繆天食堂 (已結業)

星期六朝早去完診所都未訓醒，行過見食物相都幾吸引！就決定試下。小小一間，座位得5-6個，點菜即叫即煮，熱騰騰，聽到炒菜聲真係好似係屋企食咁！店面非常乾淨清潔，無異味，坐得幾舒服。等左一陣就有得食，慢慢開始多人就可能要等耐少少，食物份量令人驚訝，有一大碟，但我居然食晒。重點係我以為小店無人洗碗會用即棄餐具，點知係用公雞碟，岩晒環保既我。下次去我會再試其他食物，佢地仲有糖水，咖啡飯同粥，樣樣都好吸引。…查看更多

第一次幫襯呢間繆天食堂， 舖頭主要做外賣生意但都有幾張凳可以畀人堂食。唔算太肚餓，嗌咗一個細嘅潮州炒麵線$25，姐姐煮嘅時候已經聞到好香。到佢煮完包好遞畀我， 見到個面嚇咗嚇，好有份量，如果佢係細嘅份量，大嗰個一定好壯觀😂呢個潮州炒麵線入面有幾種唔同嘅麵( 有幼麵線, 幼麵, 粗麵同應該有少少米粉)， 配料有魚片, 豬肉, 雞蛋, 韭菜, 芽菜，全部都好足料。 重點係食落唔會太油太鹹，好似媽媽屋企煮嗰種感覺😋 完全估唔到25蚊可以食到呢種質素， 有機會嘅話我會再幫襯。仲有入面幫手個妹妹好有禮貌🤗…查看更多

係見到宣傳，於是等放假同男朋友黎幫襯。而且頌有飲品飲 唔洗驚口渴店員服務一級棒，頌問我地洗唔洗要辣椒醬，好貼心的服務有特色ge係個碟係公雞碗 已經好少地方用呢樣野！！…查看更多

行過見到呢間鋪新開張 店內座位唔多 約5-6個位左右，估計都係做外賣居多，但我又行街行到好累想食嘢又想坐下，就決定試下呢間啦！🤔叫咗個上海粗炒，唔算太油，但份量好足，味道中上，老闆話佢地係家庭式經營，唔落味精，我一聽到唔落味精即刻心心眼！😍😍乜今時今日普通茶記仲會人唔落味精？再叫咗個咖哩飯，份量又係好大碟，唔算太辣，值得一讚就係除左咖哩汁仲有好多蘿蔔呀薯仔呀咁！唔似有啲鋪真係得啲汁 我同朋友食曬2樣已經勁飽！老闆話如果咖哩汁唔夠可以追加😲😲但我勁飽啦！再俾我都食唔曬🤤總括來說都好抵食嘅！環境幾好！鋪內夠冷氣！原來仲有糖水賣！下次黎會再試埋！仲有！叫咖哩飯係有嘢飲送！我叫咗罐可樂！呢啲天氣如果可以冰底上就爽丫丫！但老闆話佢地無做水吧！暫時都係供應包裝/罐裝飲品。…查看更多

宵夜時間識食一定係食糖水啦！晚飯前揸車經過置樂有間新開嘅小店所以就幫襯一下。桃膠圓肉雪耳糖水及木瓜雪耳糖水都超好味，味道清清唔太甜，唔似其他糖水店一味得個甜字，而且仲好足料，幾乎啖啖有咬口，誠意推介俾大家呀！…查看更多