美心皇宮 (愛丁堡廣場)

營業中

休息中

最近知道美心中菜出咗一系列由青海直送食材製作的新菜式，以青海獨有食材入饌，大廚精挑配搭以粵式手法烹調，味蕾的享受。青海位處高海拔地帶，保存到原始無污染嘅生態環境，加上獨特氣候，生產出唔少稀有食材，例如氂牛、藏羊、三文魚(虹鱒)、藜麥、枸杞、冬蟲夏草等，而家唔需要去青海都可以品嚐到😋。避風塘青海三文魚(虹鱒)扒🐟生長在海拔2,600米嘅龍羊峽 ＃虹鱒魚，係青海著名水產，肉質細膩有嚼勁，脂肪含量較高更加嫩滑同多汁，將三文魚煎香，一上枱已經聞到你香氣，入口惹味！蘿蔔清湯氂牛腱🐮選用高蛋白低脂肪嘅氂牛，以充滿香港地道風味嘅清湯腩方法烹調，肉質細膩同時嚼勁的口感，蘿蔔吸收晒湯汁好清甜。枸杞魚湯水耕生菜🥬青海特大枸杞色紅肉厚，特別滋補。枸杞熬魚湯，再把菜浸熟，帶出青海杞子及生菜的清甜。香菇氂牛肉拌麵🍜選用有「植物皇后」美譽的青海香菇入饌，肉厚味香，混和氂牛肉以牛肉醬烹煮，入口濃郁，配搭順滑而韌勁十足的拉麵。高原枸杞桂圓糕用糖水先浸青海枸杞，大大顆有如紅寶石，雪棗、桂圓及黃糖熬水做出晶瑩通透，味道清香的糕點。

趁住放假，帶埋父母嚟到中環大會堂美心皇宮飲茶，呢度保留咗香港舊式茶樓文化，傳統嘅點心車同埋港式懷舊點心而家已經買少見少了！可以一邊欣賞住維港海景，同父母一齊喺點心車揀新鮮出爐嘅點心，喚醒咗昔日嘅童年回憶🥰最特別係叮叮電車造型嘅點心車，幾cute😍，幾有香港特色，同埋見到店員都好nice，幫一家大細食客影相打吓卡添~除咗有懷舊點心車，仲有一排懷舊大排檔攤位，攞住改點心紙去揀傳統小食，分別有： 灼雜錦/ 韮菜豬紅/ 胡椒鹹菜豬肚／狗仔粉 / 碗仔翅/ 炒米粉/ 家鄉炒銀 針粉／煎釀三寶 / 蝦米腸/ 煎薄罉/ 木桶豆腐花等等，可以回味返以前老香港風味~~ 父母都話感受到以前飲茶嘅人情味！

🍜 懷舊香港茶樓打卡！傳統點心車+大排檔小食超回味 🇭🇰同屋企人嚟到超有feel嘅中環大會堂 #美心皇宮，一入去就俾架可愛點心車吸引住！🎨 色彩繽紛好似雪糕車，仲保留晒傳統推車賣點心嘅風味，長輩都話瞬間回到童年～📸 影相打卡呃Like無難度！講到食，呢度嘅大排檔小食同點心真是一個字：正！💙保留咗好多傳統嘅地道風味，例如灼雜錦、韮菜豬紅、胡椒鹹菜豬肚、狗仔粉、碗仔翅，仲有木桶豆腐花，款款都係滿滿嘅舊香港回憶，除咗中環大會堂分店，德福、沙田 & 荃灣嘅美心皇宮 都歎得到！🔥 必食推薦：▫️ 煎蝦米腸外脆內軟，蝦米鮮香爆棚！▫️ 蘿蔔糕金黃香脆，仲食到蘿蔔清甜～▫️ 家鄉炒銀針粉鑊氣十足，惹味到停唔到口！仲有燒賣、鮮竹卷、叉燒包…款款點心都係經典回憶！👵👨👧 一家人飲住茶，聽長輩講舊時茶樓熱鬧情景，真係溫馨到爆～❤️ 仲有維港海景加埋同親切店員吹水，成個體驗滿分！中環大會堂 #美心皇宮絕對係集美食、情懷、打卡於一身嘅好地方！下個weekend，帶埋屋企人一齊嚟飲茶啦～ 📍 中環美心皇宮 @maximschinese中環愛丁堡廣場5-7號大會堂低座2樓#老港風 #懷舊大排檔 #食過返尋味 #香港地道飲

