營業時間
今日營業
08:00 - 20:30
星期一至日
08:00 - 20:30
以上資料只供參考, 請與餐廳確認詳情
美心近期新推出QQ麻糬系列，但只限現場糕烘焙店先有，我屋企同返工附近都無烘焙店。咁唯有嚟呢度試呢款類似嘅肉鬆麵包糯米糍。麵包面頭有滿滿嘅肉鬆，食落好重肉鬆味，如果唔細心咀嚼，差點遺忘包內有糯米糍，俾肉鬆味蓋過了。但整體都好味道。
繼續閱讀
今日買左個芝士包，樣麻麻地有多一粒粒 鋪滿左好多嘅一粒粒芝麻嘅物體又香又好咬口講到明食麵包為咗慳錢全因為聖誕節即將來臨今日我嘅晚餐就來到美心西餅買麵包其實今日本身想買西餅但係諗諗吓西餅並不太足以令我飽諗左好耐決定買芝士包其實主要係比包裝吸引左因為包裝有好大個芝士嘅標誌中意狂芝士嘅我當然買食完都想買多包🤣🤣☝🏻☝🏻但食2塊已經偏濟🤣🤣切忌飲水食食包大忌👍🏻👍🏻👍🏻👍🏻👍🏻👍🏻
繼續閱讀
今日係表姐細仔百日宴嘅大日子，由於無一早預訂，但喺晚宴先覺得一齊切蛋糕慶祝會比較好，所以我們喺新蒲崗Mikiki商場嘅「美心西餅」買咗兩個鮮果系列蛋糕！我們買咗Rose's鮮果法國士多啤梨果蓉蛋糕嘅頂層舖咗多款鮮果，有芒果、士多啤梨、藍莓同奇異果，而喺正中間位置係用芒果堆砌成一朵花嘅形狀，賣相相當色彩繽紛，鮮果都算幾新鮮，蛋糕嘅質感非常鬆軟，舖滿外層嘅嘅忌廉亦好香甜軟滑，至於中間嗰層就係法國士多啤梨果蓉啫喱夾心！芒果脆脆嘅頂層係用多片超香甜而且好厚身嘅芒果堆砌成一朵大花，賣相非常精緻吸引，蛋糕嘅質感好軟綿，中間嗰層亦係舖滿香甜嘅芒果肉，而底層就係朱古力脆脆做餅底，餅底好脆身，令到口感更加豐富，而且朱古力味亦好香濃！
繼續閱讀
在 Mikiki 看星矢的一天，正正是我生日的前夕。吃好飯，看完星矢，行畢商場，太太建議到商場的美心餅店，買個蛋糕回家切，而她就選中了美心的彩虹蛋糕。其實，美心的天使、魔鬼及彩虹蛋糕，感覺上有點騙錢，因為他們就是一個什麼都沒有的蛋糕，不花巧，沒有設計，只是單純的純忌廉蛋糕。不過，好的是，你愛什麼樣，就愛什麼樣，蛋糕配有了結糖同棉花糖，你喜歡什麼造形，就自行配搭。是日我們買到的，是 Hello Kitty 特別版，所以蛋糕也特別地變成了可愛的粉紅色，我們把附贈的三隻 Kitty 放在蛋糕面上，感覺特別的可愛。內有乾坤的蛋糕，一定要切開才能看見其真面目，紅橙黃綠紫，層次分明，橙色同黃色中間，夾有芒果果肉，而綠色同紫色中間，夾有啫喱，在幾種味道交雜之下，味道亂了，但色彩繽紛的蛋糕，的確是吸引眼球，尤其是小朋友的眼球。是一個簡單的蛋糕，可以用簡而美來形容，食蛋糕，原始不花巧，原來是最好的，所以，天使、魔鬼同彩虹，完全不特別但可以成為美心的熱賣品，是有原因的，因為人人愛簡單。
繼續閱讀
其實我不常吃麵包，但有時候時間緊逼，也會麵包當一餐。軟心奶黃包 $6.5：7分，縱使是吃麵包，也是愛吃甜包多於鹹包，這個軟心奶黃包就合我意。包是幾軟淑的，中間的奶黃份量不少，幾香甜的，算是不俗的。除了在中式酒家吃奶黃包，這個西式版本的，也令人滿意呢。
繼續閱讀