美心MX (天晉匯3)

營業中

休息中

見到大X樂推2人鐵板餐149，心思思想試，後來發現MX的鐵板餐仲抵，什扒餐竟然$49配大大杯汽水🥤，仲係檸樂！咁嘅價錢冇投訴！如食牛扒就貴D。亦可加甜品和酥皮湯。當日酥皮湯已賣晒，試唔到！不過什扒餐已很豐富，有雞扒、豬扒，大肉腸、煎蛋，薯菜，份量充足！味道正常，與快餐店的鐵板餐差唔多水準！肉唔會死鞋、好易切，我鍾意食雞扒多啲，因為肉質嫩滑，煎得啱啱好！提提呢個特價餐唔用得eatizen app 的優惠券！

由於上班時間長😑，通常晚飯都是外出攪掂，有時番到屋企都8點幾⏰，想拿拿林想食個晚飯，都會諗起MX。因為夠快🏃，裝修舒服又乾淨。通常呢個時間唔會特別多人排隊，等候時間都唔耐👍油雞煎菜脯蛋飯係我至愛。油雞合格，，菜譜就辣辣地，好野味😋而且D蛋炒得好滑，性價比高，快餐嚟講好滿意喇🥇🥇

放工唔知食乜，求其去咗附近MX鋸扒。鐵板餐有兩個選擇：雜錦（炸蝦🍤、雞扒、豬肉腸）或牛扒🥩。點了厚熱肉眼牛扒（$79）：包括龍蝦酥皮湯及啫喱。鐵板唔算好熱，但係都OK啦，冇咁熱氣。個牛扒份量足夠、配粗薯條🍟及些少蔬菜🥦。選了黑椒汁，個醬汁都好香濃。個湯酥皮夠酥脆，但只有半碗及幾粒蝦仁粒。最後以青檸啫喱作結，而家都唔係好多快餐店有啫喱食，面頭有幾粒雜果，同埋可以叫阿姐俾花奶。當懷舊一番。食晒成個餐其實都幾飽吓。