假日得閒都會同屋企人飲茶🫖最近見到中環大會堂 美心皇宮嘅得意點心車同一系列懷舊大排檔小食，於是同媽媽一齊重拾當年點心車飲茶體驗，喚醒昔日嘅回憶🥰吸睛造型點心車極富香港特色，啱晒打卡呃 Like呀📸✨，親自喺點心車揀點心🥧款款新鮮出爐，除咗熱辣辣🔥仲多一份人情味添🫶🏻現場仲新增咗"大排檔攤檔"，滿滿傳統小食，灼雜錦、碗仔翅同蝦米腸係我細個鐘意食嘅，依家嚟中環、德福、沙田 & 荃灣嘅美心皇宮分店都有供應，回味舊時地道風味😊！望住維港海景用餐，同時又保留傳統茶樓嘅風貌🤎，店員服務好親切，啱曬放假同屋企人飲茶🫖 ，你都陪長輩感受下昔日茶樓嘅熱鬧氣氛啦！

中環大會堂 #美心皇宮 將懷舊大排檔小食同港式點心車嘅傳統結合，呈現出香港飲食文化嘅精髓。全新推出懷舊大排檔小食，保留咗傳統粵式風味，例如胡椒鹹菜豬肚、堂灼雜錦。現場除了有經典點心車，還發現造型可愛的雪糕車，上面卻是罕有的 #鵪鶉蛋燒賣 同 #潮汕墨魚丸，完美融合懷舊同現代嘅飲食體驗。𝗪𝗛𝗔𝗧 𝗪𝗘 𝗢𝗥𝗗𝗘𝗥✨ 胡椒鹹菜豬肚呢款係典型嘅港式大排檔小食，胡椒嘅辛香同鹹菜嘅獨特酸鹹味，配上軟腍入味嘅豬肚，口感豐富又有懷舊風味。鹹菜同胡椒嘅搭配喺粵菜入面好常見，特別喺大排檔或茶樓入面，係一味惹味嘅小菜。✨ 潮汕墨魚丸 (內有墨魚粒粒)潮汕墨魚丸係潮汕地區嘅經典小食，特色係彈牙嘅口感同墨魚嘅鮮味。美心皇宮今次仲加入墨魚粒粒，增加咗咬感同海鮮風味，突顯潮汕菜嘅精髓。呢款點心同傳統港式點心車嘅蒸點心唔同，帶有濃厚嘅地方特色。✨ 焗西米布甸 (內有豆沙)焗西米布甸係懷舊港式甜品嘅代表，喺茶樓同大排檔都好受歡迎。西米粒粒晶瑩剔透，焗過後外層微焦香脆，內裏軟滑，配上甜而不膩嘅豆沙，甜度同口感平衡得宜。✨ 咖喱牛腩銀針粉咖喱牛腩係港式大排檔嘅經典菜式，濃郁嘅咖喱汁配上軟腍嘅牛腩，滲入銀針粉（粗米粉）中，

