230
26
13
港鐵北角站 B4 出口, 步行約1分鐘 繼續閱讀
所有分店 (4)
電話號碼
25683806
開飯介紹
於香港有四間分店的連鎖印度餐廳,曾獲米芝蓮推介,由印度大廚炮製,主打印度北部地方菜。菜式做得精緻,經典菜式如咖喱角、牛油雞、串燒及印度薄餅等香料味濃,風味地道。 繼續閱讀
營業時間
今日營業
11:30 - 15:00
18:00 - 23:00
星期一至日
11:30 - 15:00
18:00 - 23:00
付款方式
Visa Master AlipayHK 支付寶 現金 AE
座位數目
58
其他資料
網上訂座
酒精飲品
切餅費 詳細介紹
電話訂座
賞訂座積分
外賣服務
加一服務費
當面支付
食評 (282)
同朋友好耐冇出嚟食飯,朋友提議食番啲特別啲嘅嘢,唔好再西餐日本嘢咁。我哋對印度嘢其實都情有獨鍾,香料令印度菜味道多元化,耐唔耐都會想食番次。做左啲research後發覺呢間隱藏系北角內街嘅印度餐廳大有來頭,竟然係連續6年入圍米芝蓮推介餐廳之一。最神奇嘅系食物唔貴,甚至平過同類餐廳少少添,即刻就 book 咗位 lunch 去試下 三個字:掂! + 抵食! 嘢食質數好平均,樣樣都唔錯。疫情關係都真係冇乜人堂食。鋪頭樓面其實都幾大,當日連埋我哋都係得三枱人。不過可能係因為我哋去得晏啦 (我哋3點幾先去 xD 因為見晏啲嘅時段嘢食會有優惠) 原本打算試下佢哋嘅 tulsi set,可以以小碟形式試多哋唔同菜式。但係就俾我地發現二人餐破天荒做緊 50% off, 系 50% OFF 啊!!! 超驚喜~ 仲要 menu 包嘅嘢好多,有湯、一個四款小食嘅 appetizer 組合、兩款咖喱、配飯同埋Naan 薄餅、嘢飲都包。真係唔叫都對唔住自己。印度人店員好友善,其實佢識講廣東話,幫我哋上菜嘅時侯特登講中文,好親切 前菜嘅 set 包四款嘢食,系定咗嘅:羊肉 Seekh Kabab (系用 spice 醃過嘅免治羊肉香腸)、印度胡椒餅 Papadum (其實係薄脆嚟,跟咗兩款 dips 可以點,一隻係綠色嘅,另一隻就莓味酸酸哋開胃)、好巨型嘅咖哩角 (餡料好足)、仲有超嫩滑嘅白汁雞腩 Reshmi Kabab (味道濃郁得恰到好處,又唔會好油膩)俾大家睇下啲食物嘅合影先 — 我哋另外再嗌咗少少嘢所以望落咁壯觀 呢款青瓜乳酪 Raita 系印度嘅特色菜之一,其實係冇乜味嘅,fresh 得嚟其實都幾酸,但用嚟係咖喱與咖喱之間清吓味蕾,的確適合。朋友非常欣賞。芝士菠菜 Palak Paneer ($78)呢一味就我提議加嗌嘅,系我最鍾意食嘅一款菜式之一。菠菜蓉同芝士方塊超好送飯,用 Naan 點嚟食都好夾!本身套餐包 Masala Chicken, 店員好好,俾我哋轉做 Butter Chicken,雞肉煮得軟身唔乾唔鞋,呢隻汁就番茄味為住,香料比較簡單,唔會太惹味。印度咖哩羊肉系佢哋招牌之一,呢隻醬亦都係最經典款印度菜一定會食到嘅嗰隻味,辨識度最高。都係點薄餅同撈飯食都一樣好味。羊肉都有好5-6舊,大致都煮得腍身,都唔錯。炒飯 Pulao Rice 都係餐包埋嘅,印度米比較乾身,撈咗咖喱汁之後都唔會變得好一 Pat Pat。後面嘅 Mango Lassi 其實即係芒果奶昔,香甜得嚟夠細滑。朋友就嗌左 Masala Tea 印度奶茶,有得揀熱嘅或者凍嘅,用小杯仔奉上。其實呢度有兩種 Naan, 蒜蓉 Garlic Naan 系餐本身包嘅,而黑松露 Black Truffle Naan 就係因為見到好多人推介而另外嗌嘅。Naan 煙韌嘅口感就咁食都已經覺得好味,點咗咖喱之後黑松露嘅味其實已經被蓋過咗。但要讚呢到嘅 Naan 份量都偏大塊,夠厚身但又唔會乾。口感岩岩好。本來都想試埋佢地既甜品,見到有印度雪糕幾特別~但真係太飽喇,下次再嚟一定要試埋佢。總括黎講系非常滿意嘅一次用餐,埋單都只系每人 $180,可以一次過試到咁多野食,大滿足啊 繼續閱讀
(以上食評乃用戶個人意見 , 並不代表OpenRice之觀點。)
等級6 2020-04-25
1022 瀏覽
素食的菜式多數西式或中式,偶然都想下轉下口味,在北角都有不少素食的餐廳, 行到七姊妹道附近都好多餐廳,不過又不知那裡有素食,見到有間印度餐廳, 都想起很久都沒有食印度菜,都可以一試。既然是印度素食,我們開始在餐牌細心選擇,小食方面先點了咖喱角(samosa)3件($40),內餡主要都是馬鈴薯及青豆,熱辣辣都幾酥香,有少少微辣,蘸上薄荷乳酪汁,再添一點清新口感。香草薯餅(mix vegetable aloo tikki)($40)主要又是薯仔蓉,不過這款炸薯餅就混了一些蔬菜餡,外層微脆內軟滑,都不錯。友人提議必食這個炸香料胡椒餅(fry masala papadum)($20),把papadum捏開小片,連同餅上的一些鮮蕃茄粒、洋蔥碎等,感覺不錯香料味很重,而且卜卜脆,還有點微微辛香的胡椒味,再蘸上羅望子的甜酸汁及薄荷乳酪汁,正好中和下膩口的感覺。再有蒜茸烤餅(garlic naan)($28)正好伴食咖喱,烤餅真是好香又有蒜香的惹味,口感柔韌,外酥內軟真是好捧!!食印度菜必食之選就是印度咖喱,雖然咖喱的款式很多,但都仍然點了素食咖喱雜菜(vegetable curry)($80),咖喱的辣度不會太重,有青豆、椰菜花、彩椒等.....蔬菜都好鮮爽,香濃的咖喱有微微辛辣真是好滋味。香料奶茶(masala tea)($30)真是好重印度香料味,奶香味濃,飯後呷點茶真是一流。餐廳食物質素同樣高,環境裝修都有印度的氣息,服務員都是印度人,他們的服務都好熱情,整體氣氛都不錯。 繼續閱讀
