12
6
1
營業時間
今日營業
12:00 - 15:00
18:00 - 22:00
星期一至日
12:00 - 15:00
18:00 - 22:00
以上資料只供參考, 請與餐廳確認詳情
招牌菜
American Club. Prefer to come here on a weekday. Less crowd so can really chill and relax. For the food, personally I really don’t enjoy food from Forty Niner sport bar. I feel like those are food from a room service. The so called “international” menu is messy. McKay’s is my favourite. Their lobster chowder is my favourite. See they have promotion on oystersTry the oysters this time then! 3 types of oysters. In good size and they are all very fresh! I am happy to start with those. Uni pastaFor a starter, it’s huge! Pasta is al denté and the sauce is so creamy! Uni is always best friends with so many food! TenderloinOrdered medium rare tenderloin for my main. Some mushroom, truffle fries for sides. Tenderloin is perfectly medium rare. So juicy! You know what you get every time you are here! Food is good and never disappoints you!
繼續閱讀
雜果忌廉蛋糕好吃你可以話其實唔難..因為係蛋糕的最基本，幾乎唔會死，難食極有限。所以亦因爲咁，忌廉蛋糕好難會被人稱得上好食，或者被認為真心好好食🤔但訂咗呢個蛋糕至少5年，屋企人幾乎生日或者節日都會有佢嘅出現。點為止好好食😂睇佢個樣普普通通，無咩特別..首先講層cream先..街外嘅蛋糕店，基本上怕肥嘅女士，第一時間就會將層cream 撩走，直接就食𥚃面嘅sponge 。但唯獨American club嘅cream 係一放入口就入口即溶，唔止smooth ,仲好滑好輕，食得出好新鮮似係啱啱打起嘅忌廉亦唔會太甜！然後就講個sponge ,, （無圖由於好快食左嘅關係）..個sponge 可以見到黃色嘅表面幾本上係無窿窿，即係吾會好硬，soft 得黎好重牛油味。唯獨生果今次唔夠甜，但未致於酸，所以都還好！不過可惜要係會員先可以訂。
繼續閱讀
