影片
招牌菜
經過順便買左杯外賣奶茶同豬腸粉，有驚喜！奶茶真心好飲！茶味香醇，入口滑溜，一d都唔“鞋”口，仲有回甘。腸粉個花生醬都好得！雖然間鋪一d都唔起眼，估唔到飲品咁有水準！一試難忘。其他茶記飲唔返呢個味道亞姐都好好人，知我趕返工，快快手幫我整！
繼續閱讀
行經茶餐廳門口，很不幸地遇上阿姐拎住奶茶色嘅水，就咁倒係地。我講咗聲有冇搞錯呀，仲要畀佢依依哦哦。唔知好唔好食，但衞生太差，阿姐又冇禮貌，一定唔會幫襯😡😡😡
繼續閱讀
喜歡懷舊的人士，可以一試這間近觀塘海濱的茶餐廳（其實就在宏利大樓旁而已）😍這間餐廳在樓上有懷舊既香港設計，卡位，麻雀台，階磚地板，大大風扇～我地等唔及下午茶就食個雜扒飯同叉燒燒肉米👍🏻每款配埋野飲都係$4X。雜扒飯配洋蔥汁好出色，有雞豬牛扒午餐肉腸仔，新鮮又將扒煎得唔錯，特別係將雞皮煎得好脆好香口啊😛不過叉燒就太瘦了，而且個湯唔太match，燒肉都ok既（皮脆脆瘦均衡）不過店裡可能會遇到街坊食煙或打麻雀架～
繼續閱讀
最近在觀塘碼頭附近返工，發現有間小店，店鋪好細，但係長期排長龍,原來佢係一間茶餐廳，即叫即整嘅早餐店，見咁多人排隊，望下餐牌有三文治🥪餐，公仔麵餐（咸牛肉，腸仔，雞蛋🥚，火腿，午餐肉），炒麵，炒米粉，腸粉，燒賣，飲品（咖啡，奶茶，檸茶，檸水）凍飲加$2，價錢合理，即管試一試，最後叫左個腸蛋麵加凍奶茶，$27，雖然前面有成7-8個人，要排隊，但都好快就有，10分鐘內就有，因為有三個伙記，一個大廚，一個包裝，一個茶水。
繼續閱讀
平價的工廠茶餐廳今日難得有時間，去左美德茶餐廳食早餐。同事話茶餐廳性價比好高，因為環境有點惡劣，沒有冷氣，所以冬天去比較好😂夏天去食真係會食到一身汗。今次早餐$32原本只需要$28,因為我加左出前一丁麵底。真心講句，我們唔講環境，佢食物的質素性價比很高，呢份早餐如果係其他餐廳需要$38-$45所以月尾想慳錢，美德真係首選！如果介意環境，其實我見好多人都外賣返公司食。不過佢個位置比較隱蔽，所以要搵到佢門口再行上去😝😝😝😝不過觀塘人實搵到的！
繼續閱讀