呢日同媽媽去中環大會堂睇戲，lunch 去咗 #美心皇宮 食點心，發覺竟然有富豪雪糕造型點心車！即刻打個卡😂 ，一共有渡海小輪、巴士、富豪雪糕車造型，當然仲有懷舊滿滿嘅點心車，保證大人細路都鐘意！點心車上裝住一籠籠熱辣辣嘅點心，回憶真係返晒嚟！仲有全新嘅大排擋美食😍，最正係可以望住維港海景用餐，店員服務殷勤，啱晒帶父母及小朋友去飲茶～ 🍭干蒸燒賣🍭水晶鮮蝦餃🍭金錢牛肚🍭咖哩牛腩銀針粉🍭灼雜錦我地點咗3款點心同2款大排檔美食，全部都有水準，當中灼雜錦包括牛肉、牛栢葉、魷魚同生菜，足料又大份！除咗呢幾樣，大排檔美食仲包括：韮菜豬紅 、胡椒鹹菜豬肚、狗仔粉 、碗仔翅、炒米粉、煎釀三寶、蝦米腸、煎薄罉，木桶豆腐花等，完全可以回味舊時地道風味！依家嚟中環、德福、沙田 & 荃灣嘅美心皇宮分店都有供應，快啲嚟試試啦！📍 中環美心皇宮 @maximschinese中環愛丁堡廣場5-7號大會堂低座2樓#老港風 #懷舊大排檔 #食過返尋味 #香港地道飲茶情懷 #大排檔美食 #美心中菜#點心車 #集體回憶#Maxims #Cantonese #Jetso #Foodstalls #CantoneseCuis

中環大會堂美心皇宮好有驚喜！佢哋將經典點心車變身成「富豪雪糕車」，好搶眼！仲勾起細個跟屋企人飲茶嘅回憶。 食物主打懷舊大排檔風味，我特別鍾意個韭菜豬紅，豬紅滑嘟嘟冇腥味，韭菜嫩綠爽口，湯底仲有淡淡胡椒香，食完成個人暖笠笠！朋友推薦嘅鮑汁鳳爪都正，鳳爪燜到超淋身，鮑汁濃得嚟唔會死鹹，啜落去連骨都入味。 仲試咗碗仔翅、煎釀三寶同即撞木桶豆腐花，樣樣都幾地道。環境舒服望維港，店員服務友善，唔會太嘈雜，好適合同朋友或者屋企人慢慢傾吓計。如果想懷舊吓，得閒可以去試吓！

最近去咗中環大會堂美心皇宮飲茶，真係有驚喜！佢哋將傳統點心車改造成「富豪雪糕車」造型，好有創意又搶眼，仲勾起細個跟屋企人飲茶嘅回憶。 食物主打懷舊大排檔風味，我特別鍾意個韭菜豬紅，豬紅滑嘟嘟冇腥味，韭菜嫩綠爽口，湯底仲有淡淡胡椒香，食完成個人暖笠笠！朋友推薦嘅鮑汁鳳爪都正，鳳爪燜到超淋身，鮑汁濃得嚟唔會死鹹，啜落去連骨都入味。 仲試咗碗仔翅、煎釀三寶同即撞木桶豆腐花，樣樣都幾地道。環境舒服望維港，店員服務友善，唔會太嘈雜，好適合同朋友或者屋企人慢慢傾吓計。如果想懷舊吓，得閒可以去試吓！

今日波兒帶太婆嚟打卡呢架超可愛嘅點心車🚗💨，唔止外型吸睛，仲勁有童年回憶~ 太婆一見到即刻笑晒話：「以前就係咁樣推車揀點心㗎啦～」波兒第一次親手揀點心，熱辣辣、款款新鮮出爐，感覺好有人情味💛🥟 今次試咗幾款地道美食：
* 🥢山竹牛肉：肉香四溢，爽滑彈牙，太婆讚不停口～
• 🦀 蟹籽燒賣：經典必食！蟹籽爆汁，豬肉鮮甜，勁有層次感
• 🌶️ 煎釀三寶：茄子、青椒、豆卜煎得香脆，餡料入味又夠厚
• 🐔 花生虎皮雞腳：滷得入晒味，啖啖膠質，好有老香港味道
• 🍛 咖喱牛腩銀針粉：咖喱香濃惹味，牛腩腍滑，銀針粉吸晒汁，好滿足
• 🧈 蘿蔔糕：金黃酥脆，臘味香氣十足，夠晒香口
• 🫘 豉椒排骨：排骨嫩滑，豉汁鹹香開胃
• 🥥 椰汁糕：滑溜香甜，作結尾甜品啱啱好～* ⁠茶樓保留傳統大排檔風貌，坐喺戶外望住維港嘆茶，邊食邊聽太婆講番以前點心車點樣巡場，真係好warm 🥹 店員又親切，氣氛好熱鬧，係一場充滿回憶嘅飲茶體驗。

