20
1
1
港鐵元朗站 A 出口, 步行約5分鐘 繼續閱讀
電話號碼
54811409
付款方式
現金
食評 (24)
都有一段時間冇飲茶,就算去食都盡量兩個人去,唔係聚餐形式。今次就去咗呢間叫「美味軒」嘅小店飲下午茶。環境餐廳有外賣部同堂食座位,空間都幾大,環境亦乾淨。餐牌蟹子蒸燒賣 $24食點心又點可以唔嗌燒賣,大大粒,望落好吸引,食落蝦肉都好彈牙,唔錯。醬汁蒸鳳爪 $22仲有鳳爪都係飲茶一定要食,有成四、五隻,份量夠多,醃得入味。蛋黃流沙包 $18包做得ok,不會太硬太冧,但內裡流沙餡未有流心,要控制蒸嘅時間。招牌蝦餃皇 $26粉皮比較厚同軟身,水分較多,蝦肉正常。碧綠鮮蝦腸 $26同蝦餃粉皮一樣,偏厚同軟身,水分太多,影響口感。四寶滑雞扎 $25雞扎有芋頭、魚肚、滑雞、火腿,雞件大大塊,加埋火腿魚肚一齊食,口感勁豐富。臘腸滑雞飯 $25本身想食北菇滑雞,賣晒就食臘腸滑雞,缽仔飯份量以$25來講都好合理。飯唔會太濕太癡,加上醬油食,簡單美味。美味雞 $138(抗疫價)小店仲有抗疫價嘅原隻美味雞,原價$188,依家$138就有,每日只售5隻。呢款雞喺香港好少地方食得到,因為係用花生油醃制,食落好香花生油味,但又唔會覺得好油膩,雞肉保持其味道及韌度,要來試吓。總括而言,元朗向來多美食,呢度有好少見以花生油醃製嘅美味雞賣,買返屋企斬料都好划算。 繼續閱讀
(以上食評乃用戶個人意見 , 並不代表OpenRice之觀點。)
元朗出名多好西食❤️各種美味形形色色,今日就去左食出哂名好食既美味軒喇,美味軒主打中式粵菜,除左有唔同既點心之外亦包括左好多經典小炒,仲有埋打邊鑪🥰呢度既大廚有40年既落廚經驗,果然係大師傅🥳今日試下佢既小菜先🥰🥰🎈朋友見到酸菜魚即刻食指大動❤️可以話係呢度既必叫之一🤩首先佢係用大鱸魚,骨比較大無咁易啃到,魚肉煮到啱啱好,廚師既廚藝真係好利害☺️加上魚味好重,肉質豐富,重點係加埋酸酸地同辣辣地既湯,真係好開胃😘湯入面既佐料都好多呀,娃娃菜,酸菜同芽菜加埋啲湯一齊,真係一絕呀😘🎈椒鹽豆腐有炸到金黃色嘅外層,加埋入口即溶既豆腐心,真係好好味,豆味濃郁,加上佢香口既味道同一口一粒既size,令人食到停唔到口呀,係外脆內軟既感覺☺️🎈最後壓軸既就係手撕雞喇😝唔好睇個名好似好普通咁,往往常見既菜式先可以顯出廚師既功夫☺️呢度既手撕雞大大碟,雞肉好滑都好入味,最最最重點係好獨特咁加左沙薑粉,啖啖都好香口,加埋蔥絲青瓜絲好夾真係好好食呀,而且師傅係即叫即撕所以真係好新鮮呀😋食極都仲想食既感覺😊 繼續閱讀
(以上食評乃用戶個人意見 , 並不代表OpenRice之觀點。)
等級4 2020-02-13
286 瀏覽
