美心西餅 (大學站)

營業中

休息中

法蘭克福腸仔包 $7.5今日諗住買個包做早餐食，見到好多包都好貴咁咁就揀左呢個法蘭克福腸仔包 $7.5而家都幾好嘅，就係每個包都已經一早入晒膠袋，就咁拎就可以點知一食，呢個包係勁唔好食條腸又實，又無味，個包又唔夠鬆軟，失敗下次唔買黎食

出席朋友仔仔嘅生日會，佢訂咗呢個蛋榚，話說佢早一日先醒起要訂蛋榚，好忟先訂，所以無辦法要揀連鎖店嘅蛋糕，幸好店方都可以生日起到，不過就要4點後先可以取餅！怪獸大學校園（$498/8吋）蛋糕造型靚，同網上照片一樣，不過公仔係硬膠，抽起連公仔嘅插腳，都唔剩好多蛋榚，朋友話本來改咗黑森林，點知比咗忌廉蛋糕！蛋榚鬆軟，忌廉滑，不過我覺得太多忌廉！蛋榚多啲會好啲！唔太甜好味！咁趕都出得切個兩層蛋榚！無令小朋友失望！加分

每天早上都是吃麵包的時候，今天也是。我本來想買單個麵包，但想起很久沒吃排包就買了。沒有買新品種的排包，因覺得有點奶蘇。傳統的排包13元有6塊都算平易了牛油和蛋味較重，麵包軟和有點牛奶味。

今日無買到包，想食下蛋糕。之前食過，覺得乾，唔太好食。今日買左合桃蛋糕，7.5蚊有2隻都幾抵。今次唔太乾同合桃可能香口d，也食唔到太多油，都okay。蛋糕size唔大，但2個做早餐都飽既。

今日食南瓜提子飽，每粒南瓜同提子都係哂包入面，每口都食到提子味好重，南瓜味都無乜。包好軟，無濃底另外買埋提子包拎走，都係條條包都有提子，勁好食。但今日提子包有d細

今日女朋友提前慶祝生日，而佢又好鍾意食芒果，所以我就買左個芒果味生日蛋糕，外層全以芒果舖滿，芒果好新鮮，好香芒味，蛋糕亦好鬆軟，裡面有D红堤啫喱，唔太甜，好爽口，加分不少，再加埋外觀玫瑰造型相當吸引，值得推介

看了Julie & Julia之后，决定也学女主角来个计划，不过我的简单些，她要自己动手，我动口就好了。把香港各大面包店的出品试一次，看来会是个非常艰巨的任务，不过，不妨一试？？今日是bread计划001号。美心的朱古力挞。吃完饭后想买那些4蚊的饼，看起来朱古力挞似乎最实在了，于是它成为了第一件试验品。回来放入冰箱上层一个钟才吃，第一口和想象中一样，真的非常实在，表面的朱古力冰了之后非常像雪糕的脆皮，里面的朱古力蛋糕密度很大，实实的，更偏面包而不是蛋糕。本来以为底下会有挞皮的，没想到全是蛋糕，底下不知道是原来还是冰过的原因，比中间的质地要硬，倒也神奇的创造出了中间软两边硬的口感，面上的花生碎感觉无足轻重，如果改成柠檬酱可能会更好，朱古力本来已经很浓郁很甜，花生是同一种系列的，因此如果有清新感的酸味中和就最好了，或者加杯绿茶。结果吃一半就觉得腻了，可能因为我也懒得泡茶了，嘻嘻。总的来说，很对得起价钱，落足料，作为001号给个79吧，以作鼓励：）