(以上食評乃用戶個人意見 , 並不代表OpenRice之觀點。)
等級2 2020-08-03
204 瀏覽
Dahi Puri$68 Dahi Puri 係印度好出名嘅街頭小食,脆脆地好薄嘅炸空心圓球放左三種汁,白色,綠色同紅色,主要係一種好似甜醬加茄汁加喼汁加yougurt嘅味,成啖食同分開食唔同味,可能係啲醬分層嘅關係,食到中段會有香料味同薄荷味,尾段會有芫茜味,食到後面會有啲辣,味道幾有層次感,口感都好豐富。(pani puri同dahi puri嘅分別在於前者係啲街頭逐個上,食完一個先一個;後者係成碟上)Roti $16 略嫌硬左啲同乾左啲,同其他兩樣比冇甘好食,有陣麥味,有啲似乾糧。Pander Naan$28千層都幾軟熟,裏面會有啲綠豆蓉,平時係其他印度餐廳幾少見。Bhatura$26炸餅好似扁左嘅油炸鬼,都幾特別。Onion Bhaji $40炸洋蔥都幾香口,可以再炸得鬆脆啲,不過份量都幾多,係一個幾易令人接受嘅印度美食。Chicken Tikka $108雞嘅份量都幾多,辣味唔算好重,大部分人都接受到,但係雞略嫌乾左啲,配菜可以再豐富啲。Shahi Paneer $60汁嘅味道偏甜, 芝士冇平時食開嘅甘唔重味,口感比較鬆散,份量亦唔多,味道普通。整體黎講服務唔錯,上菜都幾快,一樣食完接一樣,全部都係熱嘅。但係開頭入去嗰陣會冇冷氣,仲有陣廁所味,以一間有翻甘上下裝修仲有米芝蓮推介嘅餐廳黎講會令人失望。桌上的樽裝水居然收$10,平時嘅印度餐廳多數不收費,或者會標明。不過服務都唔錯,侍應幾好笑容,食完都會問你有咩意見。但係食物比較普通,不過比起平時嘅印度餐廳算係有較多嘅選擇。 繼續閱讀
(以上食評乃用戶個人意見 , 並不代表OpenRice之觀點。)
等級1 2020-08-02
105 瀏覽
Of late I've been craving for Indian food, specifically the Chicken Biriyani. I live in North Point so I ended up at Tulsi. They received the Michelin recommendation from 2012-2018. I ordered a plate of chicken biryani (takeaway due to covid related restrictions). The long grain basmati rice was orange & yellow coloured mixed with gracious amounts of boned chicken. The herbious flavor of the biriyani made for a delightful lunch. A mint raitha was served alongside as well which I mixed with portions of the biriyani to mollify the spices from the biriyani. My only frown was the portion should have been more to fully satisfy the belly. I'd probably go back once more to have the sit-down biriyani set to check if the portions are any different for dine-in. At HKD 104 it's priced a tad above par, especially for the location. 繼續閱讀
(以上食評乃用戶個人意見 , 並不代表OpenRice之觀點。)
等級2 2020-07-09
144 瀏覽
好中意食印度菜但係好怕印度餐廳入邊環境衛生哩度環境好舒適,裝修都好有特色款色都有好多,有前菜小食,有主菜咖喱,仲有好多款麵包薄餅每張枱上面都有支樽裝水兩個人叫左兩款咖哩加兩款麵包就已經好飽推介芝士菠菜同埋butter chicken每次去印度必食,而呢度都一樣好食不過paratha就有啲失望,唔夠酥脆多層naan就好好食 繼續閱讀
(以上食評乃用戶個人意見 , 並不代表OpenRice之觀點。)