美心皇宮 (德福廣場1期)

營業中

休息中

好多人都想懷舊一下，食返餐用以前推車仔形式嘅點心早茶。除咗一啲好出名遊客都會去嘅茶樓之外，其實美心皇宮嘅早茶都係推車仔㗎。今日係閒日，10到去到酒樓，完全唔使等。佢門口地方唔大，但係裏面空間原來好大，有好多枱任你揀嚟坐。叫咗燒賣、牛肉球，叉燒腸粉、炸芋角、金錢肚同埋鳳爪排骨飯。牛肉球肉多粉少夠鮮味，叉燒腸粉皮太軟一夾就斷，叉燒亦比較少。炸芋角唔係度度有得食，呢度炸得鬆脆唔油膩。金錢肚好厚身，但仍然夠腍，食得出幾新鮮。原來除咗推車仔之外，喺酒樓中間位置重可以攞到一啲特色食物，下次嚟記得喺度攞埋甜品先😅

昨天，約同與兩位老友記看電影「哪吒鬧東海2」， 看畢後到德福商場「美心皇宮」嘆下午茶，吃過幾款味道不錯的點心後， 最後點選乾炒牛河，上菜後，兩位老友邊傾邊挾河粉，我也跟隨， 此刻，我發覺沒有牛肉，於是我立刻請朋友不要吃，看看碗裏有冇牛肉， A朋友的碗裏有細一片牛肉，B朋友和我碗裏沒有牛肉， 碟子中餘下少量河粉也沒有牛肉，我請來女侍應了解情況後， 朋友要求退回並改選濕炒牛河，我們對今次的偶遇感覺有趣， 也相信可能不會有機會再遇上，今次的情況相信有可能廚師一起炒兩、三碟， 大意將牛肉分不匀均，也有機會是自動炒鍋出了小意外， 但無論真正的原因是甚麼，也無損我們的下午茶興緻。

飲靚早茶， 食好味嘅點心， 開工心情都好啲。 食左好多年，酒樓點心質素平均，樣樣野都幾好，自己最推介燒賣/ 蝦餃/鮮蝦腸粉。早上不會太多人，感覺不俗， 是早餐飲茶的首選。

食佐個特價78元（原價128元）的節瓜粉絲煲，不知所謂，節瓜切絲幼到見吾到，蝦米極細粒，全煲煑乾到無湯汁又無味，大厨敢將佢上枱，服佐佢。想知佢地嘅總厨或管理層有冇試過？美心翠園都是有品牌的本地酒樓，怎可以如此媽虎？廚師可以試試其他小館煑的節瓜粉絲煲是怎樣的，吾客氣講，我自己煑的好過佢，若是價錢做不到更好便不要推出。

要食中菜，有飯有雞有魚 相信酒樓都係不二之選原先諗住去淘大嗰邊，點知行暈晒幾間中菜都爆曬 最近就係走返去德福囉。而美心亦都係其中一個選擇不過真係唔知點解今日周圍都咁多人嘅呢一家有大有細，有老有嫩，細佬好快就叫晒餸，啱晒一家大細其中有蒸魚啦，脆皮雞、咕嚕肉、龍蝦伊麵，上湯菜心，椒鹽鮮魷、琵琶豆腐，鮮淮山炒蝦仁🍤其實龍蝦伊麵我就麻麻哋嘅，最吸引我都係個椒鹽鮮魷，脆皮雞都唔錯，蒸魚都好滑最特別我覺得係個琵琶豆腐嘅，好似出邊好少有得食 不過又似乎冇想像中咁好食 本身我係鍾意食豆腐嘅人。總共食咗千八蚊左右 （七大兩小）值唔值？睇吓同邊間比啦，自己衡量吓