老細整理文件時, 搜出餅卡一張. 從來不會這樣買餅吃餅的她就叫我過來深圳前, 換一打西餅來供同事們分享.美心的餅卡, 有一樣野好, 就是永遠沒有expired date, 張餅卡幾舊都冇問題. 一張紅色的卡, 不加錢, 簡單的, 換來了十二件精美西餅.隨便的叫美心姐姐呢款兩件, 果款兩件. 一大盒攞過關. 美心既西式禮餅. 換來送朋友, 探親, 或帶到公司去請同事食, 是最好又簡單的東西. 若是拿著餅卡換野俾自己食, 相信你、我、他也寧願加錢, 換點別的蛋糕麵包.十二件西餅, 有簡單的蛋卷, 有傳統的cream cake, 也有一隻撻撻地既蛋糕仔. 其他讓同事分吃. 我只吃了一隻白朱古力蛋糕仔, 同一片蛋卷. 這是早上的一批西餅, 感覺, 當然(直覺上), 係新鮮d. 白朱古力面的西餅, 蛋糕身軟綿綿的, 夾心的一層cream, 味道非常甜美. 面頭上薄薄的一層cream, 再加上沒有過份甜的白朱古力. 甜美小點, 用奶菜式咖啡相送, 是一個唔錯既享受.蛋卷, 新鮮的最好食, 蛋卷一樣軟軟綿綿. 切片的功夫由機器包辦, 切得方方整整, 塊塊一樣厚. 食蛋卷, 切得太厚, 會覺得膩,

年初三，往中學同學家拜年，同朋友一起前往，朋友打算拎打美心靚餅去，但發覺款式越嚟越少，所以買了一個賀年CAKE，招財進寶(楊枝甘露蛋糕)，賣相討好，旁邊有一條朱古力製嘅鯉魚，加上一些士多啤利及金幣裝飾，很好節日氣氛的一個蛋糕味道方面，其實偏向布甸，中間夾著少少兩片蛋糕，布甸不太甜，食落去有楊枝甘露FEEL，柚子肉清晰可見，賀年手信不錯選擇。

文迪媽媽的生日, 回大埔前係這裡先買個蛋糕.什果蛋糕$85: 8分, ID有折, 便宜了不少. 這個什果蛋糕, 面頭係有不少生果, 當然係揀了件桃來吃. 蛋糕不太甜, 不會有過多的忌廉, 比上次外父生日係聖記買的那一個好吃得多.又真係幾抵的.

遊船河要自備午餐,但自己又唔記得左去超市買方包,吞拿魚,所以唯有在遊船河之前買個麵包食就算...買左個蘑菇粟米包...蘑菇,粟米都係自己的愛好...蘑菇粟米包緊到成個成個蘑菇形咁...蘑菇同粟米配搭得都ok,都幾好食,麵包鬆軟,但唔夠,同埋d蘑菇粟米餡唔夠多...所以食完唔夠飽...

路經此地再黎買包醫肚貪心d要個雙重口味既孖寶即係腸仔加肉鬆但唔知係咪下午時間關係包身硬到可以掟死狗腸仔無乜味肉鬆又唔多完全令人食左一啖想放棄結果本來同朋友仔share食都可以食唔晒服務仍然唔得本來以為人多先係咁但我估係個別人士問題唔知係咪地方偏d就會咁呢???另外點解唔係間間都有微波爐翻叮包包食既???

今日約左成班朋友郊遊出發前買早餐食全部新鮮送到多選擇到眼花療亂最後選左栗子紅豆黑芝麻包賣相一般只係一個黑色似橢圓形既長條型麵包一咬之下包身好香芝麻味入面既栗子餡甜度適中份量唔算少配合粒粒紅豆好有口感食完成個包覺得好滿足正可以下次再食但服務麻麻姐姐仔有D黑面

返完night，回到中大去了新裝之後的美心裝修過，靚左好多，全鋪以『心心』作主題，紅襯白，仲有好多畫，感覺好光亮，仲有ＬＣＤ電視睇新聞添！留心睇下ｄ畫，劃畫的人都薄有名氣ｇａ連廁所、禁止吸煙．．．的signs 都有用心去design 過,　有heart 呀!講返食野，叫左個美心豐盛早餐：粥加燸米雞有細細碗但好足料，有成三大粒亳屎的亳屎粥大大隻足料燸米雞，有兩片厚薄均等的立腸，仲有大大節雞脾肉，仲有好多醬正！十七蚊，勁飽

(2/4)睡眠延遲了出席的時間，故已於火車站內的快餐店速速完成，下午茶餐的雞脾原是心頭好，但礙於時間倉猝，故選擇了這個和風豬扒包餐，怎料...比起叫雞脾餐的時間還要長，大約要等五分鐘，味道方面，原本是可以接受，但那個和風醬汁，完全是大煞風景，點解還要落下去？註：沒有美心快餐，故放在美心西餅處。