羅麥記 (荃新天地)

營業中

休息中

2:00下午茶時段，有多款下午茶餐，叫左好特別既美祿牛奶包，賣相一流，其實係奶醬多加美祿係上面，可惜唔熱，所以d包變硬左。另叫了炸脾沙律，炒脾夠脆，不過可以入味d，沙律好味同夠多。跟餐包飲品，或加半價叫特飲，菠蘿特飲夠開胃

我自己食過羅麥記三次，三次都係唔同分店。想講嘅嘢詳細唔多，總括係 — 餐廳噱頭菜式裝修客服全部都做得幾好。但係一間餐廳最關鍵最緊要嘅係個廚師唔掂，更好嘅食譜更好嘅菜式更好嘅食材但係個廚師冇用心煮咁就死緊啦，有好多細節位其實可以做得更好但係我睇到嘅係100分嘅Hea。如果你哋啲廚師可以將每一個細節都做到99分，我絕對相信你哋嘅業績會上一個doub。如果唔能夠聘請到合乎條件嘅廚師煮出貴餐廳嘅菜式，可能需要降低貴餐廳菜式烹調嘅難度以合乎現時廚師嘅能力，咁樣可能煮出嚟嘅嘢冇咁難食。哈哈

香煎豬扒通粉配多士和餐飲（$42，轉番茄湯加$4）我非常推薦羅麥記的早餐，因為非常豐富。我首先選了香煎豬扒通粉，轉番茄湯加$4。這個蕃茄湯底非常有驚喜，因為非常之濃，非常有蕃茄味，不單純用蕃茄膏。這麼便宜的價錢，竟然配多士 ，可以選多種配料菜，例如腸仔炒蛋、火腿炒蛋、煎雙蛋。這裏的炒蛋非常滑，不會過分熟，我很喜歡。餐飲我點了最喜歡的檸檬茶，用以提一提神。吃了這個早餐，簡直是充滿力量啦！

平日中午食飯，黎黎去去都炒粉麵飯，間唔中轉換口味就會食常餐。而近年來唔少茶餐廳＂轉型＂冰室，造就左好多懷舊冰室食物出現。所以不時同朋友出去食飯，都會揀冰室試下常餐。價格相宜之外，食物種類又多。1. 羅麥雞翼撈通粉 配羅記炒蛋多士跟餐配既多士剛剛烘好，塗上一層薄薄既牛油，焦焦脆脫之外，牛油有陣咸香味，食落格外惹味。多士永遠都要襯熱食先好味，凍左就。。拜拜跟餐仲有炒蛋，可以轉熟蛋、太陽蛋或反蛋。主食瑞士汁撈通粉，味道略淡，好似同通粉唔係好夾，味道融合唔到其中唔會令我想一口接一口。不過如果你鍾意食清淡／清爽既口味，可能會覺得無問題。而瑞士汁雞翼煮得好淋，表皮冇破損，但依然十分之入味，而且可以輕易骨肉分離。就連軟骨都可以食得乾乾淨淨。總括而言，可以中規中矩，唔難食亦無特別驚喜。

聖誕將至，約左幾個老友去荃湾shopping大家行到腳仔累，揾個地方坐吓，在荃新天地一期地下見到間羅麥記茶餐廳，幾有懷舊feel，於是入去嘆番個tea我哋点左碎蛋牛角酥配薯條，牛角酥吾熱同脆，薯條夠脆口懷舊西多外脆內軟好味，咸牛肉葱花蛋多士普通，脆炸魚柳配沙律夠香口我喜歡，茶餐黎講算低食

今日同家人出去行街，知道如心廣場新開張，特意去參觀，行到係時候啦，就去搵野食，咁就返去荃新天地到搵食，經過羅麥記，見到羅麥記位侍應非常主動，不停叫我地入來試下，咁我見餐牌下午茶都幾抵食，所以就二話不說咁入咗去，入到去個場都大，3:00左右都坐到大半人都幾好生意，先睇睇餐牌，都幾多野食，我就叫左個叉燒蔥花蛋飯，我家人就叫咗個XO醬叉燒炒腸粉，大約五分鐘左右就到叉燒飯嚟咗啦咁見到份量都幾多，仲有啲蛋真係半生熟，好滑，真係好有驚喜，值得推介至於腸粉方面外貌唔錯，味道正常，唔可以叫差，因為我覺得炒腸粉，根本就唔會輸，最重要嘅就係唔好太鹹就得啦，咁今次都好正常，埋單都係$80左右，今時今日算抵食。