受疫情影響,好多茶樓都休業了,但這星期日想同家人飲下茶,咁唯有去點心舖啦,到了最近新開的美味軒。這是早午市的點心餐牌,除了點心,這裏還有碟頭飯,炒小菜,酸菜魚煲等,食物選擇挺多呀~茶方面是日要了鐵觀音,茶味很香不錯呢。招牌蝦餃皇蝦餃雖然不晶瑩通透,但很鮮味,混入了少許肥豬肉溢出甘香的豬油,不錯啊。魚肉釀虎皮椒大大件的尖椒,好好彩我食中個件少少辣,要帶辣勁先好味㗎嘛。鮮蝦腐皮卷真係物如其名,腐皮包著鮮蝦,無其他配料作填充物,半煎炸十分香脆。四寶滑雞扎好耐無食過雞扎又要返一籠先,大大件喲。內裏的四寶就有火腿,冬菇,芋頭同雞件,很入味,可惜沒有魚肚要扣分。皮蛋瘦肉粥家人話想食粥又點了一碗,幾好喎熱辣辣。皮蛋瘦肉也下得不少,很綿滑。碧綠鮮蝦腸仲有呢度出名的刮刮腸粉,要左碟蝦腸試下,未落豉油又真係白左啲嘅。加左豉油靚仔幾多,腸粉不夠煙韌也久缺米香,一般之作,但勝在好大碟,屬飽肚之選。白灼菜心最後仲有油菜一碟,而加啲菜咁貴,呢度好大碟抵喎。哈哈,眼濶肚窄叫太多啦,好飽呀~ 繼續閱讀
(以上食評乃用戶個人意見 , 並不代表OpenRice之觀點。)
元朗安樂路明珠樓地下,有一間唔錯的酸菜魚美味軒。這裏除了出名的酸菜魚外,還有雞煲,水煮魚小炒及點心可以點。我們點了酸菜魚,農家小炒肉,紅酥茄子煲,汁醬蒸鳳爪和鮮蝦腐皮卷。這裏的酸菜魚味道比不會太濃太刺激,小辣級數已經好夠味,而且是用海鱸魚,已經起了骨,魚片肉好雪白,賣相和味道都很不錯。而且分量很足,魚下面有很多酸菜豆芽,足夠兩至三人分享。點了兩個小炒,一個係農家小炒肉,紅酥茄子煲。農家小炒肉雖然面頭好像有很多辣椒,但其實不會太辣,而且好好餸飯。紅酥茄子煲上菜時熱氣騰騰,食到個人暖粒粒。嗌了個缽仔飯,剛好用來送飯。我還點了兩個點心,一個係醬汁鳳爪另一個係鮮蝦腐皮卷。他們的點心也做得不錯,除了吃主菜外,點心亦都係一個不錯的選擇。總結:美味軒是一家頗多選擇的食肆,除了酸菜魚有準水外,還有小炒點心可以選擇,價錢亦算合理,一家人到這裏晚飯,也是個不錯的選擇。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-01-30
218 瀏覽
知道美味軒呢度,除咗有點心之外,仲有招牌酸菜魚,今晚特登和朋友來吃個開年飯!新年節日有另外一個餐牌,茶位每位$5,無需加一。香滑牛肉腸$25,原來係用拉布腸的做法,加上山竹牛肉來蒸的,裏面還有馬蹄增加爽口感覺,山竹牛肉加埋腸粉滑上加滑,份量也不算少,覺得比茶樓吃的有特色。魚肉釀虎皮尖椒$30,煎得金黃可口,不算很油膩。魚肉新鮮,配尖椒的清香,尖椒有一條帶小辣,其他的不辣,頗香口的。鮮蝦腐皮卷$26,吃一口,覺得很不錯!因為腐皮卷外層炸得很香脆,薄薄的腐皮,裏面材料十足,蝦肉爽口香甜,還有西芹的香味,很好吃。招牌蝦餃皇$32,皮薄餡靚,裏面蝦肉新鮮爽口,覺得比之前在尖沙咀某酒店吃的蝦餃更好吃。蟹子蒸燒賣$30,燒賣的size比一般酒樓大粒一點,稍嫌外皮蒸得太濕,但裏面的蝦肉和豬肉很足料,非常爽口鮮甜。這時候,招牌酸菜魚到了,一至二人份量$158,因為朋友不吃辣,所以點了bb辣。真的只有輕微辣味,朋友也能吃。用鱸魚煮,魚肉滑滑的,很新鮮。有很多配料墊底,主角酸菜,帶出湯的鮮味,還有用煎過的魚骨淆湯,湯味微酸帶甜。還有大量娃娃菜、芽菜等,連魚頭魚尾也吃得乾乾淨淨,吃完這盤酸菜魚,超級滿足呢!二人吃得超豐富,埋單$311,無加一,有一大盤足料酸菜魚,而且是農曆新年餐牌,不算貴呢!下次可以再約多幾個朋友來吃招牌水煮魚。 繼續閱讀
(以上食評乃用戶個人意見 , 並不代表OpenRice之觀點。)