無厘啦喂又走去美心中菜食咗一餐晚飯成為$500其實冇乜特別㗎，唔係咩特別慶祝日子，因為媽媽話落去細佬度睇個孫，我就問佢會唔會一齊食飯，諗住佢想食媽媽嘅包雲吞順便可以響佢屋企整埋，點知佢話唔好搞咁多嘢直接出街食揀咗呢度係老婆想食喎 有蒸魚同埋雞雞啱佢個女食 上菜速度非常快嘢食都中規中矩啦，我哋四個大人一個小朋友叫做一個孖寶：片皮鴨加蒸魚「星期一至五有優惠價$398」另外又想食咕嚕肉，再嗌多個雜菜煲同埋BB雞埋單$999 咕嚕肉其實冇乜特別，所以下次唔使嗌片皮鴨都食唔晒 （我都食咗三件）雜菜煲都幾足料嘅，不過出街食菜都係唔抵食㗎啦BB雞呢佢就俾咗個雞髀位我哋，不過BB女食雞雞都係食雞胸肉比較適合啲（人哋恨不得加錢要雞髀😝）最弊係冇冷氣囉，安排咗我哋坐嗰角落頭位，可能有小朋友驚嘈啦！有$100 coupon都幫補唔到啲乜😅😜

同事嘅birthday lunch由佢自己發辦，話想去呢度飲茶。點心都係由佢話事，因為呢一間有推車仔揀完一輪返嚟結果有以下嘅點心鵪鶉蛋燒賣，牛柏葉、紅棗糕，蛋散、叉燒餐包、燒賣，蝦餃，蝦腸同埋乾蒸牛肉！原來仲有鹹水角唔知點解感覺上好似種類唔係太多 （其實總共都有成10款點心😅原則上我唔食茶樓嗰啲正宗燒賣（淨係鍾意食假燒賣😂）都勉強夾咗一粒，因為四粒啱啱好。鵪鶉蛋燒賣就可以逃過一劫（淨係幫手食咗粒鵪鶉蛋）其實好多款平時都唔會特別叫叉燒餐包會選擇正宗叉燒包。會主動叫嘅都應該剩係得蝦餃😅整體都係普通啦，不過美心出名貴，所以其實都冇乜特別好講。好彩公司派咗啲coupon。😂

之前約母親節食飯約好晒，到頭來都係因為小朋友病咗唔齊人 今晚無啦啦玩即興又無啦啦齊人咗又係為咗小朋友要食早啲，飯局由6:30開始一大棚人食到差唔多8:30點解揀呢度？因為最細最得寵嗰個話要食雞雞佢爹哋媽咪想食中菜（都啱佢嫲嫲嘅～）總共七大三小，我哋叫咗必點嘅咕嚕肉、蒸沙巴龍躉、冬瓜盅、龍蝦伊麵底、炒通菜、上湯菜心、貴妃雞同埋片皮鴨都知道美心集團啲嘢唔會平㗎啦，不過冇諗過會揀呢間食啫🤔埋單四個人分，每人五百幾 ，係阿媽預料之內嘅價錢（當然啦，有片皮鴨、冬瓜盅、龍躉同埋龍蝦伊麵，全部都唔會平，仲要星期日紅日通常都冇特價菜式）要讚一讚落單個侍應姐姐，佢好努力咁游說我哋叫某一啲餐牌上面嘅套餐會抵啲，不過奈何大家唔啱食。原先話主餐牌嘅AE卡會有折，點知埋單原來係某一張卡先有😪最終只係用到嗰幾張餐飲券，coupon平咗$200其實全部菜式都冇乜特別好驚艶，係個龍蝦伊麵，個伊麵底，唔似平時嗰啲咁多芡汁醬，我鍾意食啲乾爽啲嘅仲要俾我諗到加啲蔥油落去撈埋一齊食，原來唔錯喎）最慘烈係個通菜煲，無人問津 太油膩一歲多啲嘅小朋友已經可以食雞，真係厲害👍🏻唔明點解阿媽堅持要嗌冬瓜盅，雖然係好清爽，亦都係好難雕花

