不知道勝瓜是質量不夠新鮮還是經長時間烹煮，好似醃瓜咁既色... 食落無味.肉片，看上去像牛肉不似豬肉... 應該是雪藏左唔知幾耐的存貨...賣相已絕對地失敗... 味道更加咸到入唔到口... 食左2啖頂唔順，成盒掉左.簡直係浪費金錢

今日實習日,喺放飯時間同埋同學仔一齊放飯~~喺唔識路又冇乜選擇之下~遇見了美心~食飯時段真係非常多人~我地乒分兩路,一部份買野食另一批就去搵位,好艱困咁搵到7個連坐位,我當然係受竉可以先去買野食的人啦~!餐牌上有好多選擇,有肉有齋有辣有唔辣~我就清清地咁揀左兩味餸食連湯~其實見呢個配搭都知道唔會有乜野特別要求但求簡單入到口…仲要飽肚…麻婆豆腐, - 見佢個樣似模似樣,紅紅地以為有點辣,可以開胃D, 點知入口一D辣味都冇,叫肉粹豆腐更為合適,芡汁又濃左少少~蒸水蛋, - 算係唔錯的出品~水蛋唔會太硬身,仲有滑滑的感覺, 入口蛋味唔重,可能水加多左,蓮藕章魚豬 ? 湯 (睇到張單真係有少少笑左出黎~到底會係豬?湯呢?)– 睇返張單先知佢原來湯入面係有章魚,入口只係感覺到清清的湯,見到有蓮藕同少少豬骨..當佢係清湯咁飲感覺會好點,確係…餐廳都冇話佢係老火湯 HAHA….嗯….對快餐..可能真係唔應該要求得過高…相信己是舖頭最大的努力一時間唔記得叫佢少飯~!碗飯真係超大碗~~雖然食得晒,只係感覺有點OVER~ 

已不是第一次在新葵興廣場美心快餐吃下午茶公司三文治，每次都期望會有進步，但它的水準總是保持得非要食客失望不可。新的一年，今日(2014年2月3日)年初四又來吃下午茶公司三文治餐，餐廳食客不多--大概因非賽馬日關係，只等了一會便可領取食物。三文治材料還不差，有雞肉、火腿、生菜、蕃茄等，但烘底的三文治為什麼是又冷又腍的呢？隨即到領取處要求更換一份熱的，竟換來店員的科學回應：生菜是冷的，三文治因此只會微溫。真是醍醐灌頂、發聵振聾，全港高中低級餐廳、茶餐廳、快餐店及其他美心快餐分店，務必改過自新。教育，是春風化雨、潛移默化的偉大終生事業。店員慈悲，知我凡夫俗子執迷不悟(同時另一食客亦要求更換，可憐無知之輩竟如此多)，故而孜孜不倦點化蒼生，擇善故執地換來另一份--微溫公司治！

每天下班的晚上也是十分傷腦筋，因為要諗食什麼！每天差不多的路，每天差不多的食店。要選一家真是不容易。因為方便的關係就去了美心喇。六寶飯，有叉燒、紅腸、燒鴨、油雞、咸蛋、墨魚六寶。算是無敵的…燒鴨、油雞是沒有肉的位置，只能提供味道，而其他配料，大家也耳熟能詳；差不多每個人也知道。味道？又是一樣…醬油雞餐，有菜有飯有雞有湯。雞還有爐熱住！我真想講下為什麼每一次美心的蔬菜一定是又爛又黑的！！無論套餐、火鍋、碟頭飯…可不可以選一下才給客人呢！！湯是冬瓜味精湯，沒什麼要講。而主角醬油雞，不就是六寶之一的油雞嗎？可能是味道再咸了點，不過其實沒有什麼差別…其實有時我們真有點可憐，身邊包圍住很多的連鎖店；令飯飯變成公事。店中不會再看見對食物的歡笑及讚嘆…

自呢間食店在十一月中裝修後, 都無再黎, 呢日想起想食焗豬排飯, 一於去la, 其實我次次黎呢度都係食佢呢個飯!裝修後, 發覺同之前都無咩大分別, 只係多左幾部展示籌號的電視, 地方清潔, 職員執檯的效率都好快焗豬排飯 - 呢次唔得la, 焗得太耐, 個面燶晒, d飯又乾晒, 又落多左茄醬, 好酸.......幸好d豬排不至於柴皮.....我估我要等一排先會再黎囉.......

公司附近真係唔多快餐店、餐廳....黎黎去去都係果幾間...而新葵興廣場呢間既美心mx...都係間唔中先食一次....因為真係唔抵食+唔好食......呢間美心可以話係我食過咁多間最唔"得"既...中,午,晚,tea time ...都試過.....最食得過既時段就係tea time......早餐:大約$23~$24.炒蛋....完全冇味...仲要超細隻....睇落去得半隻蛋親眼見過有客人問:隻炒蛋夠一隻蛋嗎點解咁細隻(簡直係我一直埋藏在心底裡既說話!!)店員竟然答:夠呀,呢到兩隻蛋黎tim呀!!如果你唔喜歡既,可以轉煎蛋比你既........客人只無奈接受這"迷利炒蛋"...咁都叫用兩隻蛋黎炒...咁佢D蛋可能特別D...K型D啦- -"火腿、牛油包:普普通通,冇咩特別,都OK既。牛肉通粉:啖味左D...牛肉都幾林,還可以...不過都係好細碗奶茶:咁多間大型快餐店,MX既奶茶算係最好味,好夠奶味茶味。咁就$24.....如果唔係杯奶茶...我估我會唔夠飽...$21蕃茄湯底、翠肉瓜幾好味,呢款早餐我食幾次...但有3、4次都食到d味怪味...似係"縮"左既味...但又食唔到係米粉定

七一回歸, 連續三天假期, 心情輕鬆, 早上出外吃個豐富早餐吧. 公眾假期的早上, 沒有返工日子人流多的壓迫感, 倍添了休閒的氣氛.原本想食炒薯仔, 怎料已轉成別的款式, 思前想後, 就揀了炸菜肉絲米配火腿蛋厚多士. 炸菜肉絲米份量足, 味道是可以, 不過米粉稍硬.火腿沒有煎得很好, 不過總算是有火腿味.煎蛋只是輕煎了, 沒有我喜愛的微焦口感, 油亦偏多, 本想加胡椒粉及鹽調味, 但整間店都沒有放置調味料, 比起大家樂及大快活, 似乎有點孤寒.厚多士微脆微暖, 算是可以的.熱奶茶偏淡, 沒有茶味, 飲得唔夠過癮.用了coupon便宜了二元還可以, 若要二十多元食早餐, 選擇多的是, 可能會幫襯其他食店.

工廠急件趕工, 忙到胃痛先記起未食飯。 走去MX水牌見到很久無見的公司三文治。$22 餡料有雞肉, 雞蛋, 火腿, 生菜, 蕃茄。很久也沒吃過公司治, 所以對我來說是一定好吃, 不過雞肉有點硬加$3要凍奶茶