美心西餅 (港鐵美孚站)

一向都好鍾意食美心西餅嘅朱古力撻。 朱古力撻朱古力味濃郁， 唔會好甜。 朱古力撻上面係脆皮朱古力， 仲有啲杏仁喺面，下層係蛋糕餅皮。 食嘅時候一口咬落去，可以食到外脆內軟嘅感覺。 但而家加價加到十蚊一件啦。…查看更多

一入門，就被濃郁香氣攻陷，別以為呢度只賣流心奶黃月餅💖，仲有一籮筐美食等緊揀！首先，個流心奶黃月餅，咬落去「啖啖肉」塞滿成口，流心出奇地滑潤，吃落竟然仲會過癮得捨不得停🤤！而個北海道牛奶包，真係「軟綿綿」，牛奶味濃郁得黎又唔會過甜，掂晒！每朝一個，簡直係「提神醒腦」嘅好選擇。夏日嘅Juicy Yogurt Cake，真係夠曬「清新爽口」。個慕斯蛋糕部分出乎意料咁細滑，味道酸酸甜甜，搭配上那香噴噴嘅芒果汁和新鮮藍莓，齊齊「轉化」成美肌養顏嘅甜品寶藏，每一啖都「啖啖靚皮」！而家嘅食評就寫到呢度，如果你都想嗌大口流心或者一試冰涼盞盞嘅夏日甜品，記住，快啲嚟到呢度挖寶啦！🍰🍮🎈…查看更多

有個朋友二月生日，成班朋友一齊慶祝！生日當然要有生日蛋糕啦，經過美心見到呢款搞鬼既新年蛋糕就二話不說訂咗呢款。呢個蛋糕有兩磅重，人多每人食少少都夠分。個蛋糕其實係鮮果蛋糕，上面加咗條意頭好好既鯉魚。個蛋糕底係中規中矩，正常平時係美心食到既蛋糕底質素，啲生果都算新鮮。而最驚喜係條鯉魚，大家都估緊佢係咩食唔食得！結果原來係椰汁糕，佢有淡淡地既椰汁味，食落有口感，仲要整得幾靚有誠意！用埋美心啲優惠埋單二百頭的確唔錯。…查看更多

自從去過新加坡食過好出名班蘭蛋糕之後，返到香港就好想食番，今日見美心有就買黎試下啦，但真係無得相比, 美心那個好淡"班蘭"味, 當佢普通海棉蛋糕還可以, 美心有仲有單件裝賣, 可買件來試吓算囉....…查看更多

芝士蛋糕早幾年好流行，當時女仔仲會親手整芝士蛋糕，小弟有幸收過女朋友整既蛋糕，我估芝士蛋糕應該唔難整啦，其實就係芝士凍餅。藍莓焗芝士切餅外型同一般既芝士蛋糕無分別，照計大公司出品都不會太差。不過呢件蛋糕要焗，比芝士蛋糕高難度小小蛋糕上面有啲藍莓醬同幾粒藍莓。至於味道就好普通，上面既藍莓醬我例牌唔食，因為太甜。蛋糕口感紮實，忌廉味幾重，但就好可惜地食唔出芝士味。芝士味比較淡，而且食落蛋糕比較濕重，所以有啲失望。…查看更多