36
21
10
電話號碼
2940 6320
附加資料
消費滿$50以上方可簽卡
營業時間
星期一至日
07:30-21:00
付款方式
現金 八達通
食評 (113)
等級4 2014-04-23
347 瀏覽
前日(21-4-2014 Mon)同男友去完街返荃灣,佢要買啲麵包做早餐,就o係o度買,佢揀o左兩個麵包同一個$23.00o既班蘭蛋糕,俾錢時收銀話買滿四個有78折,提我o地買多個. 其實我見到佢o地有個牌寫住買四個78折,但我以為係買某一種麵包四個至有,原來唔係,咁佢o地應該寫清楚話係所有產品或麵包,蛋糕.咁我就揀多件豆沙燒餅,total我就唔知幾錢,一路拎住時,就一直嗅到班蘭香味.而我o係尋日(22-4-2014 Tue)朝全部都冇食到,男友亦食唔到班蘭蛋糕,因為飽喇.到放工我先返到屋企,忍唔住口痕想食,就打開食,呢個時候至見到原來尋日到期,我覺得佢o既包裝有問題,外面張紙遮住食用期限標籤. 我掰出o黎食,佢好鬆軟,係出乎意料之外,但可惜班蘭味只係淡淡. 繼續閱讀
(以上食評乃用戶個人意見 , 並不代表OpenRice之觀點。)
等級4 2014-02-02
72 瀏覽
最近看到有不少朋友都在焗杏仁條,搞到我又好想食 咁就去美心買左包原味杏仁條 $16 (3包有八折啊!),姐係三包$38.4。杏仁條有原味、檸檬及朱古力味,自己就比較喜歡原味的。每包入面有6塊,驟眼看都有不少層,食落雖然牛油味唔夠香,不過又幾酥脆,杏仁味幾重,還不賴啊。 繼續閱讀
(以上食評乃用戶個人意見 , 並不代表OpenRice之觀點。)
7-9-2013 (Sat)同男友o係葵芳地鐵o既美心西餅攞三盒月餅,有:原價$180.00,員工價$172.00o既金腿伍仁月餅,原價$122.00,員工價$115.00冰皮甜品美宴同原價$120.00,員工價$115.00o既冰皮芒莓濃情,咁計其實大約係95折,美心對員工真係”好”.點知金腿伍仁月餅唔可以o係呢o度攞,要去指定地方攞,咁唯有第二日至攞畀爸爸.到9-9-2013 (Mon)放工後o黎呢o度攞啦.呢隻月餅唔使雪,亦都只係用紙袋裝住,拎到返屋企打開睇,原來唔係四個,而係有六個,到尋日14-9-2013 (Sat),同爸爸買完餸返到屋企,至晏晝佢食飯,我就開一個食.切開時感覺好實,幾難切,睇睇內裡有好多料,最明顯係瓜子肉同杏仁,其實以前都貪得意食過金腿伍仁月,以為健康啲,點知係超甜,所以都冇再買o黎食,而o衣o家買畀爸爸食,係因為唔想佢成日食蓮蓉蛋黃呢啲膽固醇高o既月餅.切好就食喇,味道就一樣係甜,但亦食到微微酸味,睇睇成份表(原來有咁多o野),原來有糖桔餅,而o係其他列明o既成份當中,當然食到杏仁啦,亦食到冬瓜蓉,而其他咩o野合桃,橄欖仁,糖蓮子,唔係好食到喎.口感係食到膠膠地同有o趙口o既,可能係明膠o既作用啦,而食到最尾,我竟然食到一舊直徑大約3mm o既砂糖 .環境:之前佢將開o係商場o既門封o左,改為得一邊門,方便擺o野,呢日o黎攞月餅,店舖被月餅用o左好多位,加上一個凍櫃又擺得好出,令呢o度更加擠迫,直情唔想繼續逗留.價錢:呢次只計金腿伍仁月餅. 繼續閱讀
(以上食評乃用戶個人意見 , 並不代表OpenRice之觀點。)
等級4 2013-06-09
24 瀏覽
之前約o左男友o既男友人NT o係尋日(8﹣6﹣2013 Sat)傍晚o黎我屋企整電腦,呢日天氣酷熱,買啲西餅招呼佢先,而屋企有幾張餅咭,就拎去用啦。o黎到人山人海,我要企好耐至睇到有咩o野西餅,除o左西餅外,佢o地出o左好多o野,有果撻同杯庄甜品,我就用餅咭揀, 要o左三個$18.00o既苿莉味o既甜品杯,四件$13.00o既雜果撻同$16.00o既芒果撻,到畀錢要用兩張餅咭再$26.00,即係話,每張可以攞一打西餅o既餅咭值$48.00。其實我預爸爸食雜果撻同o既芒果撻,其餘就係我,我男友同NT三個食。返到屋企影好相,我忍唔住先食我o既雜果撻,雜果有奇異果,士多啤梨,芒果同藍莓各兩件,先食奇異果,雖然唔酸但乾同冇乜味,顯然係唔新鮮,雪o左好耐 ;個撻重驚,咬落去淋都算,重開始散,幾驚食食吓會跌;士多啤梨同芒果同樣唔係甜,但好少少o既係有汁;忌廉幾滑;而藍莓係淋,同樣唔新鮮。味道: 1.5分好晏,男友同NT重未到,我都係先食苿莉味甜品杯,面上有啲白朱古力,但作用唔大,而且只有淡淡o既苿莉味,中間有層紅豆,然後有蛋糕,其實都係冇乜苿莉味o既o野。味道: 1.5分 繼續閱讀
(以上食評乃用戶個人意見 , 並不代表OpenRice之觀點。)
等級4 2012-01-24
12 瀏覽
尋日(23-1-2012 Mon大年初一),家人返o黎賀年,我就早前o係G字頭o既團購公司,以$95.00買原價$190.00兩個o既Hello Kitty年糕,一個係瑤柱蘿蔔糕,一個係紅豆夾心椰汁糕等佢o地一齊食.好,首先試唔使整返熱o既紅豆夾心椰汁糕,呢個椰汁味好重好多,但紅豆冇乜味,雖然佢係腍晒,而椰汁糕o個部份,竟然有啲似臘,有冇攪錯然後到瑤柱蘿蔔糕,切開睇到瑤柱,臘腸同蝦米都唔少,煎好食得,男友第一句話好鹹,大嫂試食,佢都話好鹹.我都試吓先,我覺得係臘味o既鹹,但蘿蔔絲唔係好多.特別一提係服務,1月20日去換o個日,職員見到我拎住張coupon,就知道我o係攞呢兩款年糕,即叫我去入面攞,入到去,收銀一見到又好醒目咁叫同事拎,好快手好順利就攞到. 繼續閱讀
(以上食評乃用戶個人意見 , 並不代表OpenRice之觀點。)