如心的 L Hotel 做特價，連早餐聖誕夜一晚房價只是 $506，平到咁無理由唔住番一晚。晚上，去了附近的荃新天地搵嘢食，見有間羅麥記主打懷舊茶記風味，一於試下。叫咗個【闊佬炒飯】即鴛鴦炒飯，同埋一個焗豬扒飯。飲品因為是日假期，無跟餐優惠，要俾正價，所以只叫了一杯 熱【生薑蜂蜜水】。兩個飯的份量都OK，味道也不錯。焗豬飯的飯底係有蛋絲炒過的，所以會香啲，之不過焗豬飯個汁就 “漏” 咗啲，好在杯生薑蜂蜜水幫到手，夠薑之餘，仲可以解下滯。

見大家都覺得幾好，就去試下…見到 餐牌上面既款式。都獨特…真係無從選擇…不過，帶住小朋友…d咩咩多士都會試下…否則，起身走人…叫左個 美祿奶多士同埋 蔥油撈麵豬扒。我覺得如果有糖尿病嘅人真係切勿食呢間垃圾。 無論咸點甜點都係勁多醣份。。。 甜到我有啲懷疑我食緊嘅嘢係咪用糖做出嚟。個豬扒畀嫩 肉粉做到冇豬味… 仲慘過食腐屍。我個小朋友都食到嗌救命。 呢間嘢永不超生永遠唔會食。感恩。我地寧願食大家樂都應該安全穩定。最少唔會咁甜。

今日約咗朋友去荃灣行街,行到攰攰哋,就搵地方食個下午茶羅麥記主打懷舊食物,於是我哋就決定懷舊一番,可能平日關係,食下午茶的人唔多懷舊西多士,由兩片厚麵包加花生醬炸成,加上牛油蜜糖,香脆可口白汁碎蛋牛角酥配薯角,牛角酥唔夠香酥,食唔到牛油香,反而薯角就唔錯,剛炸起,夠熱夠香脆炸魚柳配沙律,沙律係港式沙律,用礶頭什果加沙律醬,甜甜酸酸咸牛肉蔥花炒蛋厚多士,這個較遜色,咸牛肉太少,所以冇咩味道,厚多士唔夠脆口

來到吃下午茶。XO醬肥牛炆伊麵（$39），可樂（+$3）味道普通，不香口，肥牛及伊麵質地正常，份量ok。可樂是原罐上的。星州炒米（$39）味道ok，算香口，不會很乾，份量略小。那些炒碎蛋質地很奇怪，非常韌，口感不像蛋，也不太有蛋味，有點懷疑自己吃了什麼..熱咖啡，很好，味濃香滑，是這餐最讚的。總結，食物一般，咖啡很棒，環境舒適，員工親切有禮。

羅麥記可以話係進化版的香港茶餐廳，有著香港風格的倪紅燈面門，配上茶記卡座，新潮中帶點玩味的裝潢，感覺香港情懷又不失時尚特色。話說成日見到有人打卡食佢個招牌磚頭焗飯，兩口子早左收工，趁早唔洗同人逼，就心郁郁去左荃灣新開的羅麥記試下喇~ 荃新天地的羅麥記開揚設計，鋪面面積很大，就算人多要等位應該都好快可以輪得到。磚頭焗豬 飯 $88店員端上滿滿的磚頭麵包，焗至香脆的麵包外皮，軟心的內裡是盛載著香噴噴的焗豬扒飯。飯底是蛋炒飯，豬扒肉質鮮嫩，啖啖肉，加上香濃的茄汁和芝士，連麵包都滲透豬扒肉汁鮮味，真係大滿足。美祿牛奶包 $54個人喜歡美祿的香濃「朱古力」味道，灑滿美祿粉的奶醬包真係甜到入心，配合香脆多士底，味道一流！紅豆冰粒粒奶茶凍飲最怕冰粒溶化後會溝淡飲料味道，羅麥記的招牌奶茶，連冰粒都用奶茶製成，配上粒粒紅豆口感，濃濃香滑的港式奶茶，別樹一格！碎蛋牛角穌薯角 $32香口酥脆的牛角包，以碎蛋做夾心，加上香口薯角，形成層次豐富的味覺享受。蝦多士 (5件) $60 招牌的蝦多士，炸至金黃鬆脆的多士，蝦膠彈牙爽滑，口感軟脆對比，難怪是必吃推介！二人吃得非常飽足，面對美食，真係有選擇困難症架！

