美心西餅 (衙前圍道)

營業中

休息中

阿爸生日由於佢鍾情於栗子味就在美心訂左個栗子味嘅生日蛋糕為佢慶祝裏面好多層架有脆脆、啫喱、蛋糕同忌廉而面頭的栗子蓉就係精粹夠香濃幼滑重點是整個蛋糕不會太甜又不好漏會再幫襯

細姨在國慶日生日！大家去九龍城食泰菜慶祝，媽咪負責買蛋榚，去到九龍城連鎖餅店買現成蛋糕！蛋糕包裝企理！藍莓脆脆（$268/約兩磅）蛋榚賣相靚，水果有7款款式多，色彩繽紛，咁多款水果都幾新鮮，底下嘅朱古力蛋糕鬆軟，夾雜脆脆層，脆脆幾厚身，牛油味重，層層口感豐富，圍邊的藍莓醬味道太甜，味道比較假！唔落好過落！整體ok連鎖式餅店勝在分店多，買得方便，款式唔會太有驚喜，雖然大路唔特別！大家志在一聚慶祝！幾好

舅父生日，我被指派左去買蛋糕，舅父屋企附近無乜好揀，話晒生日買個得睇啲，見到美心，買左個皆大歡喜的蛋糕。蛋糕都幾大個，鮮雜果蛋糕，兩百幾蚊唔算貴，面頭有多種雜果，士多啤梨，提子，奇異果等。士多啤梨好新鮮，咬開好甜又多汁，提子似足日本那些靚提子，拿起手晶瑩剔透的，仲係無核提子！奇異果最怕酸過dee dee，好彩這個是甜的，營養價值高的多食也無妨！因為有各種水果，滿足了各人的需要。蛋糕小弟覺得Cream較多，食落有點食口Cream，論盡的感覺！但性價比我會比100分，確係抵食

同事突然忽發雅興話買個3.9澳洲牛奶卷黎做下午茶因為忙住冇留意佢地話買所以我哩個最憎食奶味o既人就被迫夾份買了同食埋一份白色係牛奶, 黑色係oero而我哩個最憎食奶味o既人竟然最後都食得晒証明個牛奶卷d奶味都濃極有限而以$68哩個價錢, 同平時d空氣包比哩個卷都算係抵食了~

今次是預祝A小姐的生辰而選購的生日蛋糕 , 印象中使用絕大部份新鮮生果的蛋糕是比較少有 , 尤其是在美心。  簡單的幾款普通生果已可鋪砌出如此繽紛兼有生氣的畫面, 真．生果的力量真大!  士多啤梨、奇異果、葡萄、芒果, 再加上罐頭菠蘿、蜜桃 ...... 應該可以滿足大部份的客人。兩層原味濕潤蛋糕夾著一層厚忌廉, 厚是厚但是忌廉本身輕柔、軟滑, 一點兒膩滯感也沒有, 與清新的生果配搭得很夾, 很適宜!在此, 祝各位一月份壽星 ... 生日快樂, 萬事順意 !

朋友生日想買個細既蛋糕又係呢到附近食野係蛋糕櫃 見細蛋糕得幾款而櫃入邊既細蛋糕都有啲變樣加出水咁唯獨呢個冇出水呢個都係呢派新出既蛋糕栗子蛋糕外觀 有兩粒栗子係上面甜度 適合吾食甜野既人我太喜歡食甜野 所以覺得冇乜甜味栗子味都吾會好濃最底有朱古力脆脆加埋蛋糕 配合得好好食

適逢伯母生日，又發現美心出了新款juicy yogurt cake，見外表吸引便買來試一試。這款果汁乳酪蛋糕有兩款口味，一是芒果，二是雜莓。是次選了前者，附送兩杯小小的芒果汁。蛋糕中間是厚厚的mousse ，薄薄的海綿蛋糕 和芒果肉。整體不錯，不會過甜，反倒是因為將兩杯果汁都倒下，所以味道會偏甜一些。這新款玩意價錢around $110 ，但size本人覺得小了點。

一到夏天，美心集團又有新出品，先來東海堂有日本人氣偶像賣廣告的水果蛋糕系列，這期美心西餅同樣推出以水果及啫喱作主打的蛋糕。本來我對這類蛋糕興趣不大（因為覺得只有賣相），不過有日經過美心西餅，好奇心驅使下買了一個蛋糕回家。這個蛋糕叫「番石榴西瓜水晶慕絲蛋糕」。一向喜愛番石榴的清新，但我對西瓜更加好奇；西瓜屬高水份水果，用於入饌難度的地方在於如何控制其水份，單憑這點已令我覺得值得一試。付款的時候店員特別叮囑一定要先將蛋糕切開，才將圍邊的膠片移走。回家後取出蛋糕，一陣番石榴香撲鼻而來，非常吸引！論造型，取走膠片前蛋糕賣相是吸引的；切開再取走膠片後發覺蛋糕的上半部過重，令到下半部的慕絲有點負荷不了而開始向外瀉，難怪圍邊的膠片較一般的厚。而分蛋糕時亦很狼狽，上層的水瞐（啫喱）因過重而塌下來（見相）... 絕對是這個蛋糕的最大問題。蛋糕上層為西瓜水晶，內裡包著真正西瓜粒；水晶有淡淡的西瓜味，與西瓜粒一齊食味道清甜。下層則為番石榴慕絲，內裡夾著少量海綿蛋糕；番石榴慕絲入口清新，甜度適中，但不知是否上層西瓜關係還是慕絲的問題，下半部水份很重，致令海綿蛋糕過濕。總括來講，在炎熱的夏天很適合食這個蛋糕；雖

美心麵包一向食開糙米芝士包,今次轉一轉口味,買合桃南瓜籽包$13合桃和南瓜籽尚少,口感乾身,除了顏色方面,吃不出有全麥的口味,但香味很足健康好選擇