我一位老友是美國會會員，所以我們下班後不時都會過來中環分會歡樂時光，喝兩杯才回家吃晚飯。雖然常來這處吃它著名的牛肉漢堡或享受歡樂時光，但從未嚐過它的扒房，老友今晚特地訂了枱，並預留了一塊40安士的45日熟成美國頂級T骨牛排 (Porterhouse)，讓我們四人享用，來一個早來的聖誕大餐。我們四人盛裝打扮，七時許抵達它的海景酒吧，先開了一瓶紅酒作「前菜」，晚餐前欣賞一下維港夜景。我們七時半入座，便已急不及待點菜，侍應先送上新鮮出爐的巴馬臣芝士麵飽，這麵飽果真做到了外脆內軟，不錯！前菜點了溫泉蛋凱薩沙拉、煙燻帶子、蟹肉餅和海膽天使麵；沙拉的生菜爽口，但如可加入少許煙肉碎，應更惹味；帶子沾上淡淡的煙燻味再配上雪梨，味道清新；蟹肉餅的蟹肉份量足夠，不加入任何甘筍或椰菜，絕不欺場；海膽麵的醬汁用上大量海膽泡製，香濃鮮味。湯只點了兩客周打龍蝦湯已足夠四人享用，龍蝦肉爽滑，湯底媲美龍蝦濃湯。已吃到半飽，主角終於出現了，燒得微焦的T骨牛排，香氣四溢，相機先「吃」後，侍應把牛排拿回廚房切片，足40安士的牛排果然「氣勢磅薄」，伴碟加了炒小椰菜和炒蘑菇；45日熟成美國頂級T骨牛排非同凡響，「脫」水後的它，牛味更濃郁，口感更嫩滑，只需加少許黑椒和海鹽去提味，而且同一塊牛排中便擁有西冷(Sirloin)和牛柳(Tenderloin)，絕對是一個價錢、兩個享受！本已飽到上頸，但女士們仍堅持點甜品，無選擇下我們只好就范，點了千層巧克力蛋糕和紐約芝士蛋糕，兩款甜點充實非常，分量十足，眞的再也吃不下了！美國會的扒房絕對名不虛傳，有件頭，有水準，而且取價公道，不失為香港美式扒房的典範！
繼續閱讀
年三十晚絕對係一個好既理由去食好啲叨同事既光，入到嚟美國會食個lunch一出lift就見到個霸氣既招牌入面有大電視直播住啲運動節目，即刻覺得成個人都sporty左😂😂無book到枱，但12點左右嚟到都有位食物類型多元化，中國嘢食都有不過嚟得美國會，好似應該飲住可樂食漢堡包罐可樂講得好啊Salmon SaladVegetarian carbonara雖然身為食肉獸既我覺得有肉會開心啲，但依個味道濃郁搭夠，唔錯嗌左兩個burgers，有一個唔記得影相兩個叫左佢切開4份方便share最後既甜品New York cheesecakeApple Pie熱辣辣既蘋果批加埋雪糕，正啊埋單每人百五蚊左右，都算幾抵食，環境同服務都幾好可惜要係會員~下次叫同事再帶我地去48樓嗰間食下先
繼續閱讀
跟老闆去食飯，老闆指定要去 The American Club。膚淺兼見識少嘅我心諗︰車，美國嘢，咪又係嗰D，咩扒咩扒同咩扒囉…上網睇下食咩嘅先…咦﹖有4間餐廳﹖咁我地去邊間﹖下﹖原來要會員先入得﹖唔比講手提電話﹖電話要無聲﹖有咩咁巴閉﹖但諗諗下，其實佢嘅要求係好合理。食飯本來就唔應該講電話。食嘢食得唔專注，分咗心嘅話，食緊咩，食咗咩同D嘢食係咩味都會唔記得，食咗等如無食，不如唔好食，或求其食D嘢就算啦，洗咩去高級餐廳食高級嘢﹖晒錢又晒時間。 好喇，帶住濃烈嘅好奇心，終於等到上去食飯嗰日喇。入到去，先發現，我一直以為嘅4間餐廳，原來係同一個地方分咗4個部分而已。我地就係去盡頭嘅餐廳，McKay’s。點餐前，梗係叫D飲品嚟潤下喉先啦。男士多數叫生啤，女士多數叫果汁，我就叫咗唯一一杯可以杯上嘅 Rose。睇完menu之後，我地8個人決定 share 食，因為佢餐牌有D菜都幾大份，一人一份又試唔晒D嘢 (唔知有無下次架嘛！)，所以都係 share 穩陣！坐好之後，侍應生遞上香氣撲鼻麵包一碟。聽到好似係parmesan cheese bread，溫熱，皮脆，內裡鬆軟幼滑，口感細緻，非常好食！加埋旁邊個醬味道層次豐富，好出色嘅一個麵包！跟住唔好同我(老闆)慳，一人一個龍蝦湯先！上菜方式係喺你面前擺好個湯料先，再即席由湯壺倒一條龍蝦燈色杰身嘅湯落個湯碗度。