放工後去到荃灣，突然好想食茶記。朋友就介紹黎呢間係商場裏面的創新茶餐廳。一去到門口就見到好有懷舊風格，令人不禁想起童年同歲月的流逝位置都算多加上趕在晚餐前時段到，所以不太用排隊^^雖然懷舊風味，但食物都有不少是自家創新的菜色啊~~#芝士奶酪牛脷包有成3片厚切牛脷，非常足料><咬開發覺有小小溶好的芝士係包入面，haha~~好邪惡呀#流心粟米西多士一份是有兩大件超厚的圓形西多一切開薄薄脆脆一層就見到金色的流心醬與玉米混合一起><原來金色的是最近美食流行的咸蛋黃口味醬，非常之香濃稠。這個口味已經值會價錢創新口味西多而且重要是我的最愛！#香蔥油撈出前一丁配雞扒由童年開始就最鍾意撈丁，一見到這裡有就二話不説order翻一個回味下。重可以有創新口味比人選擇，例如：卡邦尼撈/蔥油口味撈~~個人真心推介：#蔥油撈#真係特別正！更健康的是呢度姜蔥渣分量足夠，而油又剛剛好，不多不少^^食完整碗面都不感覺油膩~#”磚頭“焗咖喱軟殼蟹飯第一次見呢款創新的特別設計remix 飯 ar~~haha將飯放入去個大多士裡面~~淋上大量微辣的濃咖喱汁係面頭！整成香噴噴的焗飯真的是外脆內軟

老公今日在荃灣做野，見到荃新天地開左羅麥記，知我喜歡食佢地嘅闊佬炒飯，所以放工就約埋我一齊去食。闊佬炒飯：我最喜歡的炒飯，一個炒飯兩種味道，蝦仁大大隻好爽口，配上白汁，口感creamy。另一邊是雞絲、蕃茄、洋蔥，蕃茄獻汁調得好好味，酸酸甜甜的好醒胃。飯底用蛋炒過，粒粒分明。忌廉汁芝士窩蛋雞皇飯：雞肉份量已蓋滿整碟飯，口感鮮嫩啖啖肉，忌廉汁濃郁，加左隻生窩蛋，特別香滑。紅豆冰粒粒咖啡：紅豆林甜，咖啡香濃，另外加入用紅豆冰製成的冰粒，代替平常用的冰粒，當冰粒溶化時，飲品能保持味濃又冰凍。炸雞脾拚薯條：即炸雞脾外皮香脆，肉嫩有汁，薯條裡面鬆軟，外面脆口。麥sir乳鴿仔：即叫即炸乳鴿皮酥肉嫩，有肉汁又入味。蝦多士：剛剛炸好的蝦多士香脆可口不油膩。雪糕紅豆冰：傳統味道，紅豆冰加入雪糕，飲落特別甜滑，好有懷舊feel！

今晚到荃灣荃新天地新開的羅麥記吃晚餐。一隻bb乳鴿切開四份，雖然是bb size但是都很厚肉，最重要是很入味。如果餐廳提供埋手套或者濕紙巾會更好呢！鴛鴦炒飯 番茄汁配上白汁， 非常開胃 ,白汁略不夠濃。蜜糖炸魷魚鬚一口咬落甜甜地， 正宗蜜糖甜，酥炸粉不太多， 魷魚肉剛剛炸到恰到好處非常出色

羅麥記約左幾個朋友一起食飯，行開依間羅麥記見佢裝修唔錯就入去食啦。餐廳將港式菜式融合西方嘅餐廳炸魷魚鬚58平時食椒鹽炸魷魚鬚都食得多 今次就試下食蜂蜜炸魷魚鬚 甜甜地又唔錯喎 分量亦都好足夠蝦多士60大片蝦膠彈牙又有蝦味而下面厚厚嘅多士非常香多士的口感脆又軟熟。乳鴿56乳鴿肉味好香，而且肉質嫩口咖喱軟殼蟹飯 $98到最期待賣相勁吸引住，磚頭入面嘅唔係甜品竟然係焗飯一整隻炸軟殼蟹，超鍾意軟殼蟹紅豆冰粒粒奶茶$38港式飲品,當中真係好鍾意佢既紅豆粒粒奶茶,味道好濃，奶茶走甜配紅豆十分好，紅豆大粒茶味濃。芝士豬頸肉$撈丁55豬頸肉認真唔錯 賣相好有一種冰室嘅情懷推介⭐️⭐⭐️⭐⭐