💚青海美食之旅 高原嘅美味無需要親身去到，我哋喺香港都可以享受到青海高原嘅美食魅力！青海直接送到香港嘅獨有食材，令我哋喺繁忙嘅都市生活中，都可以品味到天然嘅滋味。青海系列 - 粵式4人套餐而家就喺大會堂美心皇宮可以享用啦 ❇️「青海珍味．家宴」系列入面，每一道菜都係嚴選自無污染嘅淨土，山海珍品讓味蕾大開。青海位於高海拔，呢度嘅原始生態環境同獨特氣候，孕育咗唔少稀有食材，例如氂牛、藏羊、三文魚(虹鱒)、藜麥、枸杞、冬蟲夏草等，而家我哋可以喺香港輕鬆享用。✳️菜式介紹🔅掛爐蜜味藏羊排 青海黑藏羊，肉質鮮嫩，羶味輕，經過傳統嘅粵式燒叉燒方法製作，外焦內嫩，香甜可口🔅有機藜麥氂牛肉羹 有機藜麥搭上新鮮氂牛肉，羹香濃又清新，特別合時令，食落去有種健康感🔅雞樅菌露筍炒氂牛柳 高原氂牛肉質地有咬勁，配上雞樅菌同露筍，簡單調味已經香味四溢，口感真係一流🔅避風塘青海三文魚扒 龍羊峽虹鱒魚肉質細膩，脂肪較多，經典嘅避風塘煮法，香氣逼人🔅枸杞魚湯水耕生菜 青海枸杞熬嘅魚湯，搭配水耕生菜，清甜滋補，青海枸杞仲好大粒好甜🔅祁連黃菇氂牛肉酥餅 用氂牛腿肉同「皇菇」製作嘅酥餅，外脆內嫩，鮮味十足，食完令

一直好嚮往💭去青海高原感受自然風光☀️，青海位處高海拔地帶🗻，原始有機無污染嘅生態環境🌱，當中有啲好出名嘅食材，例如氂牛、藏羊、三文魚(虹鱒)、藜麥、枸杞、冬蟲夏草等😋～最幸福嘅係呢啲青海獨有食材直送香港✈️，再喺餐廳透過大廚以粵菜手法烹調！中環大會堂嘅 #美心皇宮 🏰相信係唔少港島人嘅童年回憶，今日嚟到風采依然，氣派水晶燈💎配上醉人摩天輪景致🎡，環境雅致舒服😌四人家宴$788 🐑掛爐蜜味藏羊排青海黑藏羊係大草原成日做運動，肉質細密，以粵式叉燒方法用大火爐燒製🔥，羊肉細嫩多汁，表層仲好似叉燒一樣薄薄嘅冰脆蜜糖🧊，增加羊架嘅香甜！🥣有機藜麥氂牛肉羹 作為超級食物嘅 #有機藜麥，加上切碎嘅氂牛肉同蛋白煮成牛肉羮，氂牛肉份量極多，仲食到陣陣檸檬葉絲嘅清新香氣！🐄雞樅菌露筍炒氂牛柳青海氂牛出名高蛋白，低脂肪！點食都唔怕肥，加埋雞樅菌一齊爆炒，食落先知好軟嫩細緻，同平時食開嘅牛肉好唔同！🐟避風塘青海三文魚 (虹鱒)扒原來青海都有三文魚！ 龍羊峽虹鱒魚是青海著名水產✨，用咗「避風塘」式煮法，三文魚非常香口，魚皮都好香脆，齒頰留香！ 🥬枸杞魚湯水耕生菜青海枸杞嘅特色係超。大。粒！以青海枸杞熬成嘅魚湯味道

