縱貫線 (已結業)

縱貫線 ｜ 元朗之前咁岩上網見到有人post 依間既食物今日起身諗起佢即刻趕去買黎試試一入到鋪頭 鋪頭唔算大間 位置大約10人左右我一於外賣拎返屋企食😋😋種類太多 有小小花多眼亂既感覺今次叫左四款野卡拉雞腿蛋烤漢堡🍔🍔🍔依個食落有小小似麥記既包但認真食落其實好大分別超級好食 推介各位要叫跟住叫左個台式滷肉飯份量岩岩好 唔會話太小再叫左個奶酥吐司🍞依個都係推介之一😋😋😋最後叫左一個甘梅薯條🍟 唔會話好硬 味道岩岩好😋…查看更多

以前58雞排蛋餅包埋一個薯餅或多士仲有冬瓜茶可以揀。宜家58得個蛋餅同5個垃圾飲品揀（好難飲），真係唔係我老作，你哋可以睇返以前餐牌就知（下面叫陳小姐2號）可以睇相，宜家個多士完全失左蹤，但係價錢一樣！？好食就好食啦，$58咁嘅價就一啲都唔值，比小小良心啦！…查看更多

未必係最好食，但一定係我食過最有風味既台式小店，食既都係台灣地道早餐同小食🇹🇼呢間小店位於元朗朗晴邨附近，旁邊就係元朗名物驊記糯米池同埋永順食店，小店只有6個座位及2個企位，人多既時間都可能要等一陣，可以順便買埋糯米池同埋茶果番去呀😎.全日早餐 HKD58全日早餐可以揀一個主食、副餐同飲品，今次我地揀左個卡拉雞腿起司蛋烤漢堡、百頁豆腐同埋冬瓜茶，漢堡包配料係好簡單既雞蛋、芝士、蕃茄同生菜，中間塊雞扒係即叫即炸，外皮極酥脆，入面亦都非常Juicy，小小辣味完全同台灣夜市嘅炸雞扒一樣味道，呢個漢堡份量十足，食完已經飽晒呢🤤唔好唔記得仲有個百頁豆腐，撒左啲椒鹽上去，好惹味真係想一口接一口食🫠Jumbo套餐 HKD80同樣地呢個套餐都係可以揀一個主食、副餐同飲品。我地就揀左吉列豬扒滷肉飯、肉鬆蛋餅，轉左杯比較有特色嘅甘蔗拿鐵。吉列豬扒炸得岩岩好，滷肉飯係非常地道嘅台灣味道，至於個蛋餅真係必食，內鬆係脆身果隻，蛋皮好香，加埋芝士真係好好食‼️最後我地仲散嗌左奶酥厚片，送到上黎未開盒已經聞到超香濃嘅奶味，食落甜甜地飲食緊墨西哥包咁，都係好好食嘅🤞🏻所有食物都係即叫即整，但上菜係好快，唔需要等好耐就有得食，食物新鮮整永遠都係最好食😆🙌🏻.縱貫線地址 ｜元朗橫洲路2-10號利群樓地下B3號舖…查看更多

本人去過台灣不少於十次，亦光顧不少香港台灣食肆，對台灣菜都有一定認知，這間早餐店的出品完全不合格。第一次光顧，就試一試他們的蛋餅跟烤吐司，點了起司雞排蛋餅，豬肉蛋烤吐司，飲品選了甘蔗拿鐵。等了一會就送來，先談蛋餅，老闆巧奪天工地將那塊雞排拍到薄得不能再薄，蛋餅皮質感有別一般台式蛋餅，醬料亦沒什麼味道，分量亦都相對偏小。打開那份烤吐司更讓我費解，烤吐司就跟普通三文治一樣，看不出有烤過，跟餐牌上的照片有出入，查詢完老闆娘後，她説台灣烤吐司就是這樣，要是我要烤得黃金色一點，就要跟她説要烤「脆」一點，試問第一次光顧又如何知道你們的烤吐司就如同三文治。最後就是那杯甘蔗拿鐵，其實就是奶水加蔗糖，如果這些就是台灣早餐店的味道，那我之前去的台灣在那裏？本人感到中大伏，真的光顧一次乜嫌多！…查看更多

想試呢間小店好耐，今次有朋友黎gathering所以一早WhatsApp 落單再去拎。3:30 落左單但唔見人read就打去問，原來3:30pm 至5:00pm 係佢哋嘅落場時間。但係佢哋好好話照幫我整埋呢張單先🙏🏻，仲可以PayMe 或者轉數快俾錢，真係好方便！輕食套餐1.豬肉蛋餅加巧克力厚片飲冬瓜茶2.鱈魚蛋餅加花生厚片飲茉香柚茶散叫3.雞排滷肉飯4.吉列豬扒滷肉飯雙人蛋餅套餐： 5. 肉鬆起司玉米蛋餅加甘梅薯條飲甘蔗青茶6. 卡拉雞腿起司蛋餅配奶酥厚片飲紅玉紅茶我哋就係叫咗以上嘅食物喇，超豐富！由包裝到味道都係台灣嘅味道。不過老實講多士拎到返屋企食已經冇咁好食，但係個味道係唔錯嘅。最鍾意就係奶酥厚片，呢個味道比較特別。蛋餅方面我最鍾意都係肉鬆起司玉米蛋餅，呢個係最match嘅組合😋甘妹薯條都好好食個滷肉飯份量足，入邊原來仲有隻煎蛋，撈埋啲蛋黃汁食真係好味。佢入面啲椰菜都煮得偏軟身同清甜。炸雞同炸豬扒好crispy 同啖啖肉。最後講吓嘢飲，佢啲飲品好多都係台灣直送，平時喺香港好似見唔到。我就試飲咗茉香柚茶，都幾特別，似柚子茶但係又有少少茉莉味。總結就係呢間小店係值得encore👍🏻…查看更多