今日同屋企人去咗九龍灣行街，行到攰就想喺附近搵間餐廳食晚飯休息下，就揀咗德福廣場既美心皇宮🍽️川芎白芷魚頭鍋 $198屋企人好鐘意呢個川芎白芷魚頭鍋，藥材味好濃但唔會太苦而係微甘，配搭魚湯好好味，魚頭好大都有好多肉可以食，仲有有少少魚麵，好彈牙又好吸湯汁🍽️招牌客家釀豆腐煲 $168原來呢個豆腐煲係有湯汁架，可惜我地已經嗌咗個魚湯，只可以試到少少豆腐煲既湯，高湯配上豆腐、花甲同鯪魚球好濃郁👍🏻🍽️枝竹炆龍躉頭腩煲 $238（中銀卡/BoCPay另有85折）呢個龍躉煲一上枱就嗅到好香好惹味，啖啖頭腩肉好啱送飯，枝竹亦都好入味，推介‼️🍽️花膠薑蔥炆滑雞 $228（中銀卡/BoCPay另有85折）呢道菜望落同頭腩煲好似樣，但其實係兩味唔同既菜🤣 同樣都係好惹味同啲雞好滑，不過花膠就偏細塊🥹

新一年梗係要同屋企人飲餐茶開心吓💗 為咗就屋企人方便，今日再次嚟到我哋嘅老地方「美心皇宮」食午餐🥳 可能係假期最後一日嘅關係，等位嘅人客特別多，就算一早喺Gulu拎定飛，前後都等咗兩個幾鐘先被安排到座位😅 真係少啲耐性都頂唔住！擺得位嚟，已經係1:40… 肚仔就嚟餓到扁😅 見周圍都冇點心車，唯有親自出馬，螞蟻搬家咁攞點心返嚟。熱辣辣嘅點心特別吸引，我尤其鍾意佢哋嘅 #棉花雞、#龍蝦湯鮮竹卷，配埋湯汁一齊食零舍鮮味，仲有 #自家製 嘅 #蒸蘿蔔糕 都係我嘅至愛💗 不過 #點心阿姐 竟然話冇晒豉油，搞笑咗啲囉😅 一輪衝鋒過後。成枱都係吉嘅點心籠，想搵人幫手清理、順手加水，根本就搵唔到人😅 唯有麻煩細佬將點心籠遷移過去剛埋單嘅枱上面，而且仲唔止一次😅 想落單叫個 #鴛鴦炒飯 又舉極手都冇人應… 15分鐘過後最終搵到個服務員幫手，佢個樣又鬼死咁忟🤪唉！見佢一個女人仔要照顧十幾廿幾張枱，加上新年流流就由佢啦！不過今時今日仲保持咁嘅服務態度，又唔係收得平… 難怪啲人個個都北上消費啦😏

難得今日放假，就同朋友去飲茶。一入去發現酒樓裝修華麗光猛，而且地方非常之大，除咗入門口嘅位置，再轉入再有一個更大嘅廳。座位舒適寬敞，冷氣足夠。酒樓嘅上菜速度都幾快侍應嘅態度都幾好。即使係啲普通嘅點心，味道都相當唔錯珍珠雞嘅餡料好多而且惹味，令人想再繼續品嘗。排骨嘅份量係我去咁多間酒樓之中算係比較多嘅一間，裏面應該係落咗胡椒，所以幾香口。而呢間酒樓內係有洗手間提供，算係呢一個商場裏面少有提供洗手間嘅食店，於顧客而言係比較方便嘅一件事。呢度更佳嘅就係侍應係唔會立即收走你的碗筷，可以慢慢坐喺度同屋企人傾吓偈飲茶，所以我都會推薦朋友到來。

話說12號去九龍灣美心皇宮食長腳蟹，啲經理問佢今晚有咩介紹，佢叫我自己睇，都算啦，我叫左隻5斤半長腳蟹，跟住想食鮑魚，佢話4頭飽啦200隻，我話已經有長腳蟹普通鮑魚ok啦，開頭又話40元一隻，之後又話50元，都算叫左半打，啲鮑魚唔痴殼，好明顯唔係新鮮，啲蒜頭粉絲整到一舊舊，一啲香味都冇，另外個荳苗同個湯過得去，隻蟹就冇特別，都係咁，之後切蛋糕又話要加50元，由坐低開茶到埋單，每個order要叫兩，三次，啲伙計靜招呼啲熟客，食完即刻閃，永不錄用，食物，招呼，兩個字講晒，好差！

