11
3
1
港鐵藍田站 B 出口, 步行約1分鐘 繼續閱讀
所有分店 (2)
付款方式
現金
食評 (20)
細細個紅極一時嘅味精撈麵,今時今日喺匯景都仍然屹立不倒,仲有唔少現任同前任嘅學生哥學生妹排隊食,我就係其中一個,經過親都一定會買嚟食。雖然啲人話好唔衞生,好多菌,又好味精,但真係好惹味好好食😋。雖然童年味道不變,但價錢係以前嘅4.5倍😖,真係睇住佢由$1包,變到$2、$3到依家$4.5包😅😅😅。講真,食一次豐富嘅一定過$20...,變咗唔係小食價,我自己主要鍾意食嗰麵底撈埋啲蒜粒同醬,所以一定食大麵,大麵即係細麵嘅2倍,盛為2包料嘅價錢,$9。餸方面,其實都好多選擇,可能有30種以上,都pack得幾好,幾乾淨咁。但份量其實好少🙈,一包可能得紫菜幾條、一粒丸切開、一條腸切開、一塊火腿切開等等。因此我只係捨得食一個大麵同一個餸🤣,無啲小朋友咁奢侈。我要咗大菠菜麵同埋紫菜,姐姐就會將2包倒埋一齊,問我要唔要算蒜同辣,再隊埋去部機攪2下就搞掂。一食就覺得浸回憶返哂嚟,真係無變過,仍然係咁惹味,啲蒜粒好正,食完會想飲可樂🥤。總括嚟講,呢個撈冷面真係好正,其中一個鍾意食嘅原因係個麵質唔錯。我相信呢個絕對係對於90後嘅一大經典,我會一直食,食到無得食為止XD。唔知第日會加到幾錢一包呢🤔😜? 繼續閱讀
(以上食評乃用戶個人意見 , 並不代表OpenRice之觀點。)
等級3 2019-08-10
185 瀏覽
每次去藍田都會黎美味樂園食冷麵。由想當年一蚊包食到而家$4包。依舊係多蒜少辣,味道不錯,只係分量少左好多。以前嘅窮人恩物無左嚕。叫左$20都好似食左陣風咁,好彩呢到仲有其他小食。必點食物: 鵪春蛋,雞腎,鳳爪 繼續閱讀
(以上食評乃用戶個人意見 , 並不代表OpenRice之觀點。)
等級3 2019-07-29
118 瀏覽
收工覺得餓,便去買些吃的。藍田選擇很多,美味樂園也不錯。我最常買燒賣,只要7蚊便有6粒。咬下去黏黏的,沾上豉油和辣油。還有其他選擇也十分便宜,是放工後晚餐前的好選擇。也可以試試配撈麵,魚蛋或者冷麵等。 繼續閱讀
(以上食評乃用戶個人意見 , 並不代表OpenRice之觀點。)
等級2 2019-05-17
121 瀏覽
琴日無野做,就去左藍田呢度行下買下野食。話說呢間小食店,我係中學無乜零用錢味陣已經幫襯緊。以前我就叫魚蛋加撈面,今次我叫左魚蛋、燒賣、牛柏葉、撈面。食物既質素同以前一樣,對得住個價錢!食既每一淡亦都充滿住無限既回憶。 繼續閱讀
(以上食評乃用戶個人意見 , 並不代表OpenRice之觀點。)
等級1 2018-10-31
235 瀏覽
爺爺嬤嬤住附近~以前讀書同佢哋一齊住~放學番屋企經過都會偷偷啲食完再番屋企食飯~近期同阿媽去睇兩老帶阿媽來食完坦白~哈哈哈哈哈哈~升咗價都抵擋唔住回憶の味道~但喺點解覺得食完好大陣蒜味?唔通以前都喺散住咁大陣味番屋企嘅?!所以爺爺嬤嬤一直都知道我喺外面食咗嘢?! 繼續閱讀
(以上食評乃用戶個人意見 , 並不代表OpenRice之觀點。)