影片
呢排喺屯門碼頭出沒，周圍搵美食搭614由兆禧站去屯門碼頭總站的中途見到有露天茶座呢類型嘅街坊食店通常都有好嘢今日提早喺兆禧站落車行過去，原來呢間店叫「美味廚」問職員邊款早餐有粉有包，佢就話常餐我叫左沙嗲牛肉米粉、火腿奄列、牛油方包、熱奶茶$34上枱時全部都熱辣辣，米粉係我鍾意嘅直米粉，牛肉係鮮牛肉，沙嗲好味，如果再多啲沙嗲汁就好啦火腿奄列煮到啱啱好，雞蛋唔會老牛油方包，麵包好軟熟，軟綿綿熱奶茶熱、香、滑，有茶香，最緊要係飲完成杯奶茶，都沒有鞋口鞋脷
繼續閱讀
幫襯咗好多年，呢間店只做早、午市。但每個時段都爆滿，好多街坊熟客仔。早餐、午餐🥣都以西式為主。雖然係屋邨小店，但老闆都幾講究，食物賣相整得靚，味道都好美味，水準咁多年都keep到，難怪咁多人幫襯必食之選！白汁三文魚螺絲粉。白汁味道控制得剛剛好，唔會太濃亦唔會太淡，配上三文魚加香草，簡直係絕配！鍾意茄汁就一定要試呢款，豬扒已經腌製咗，好好味，加上鮮茄肉同茄醬，味道好夾，仲有個配菜都唔求其，好清甜。最後係呢杯凍薄荷朱古力，清新嘅薄荷加上朱古力，超級解渴清涼
繼續閱讀
一放假就會黎食既美味廚😋😋d 麵爽口，炸菜吾太鹹，岩哂我口味😆最緊係既係又平又好味，真係抵食‼️ 吾似得其他茶餐廳咁，d 肉絲係瘦肉，吾係肥肉，冇麥味精味tim😍 美味廚既三文治冇得輸呀‼️
繼續閱讀
這間平時都有吃的早餐小店 ，款式都有幾多選擇 ，而且佢有個芝士蘑菇奄列的個係味道唔錯幾特別，價錢亦都唔貴，而且佢有一個叫做番茄碎肉通粉味道都唔錯，不過材料就偏少，但係以20蚊左右嚟講都抵食。今次叫咗一個大早餐33蚊 ，反而就有啲失望。 雞翼只係屬正常但勁油身， 麵包烤得比較燶 ，牛油唔算多 。面質味道係 福字麵，份量都夠， 再加多一杯熱飲品。 感覺上好似平版早餐更加好食同抵食 ，雖然係喺室外，但衛生程度都唔錯，而且侍應都好快手落單 ，所以 這間小店平常早餐都會係唔少人哋幫襯。
繼續閱讀