朝早同兩老食早餐，因為要就佢哋方便，就去咗屋企樓下嘅美心皇宮。我都好耐無飲早茶，呢度竟然仲係推車仔食點心。個人比較鍾意咁樣，似細個時飲茶嘅風味，好過用點心紙，想要嗰樣就叫嗰樣。點心方面，有好多懷舊點心，好多出面已經好少機會有得食。例如有糯米包，即係好似燒賣嘅黃色皮包住糯米，呢個好好食，唔喺度度都有得食。另外仲有燒腩卷，一籠有兩件，雖然好似好肥膩，但係間中食一次都還可以。兩老每人一舊，都食得好開心。仲有見到大大碟嘅蛋散，呢個我都好中意食。但係已經叫咗其他點心，唯有留待下次再試。

星期五晚嘅晚市，人來人往，訂了七點食晚飯。酒樓入面地方好大，好多張枱，但人手好緊張，上菜也等了片刻。🔸前菜肚餓之際美食當前應該會特別好食，竟然大感失望，感覺唔太新鮮，木耳、青瓜、花生都唔脆。🔸翡翠蟹肉瑤羹味道同賣相都做唔錯。🔸燒腩仔（細）意外好食，肉嫩味道唔會太咸，皮脆。🔸瑤柱上湯雜菜煲菜蔬新鮮嘅，但上湯味淡。🔸客家釀豆腐煲湯底夠味，釀豆腐釀得好草率。🔸菠蘿咕嚕肉咕嚕肉失望，炸粉多過肉。🔸貴妃脆蝦球蝦球大隻，啖啖肉。🔸清蒸沙巴海斑蒸得剛好，魚肉還好。🔸欖菜菇皇四季豆菇炒得入味爽脆，有驚喜！🔸一品砂鍋煲飯用了瑤柱水或冬菇水去浸煮飯，飯偏濕，味道一般。🔸紅豆沙唔會太甜，紅豆夠腍，起沙度唔夠。🔸蛋白杏仁露滑同唔太甜，唔錯。好一般嘅中菜，失望了。

2023年7月8日 (星期六) 11:15am 32°C 環境典雅玫麗，裝潢新派，光亮整潔，餐具乾淨。 茶壺屬純銀，銀光閃閃，充滿貴族氣派，加上鑲藍邊瓷杯、瓷碟均印有酒家英文簡寫圖案，清雅秀麗，散發一種淑女氣質。 ❤_❤ 人數：5人 家人於當天利用手機 Apps 訂座，方便快捷！ 肉絲炒麵 - 麵條炸得金黃香脆，豬肉絲肥美，粗幼均稱，配合銀芽、冬菇、韮黃爽口。玻璃茨汁偏鹹，塗上一些便行，否則會過鹹。喜愛濃味人士之選。【推介之選】❤❤❤ 蟹籽燒賣 - 肉質新鮮，肥瘦適中，美味！【推介之選】❤❤❤ 山竹牛肉球 - 牛肉味濃，鐵質豐富，好味又營養。【推介之選】❤❤❤ 炸蟹鉗 - 圓圓的，大大件，即炸即食應該會更卜脆，啖啖蟹肉，滋味無窮，蝦片脆口。 叉燒酥 - 外形呈三角形，埋砌成品字形狀，賣相美觀。外皮酥脆，內裏微溫，餡料新鮮，啖啖香口美味。【推介之選】❤❤❤ 叉燒餐包 - 微熱的感覺真好，新鮮焗製，餡料充足，包質軟綿。【推介之選】❤❤❤ 魷魚鬚 - 滿到幾乎傾瀉，又粗又長。 芝麻卷 - 芝麻味香，滑溜無比，童年回憶。 椰汁馬豆糕 - 椰汁香濃，冰冰涼涼，炎夏之選，甜美消暑。【推介之選】❤