11
10
1
港鐵九龍塘站 H 出口, 步行約2分鐘; 收費區 繼續閱讀
所有分店 (162)
電話號碼
23368407
營業時間
今日營業
07:30 - 21:00
星期一至日
07:30 - 21:00
付款方式
Visa Master 現金 八達通 Apple Pay Google Pay TnG
食評 (28)
等級8 2021-06-10
1051 瀏覽
今年食糉唔多,都喺見經濟唔好,老婆專登幫襯吓啲小攤販,反而,早前透過啲網上活動,獲贈兩張糭卷,不過,換領就有少少唔方便,要去到指定嘅「美心西餅」,九龍區得4間揀,仲要喺九龍東,所以,專登過到嚟九龍塘站換領,好在喺晌付款區內啫。都好幾年未食過「美心」出品嘅糭喇,而今次所試嘅喺兩款既健康,又高高營養嘅甜素糭:「十穀燕麥豆沙糭」及「陳皮黑杞子黑糯米豆沙糭」,素糭!就更啱我老婆啦!題外話講多點,以前買糭,拎到返嚟都要入雪櫃,但今次呢兩隻糭叫室溫糭,無需冷藏,感覺都幾神奇,只需要喺室溫儲存,比較方便咗。十穀燕麥豆沙糭 $54先分享吓隻十穀糭,講到十穀,老婆有段時間都煮吓十穀粥食,不過,都好耐無煮過,但對十穀都好有認識。而呢一款十穀燕麥豆沙糭,內含十榖:如小米、糙米、紅扁豆、黑糯米、紅薏仁……等等,已經喺好健康,仲加埋燕麥片,中間放入豆沙蓉。隻糭食起嚟味道比較清,有少少咬口感,而豆沙蓉則好綿滑清甜,感覺不俗。陳皮黑杞子黑糯米豆沙糭 $54另一款外表「黑掹掹」嘅陳皮黑杞子黑糯米豆沙糭,主要喺以黑糯米、黑豆、黑藜麥、黑杞子……等等製作,所以,外貌確喺唔太討好,但口感強,好有咬口,而中間喺以新會陳皮豆沙做餡,嗰陣陳皮味好突出,豆沙餡同樣綿滑清甜。題外話,由於喺甜糭關係,呢隻糭食起嚟有啲似泰式甜品「黑糯米」,我覺得真喺可以倒少少椰奶落去當甜點咁食。仲有幾日就喺端午,各大商家、酒樓、餐廳、餅店仍繼續各出奇謀搶佔生意,想食得健康啲,就不妨考慮吓呢兩款素糭! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-06-09
3 瀏覽
端午節又到了:「未食五月糉寒衣不入籠」食完糉就可以將全部冬季衣服收埋佢啦😀———————-每年端午節,都會買D糉送比朋友,同埋會應吓節食吓糭🥳原來美心今年出咗新口味,買返屋企試吓都好禾!店員話呢兩款糉唔洗放雪櫃,室溫就可以,咁得意😎,可以唔使放雪櫃,原來係真空包裝,不過呢,過完端午節記得食哂佢呀😇—————————-🟫陳皮黑杞子黑糯米豆沙糭:好香陳皮、食落仲係啖啖好重陳皮味道,口感一流,黑豆、糯米、陳皮豆沙餡、紅豆沙、黑杞子………等等各種豆類健康、吃落有咬口、夾着豆沙味道和各款豆類來吃就更加好吃了😋————————-🟥十㨌燕麥豆沙糭:又是吃得健康的一款糭,糯米、燕麥、紅豆、麥片丶大麥、小麥、糙米、蓮子、扁豆、紅薏仁、綠豆…….等等十榖的健康、十足的材料、十足的營養、十足的口味、十足的心意、十足的心思、十足的信心、十足的把握、十足的情誼、就等於十殼燕麥豆沙糭😋—————————今年的端午節,我就會送比十分重要的家人和十分重要的朋友、一齊享受一個十分健康的節日…….端午節—————————入面仲有張問卷咭,完成後仲可以去各大分店換領一份小食系列產品👏👏食得開心…………吃得健康開心🥳⋯⋯就係咁簡單————————- 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-18
172 瀏覽
其實呢個天使蛋糕應該推出左幾年,但係我一次都冇食過。今日係我個Friend嘅生日,所以去到美心就揀咗個天使蛋糕嚟試吓。我本身以為出面果層cream係普通cream嚟嘅啫,點知原來食落係有淡淡既雲呢拿味,都真係幾特別。而且個層cream本身我仲驚佢好甜,其實都唔係。至於入面嘅蛋糕就係普通嘅海綿蛋糕,所以其實都冇乜特別。而上面嘅配料就係焦糖脆脆,我覺得有啲甜,所以唔鍾意太甜嘅朋友我覺得可以落少d,唔好落晒落個蛋糕度。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-10-07
226 瀏覽
最近美心又出磅裝栗子蛋糕, 還有相關的小件蛋糕。 今次就挑了個金栗紫薯撻, 另外還挑了個草莓慕絲杯。金栗紫薯撻賣相吸引, 栗子蓉和紫薯蓉不死甜, 栗子味和紫薯味亦很濃和軟滑, 不錯!栗子紫薯蓉內部是鬆軟的蛋糕和忌廉, 甜度剛好; 撻皮內層塗有朱古力, 朱古力味濃, 配合富牛油香的撻皮, 非常好味!草莓慕絲杯這個就略為遜色了! 上層是草莓慕絲, 中層是蛋糕, 底層是像大菜糕的東西。慕絲好香草莓味, 不過實在太甜了, 能減甜較好; 蛋糕就普通沒特別, 底層的不像是果凍啫喱, 反而有點像食大菜糕的感覺, 口感麻麻, 草莓味亦比較淡, 如果換上啫喱和加強草莓味道, 相信會更好!整體而言, 今次的金栗紫薯撻是個小驚喜, 下次會再食! 繼續閱讀
(以上食評乃用戶個人意見 , 並不代表OpenRice之觀點。)
等級4 2017-09-23
305 瀏覽
見到美心出左個新麵包,仲要入面既餡都係我最中意食既野呀,緊係要買黎試試啦!! 肉鬆糯米糍包 $9美心呢個麵包竟然一D都唔差wor我以為得好少糯米糍,點知由一開頭,到食到尾仲有糯米糍,真係好驚喜!糯米糍口感唔係煙煙靭靭,反而係好軟熟,就好似食緊糯米糍個層皮一樣加上面頭咸咸地既肉鬆,覺得呢個麵包可以再encore,回頭率幾高!!!! 繼續閱讀
(以上食評乃用戶個人意見 , 並不代表OpenRice之觀點。)