令人充滿期待嘅一個過程。目測係足料嘅，龍蝦味道濃，加上我叫個杯 Rose 一齊飲，鮮味喺口腔俳佪，一層又一層…正！然後上前菜，龍蝦生蠔拚盤。龍蝦大隻，但莫講話鮮，係直頭無味，肉質好實，雖然未至於係趙塑膠…但都應該係趙緊橡膠…生蠔有兩款，好細隻蠔殼嘅細隻生蠔同好大隻蠔殼嘅細隻生蠔。你無睇錯我無寫錯，好大隻蠔殼入面隻蠔係好細隻！先食細隻蠔殼嘅細隻生蠔…少少蠔味，偏淡味 (我習慣唔落任何醬汁咁食)。另一隻好大隻蠔殼嘅細隻生蠔好咸！除咗咸味之外都係咸味，無咩特別。前菜係失望嘅。然後係燒三文魚，嗯…咪就係燒三文魚囉。伴咗D無咩特別嘅燒青椒同車厘茄咁。之後係燒吞拿魚，唔…我好少食燒吞拿魚，我覺得係好食嘅，但唔知點解梗係有D貓罐 feel…跟手係牛。佢地話脆嘅地方好食，唔騷，應該我都食到，但我無試。肉質夠香，但多吃會漏，所以佢地幾個人都食唔晒一碟 (不過又真係好大碟嘅)。而我就食咗少少配菜 - 原個燒蒜頭，都係一般貨色。好喇，我嘅主角出場喇！五成熟黑毛豬！落單嘅時候已經好好奇！點解我地叫黑毛豬嗰時個侍應生會問我地要幾成熟嘅呢﹖難道尼度有傳說中可以半生熟咁食嘅豬肉！！！(我一直都以為香港無得食！)俗語有云︰高音準，中音甜，低音勁。咪就係要嚟形容尼D好似漆黑中嘅螢火蟲咁，咁好食咁多層次咁出色嘅豬肉架囉！個皮又脆又香，熟嘅部份係好甜嘅肉香，生嘅部份係好有咬口嘅豬肉，係煙韌，係香口，係繞樑三日，唔係D龍蝦咁趙塑膠吖…是日領悟︰煙韌同趙塑膠係有好大分別呀呀呀呀呀！！！結果我飽到不得了都仲要食多幾舊。(Well，都係嗰句…唔知有無下次架嘛…)食到差不多，大家問係咪要甜品…又要提一提，唔知有無下次架嘛，梗係食啦…不過你比我出去行返轉先…出到去露台，只見一片漆黑，幾張枱，同埋閃令令嘅夜景。夜景其實我覺得無咩特別…因為尼個角度有一半係真係全黑嘅，一半係有燈光嘅。而燈光下方位置有好貴坐一次又點睇都唔靚嘅摩天輪。好喇，行完就返華山大戰最後的甜品。甜品都算多款，但味道好似都係偏酸。我記得有日式柚子芝士蛋糕，雜莓雪芭，蘋果批咁… 我覺得要食唔甜嘅甜品不如唔好食，所以見佢有朱古力蛋糕就叫朱古力蛋糕啦。另一款朱古力甜品係熱食嘅，朱古力放喺煎pan上，面再臨D棉花糖咁，因為同枱怕漏，所以就無叫到。(而家好後悔無試埋佢吖…)好大個朱古力蛋糕嚟到，面上有D一粒粒嘅…應該係麥提莎…一層層嘅朱古力，睇落幾靚，食落口好實，不過Okay啦，又未好食到要特別稱讚嘅程度…試埋同事D蘋果批… 酸，無香味又唔係好脆，無咩特別。叫埋個 Earl Grey 一齊食都襯唔到咩味出嚟。甜品都有個 side dish，一塊塊嘅黑朱古力，牛奶朱古力，同白朱古力。一入口一陣雪味… 一係唔新鮮，一係就罐頭嘢，總之就唔好食。最後發現仲有個 main course 嘅 side dish 喺度，黑松露芝士薯條！ 芝士係亁身嘅，只係鋪面，黑松露灑晒上D薯條度，每一啖都有脆薯條同黑松露嘅香味… 好好食，又忍唔住飽到滯滯咁都要食多兩啖先！(結果都係我隊晒…)不過尼餐好難評分，因為頭盤真係好差，但主菜又超晒班，天堂與地獄突然這麼近那麼遠咁… 但除此之外其他嘢其實都好普通，我只可以話得個主菜出色D，水吧同甜品都係好一般。但論矜貴度嘅話，超晒班嘅五成熟豬肉絕對有機會係可一不可再(因為佢只招待會員)，所以都比佢 Good 啦。如果你有幸去 The American Club之前見到我尼篇食評，我就喧你主攻主菜，試多幾樣肉類會值得D。
繼續閱讀