踏入秋季，皮膚乾燥，容易咳嗽，注重健康嘅我都要食得養生少少。 ☺️見美心皇宮推出 「適時識食」-秋冬系列菜式，選用時令農產品為食材炮製而成，老少咸宜！🍲每一道菜式選材都有含豐富營養價值，仲邀請中西醫師介紹每道菜式有咩養生功效，好似鮮淮山健脾養胃、補肺生津，蕃薯低 GI隱血糖、益氣補虚，鮑魚補益肝腎、滋陰養顏、補而不燥。🤭睇吓我今晚同屋企人咗咩？ 😋「羊肚菌秋葵炒鱸魚球」 - 唔只味道鮮甜，食落仲好開胃清新。😋「鮮淮山番薯豬爽肉」- 加入番薯及豬肉以黃豆醬炆焗非常惹味。😋「有機南瓜煮鮑魚」 - 用上芋頭南瓜，入口带有淡淡芋頭清香。估唔到加埋鮑魚一齊炆味道咁夾。仲有其它適時識食菜式，下次再食！ 即日起至2024年12月1日嫁昨🤭全線美心皇宮、全線翠園（廣場飯店-翠園除外）、全線八月花、映月樓、翠玉軒都可以試到🤩

以前細個就已經開始去大會堂美心飲茶，絕對係童年美好嘅回憶，總共去左20年。 呢間係出左名一直受遊客，外籍人士，以及本地客都受歡迎嘅茶樓。 最近返香港再去食，連我呢種忠實粉絲都只可以講風光不再。論食物：好多以前好食嘅招牌點心一係就無，一係就要等好耐，而且細份好多。 比如招牌特點嘅點心炸魷魚，$75只有以前一半嘅份量，每次廚房只會出6碟，一出就已經無。 以前成個點心車都係，係一個超受歡迎嘅美食。 要等好耐。論服務：唔夠人+ 服務好差。坐低後一直無人開茶，連點心卡都無。點心車唔夠人推，搞到所有人直接行去囉，有時候客人直接自己做自己嘅服務員，攞住一個大盤將所有自己想食嘅點心攞返去抬。 搞到好混亂又危險。 總體服務水平差好多，志願服務態度又差，又唔夠人，等好耐都無人理。管理層應該好好反省，為什麼一間咁標誌性嘅香港茶樓今日會淪落到咁嘅水平。 好可惜，大會堂今日這個狀態某程度也反映左香港整體點解一路流失遊客，其他地方一直進步，呢度除左比人超越，仲一直退步。 好遺憾。

美心皇宮坐擁全海景，一望出去係AIA 摩天輪及尖沙咀文化中心的海景，只係個景都令人心曠神怡。美心皇宮不接受預先訂位，只可以到步拎籌或是用The guru app 拎籌。如在門口等位，好快就會見到好多人等位，所以如果想準時食飯，記得早點拎籌。點心琳瑯滿目，應有盡有。傳統點心餐車令人目不轉睛。我們點了奶黃包、荷葉飯、麻蓉包、蝦腸、薑汁豆腐花、馬拉糕、排骨水晶粉、XO醬抄腸粉，全部都很足料大件，味道也不錯，唯鐵觀音味道較淡。呢間茶樓費用較一般茶樓貴，而且收加一服務費，午餐都食了$715。但此酒樓有傳統既味道，充滿香港人既集體回憶。#美心皇宮 #奶黃包 #荷葉飯 #麻蓉包 #蝦腸 #薑汁豆腐花 #馬拉糕 #排骨水晶粉 #XO醬抄腸粉 #酒樓 #傳統 #集體回憶

In a world where modern conveniences have all but replaced the beloved dim sum trolley, this renowned Hong Kong establishment stands out as a beacon of time-honored tradition. As one of the few remaining restaurants that still offers this classic dining experience, it's truly a must-visit for any dim sum enthusiast.With a rich history that has spanned decades, this dim sum institution has managed to maintain its iconic status while also undergoing a sleek renovation in recent years. The result i