283
16
22
港鐵荃灣站 B1 出口 繼續閱讀
所有分店 (3)
電話號碼
25152988
59923989 (WhatsApp)
開飯介紹
提供任食自助餐及火鍋,食物款式選擇多,壽司、刺身、熟食、甜品等均可於餐區內找到,更有駐場壽司師傅每晚即席切原條吞拿魚。 繼續閱讀
營業時間
今日營業
07:00 - 16:00
17:00 - 23:30
星期一至日
07:00 - 16:00
17:00 - 23:30
付款方式
Visa Master 現金 銀聯
其他資料
網上訂座
加一服務費
有關獎賞計劃
食評 (359)
荃灣火鍋放題選擇很多,說到大鴻輝中心就已經有6到7間,相當誇張,但要數方便的,這家緣聚鮮鍋肯定是其中之一,因為用扶手電梯就可直達,不用苦等電梯再在電梯口呆站等位呢位置:大鴻輝中心的三樓,只需上扶手電梯直達,地點非常方便。而大鴻輝中心本身是荃灣地標,覓食的主要選擇,所以人流旺盛,交通尚算方便,沙咀道及眾安街交界有很多巴士小巴線,而港鐵荃灣站走路過去約需10分鐘環境:餐廳面積很大,分區清晰,可以自行取醬料、刺身、小食、甜品及大量飲品等等。自取區域夠大、地板亦算乾淨,取餐也不會擠迫,空間感十足服務:下單是掃碼的,漏單情況不多,大致上菜算快。同時,侍應很主動收拾裝過食物的盤及碟,大致不會阻礙到客人食物:火鍋部分除了蔬菜和部分丸類,都是掃碼下單,其他的和刺身壽司、前菜、小食等等需要自行去自取區拿美國特級牛肉+海鮮刺身放題~$228/位(加一)我們選了中間價位的套餐,同樣可以任取自取區所有食物飲品刺身壽司類有三文魚、希靈魚、劍魚、吞拿魚、帶子、螺片等,刺身選擇算多及新鮮,味道可以。壽司則有燒三文魚、鰻魚、甜蛋、蟹柳等多款選擇,同樣算是新鮮前菜有青口、泡菜、木耳、豆角、青瓜等等,味道普遍可以接受,更可以$10一隻買即開生蠔,但任食相信較少人加買餐前小食炸薯角、炸雞粒、黃金蝦球、炸鮮奶等多款餐前小食,保溫尚算可以,還能吃到一點脆的口感,另外有提供咖哩及白飯天婦羅掃碼下單可點炸蝦、南瓜及茄子天婦羅,炸出來很香脆,而且算是新鮮即叫即炸,味道不差自取火鍋料有山根、魚皮、響鈴、蔬菜及火鍋配菜如粟米、冬菇、蓮藕、金菇、蒟蒻、冬瓜等等,對於喜歡火鍋的朋友絕對足夠多選擇下單火鍋料掃碼下單當然少不了美國肥牛、M5和牛、豚肉、雞肉、各種丸類及餃類、台灣腸、鴨血、各種豆腐、美國蠔、海蝦、帶子及沙白等等,選擇眾多,質素超值,絕對可以任食到捧腹而去飲品飲品有大量選擇,除了雪櫃內的各式紙包、樽裝及罐裝飲品外,亦提供沙冰、菊花蜜、清酒、梅酒、一些熱的紙包飲品及花茶等,照顧到各種各樣的客人所需😍甜品有豆腐花、奶凍、涼粉,甚至軟糖,另外有軟雪糕及乳酪雪糕,選擇不少總括而言,以這個價格提供到如此多的食物種類選擇實屬超值,當然質素不是最好但可以說對得住這個定價,可以放心任飲任食呢🌺緣聚鮮鍋🌺地址:荃灣眾安街55號大鴻輝(荃灣)中心3樓 繼續閱讀
(以上食評乃用戶個人意見 , 並不代表OpenRice之觀點。)
等級4 2021-05-11
1283 瀏覽
今晚帶爸爸出街食返餐好既,之前問爸爸想吃什麼,他竟然跟去說咩都想食下,又講到自己咩都想食,又話好耐冇出街食飯。所以就諗到同爸爸去食火鍋放題,因為咩野食都有,又多選擇,唔洗煩。呢間放題都幾抵食既,入座分唔同時段,有不同價錢。今晚我地就7點入座,可以任食120分鐘。$228一位再加一。如果早點入座,價錢會仲平點。不過要就返放工時間,所以決定呢個時段入座。餐廳座位數目好多,主要以卡位為主,座位闊落,又乾淨。坐得好舒服,而且檯面都好大,放完大大個火鍋湯煲,檯面都仲有好多位放食物。正呢間餐廳以手機點餐下單,好方便,又有好多唔同野食,雞、牛、豬、丸、餃呢d當然實有啦,仲有海鮮架,蠔、蝦、貝。。。而且牛都有好多唔同款肥牛、牛舌、特級牛肉。如果想食再靚點高質牛肉,仲可以加錢upgrade....手機下單後,食物都好快送上好快又會放到一檯面滿滿另外都要一讚呢度既waiter服務好好,一見載食物既碟清光,便會好快收走。是日我同爸爸都不停下單,食材好新鮮好靚。湯底都有好多款。我們點了豬骨濃湯,入面仲有豬骨、粟米等等食材。除了可手機下單外,餐廳仲有好多位置放滿了不同食材,行了一圈已覺好吸引有菜區,放滿了不同款既菜,連羽衣甘藍、冰菜都有,正,唔係好多火鍋店有呢d菜類提供仲有日本區,有刺身、壽司、冷麵。質素仲要不差又有麵區,多款不同麵料,烏冬、刀削麵、出前一丁、米線。熟食區,有春卷、三文魚等等,多款餐前小食甜品區,可自製朱古力噴泉,雪糕diy,加配不同配料好多好多唔同區,任飲任食,正正正所以真係記得要留肚,因為我同爸爸都吃到好飽好滿足 繼續閱讀
(以上食評乃用戶個人意見 , 並不代表OpenRice之觀點。)
有時心大心細唔知食咩好,又想食日本菜又想打邊爐荃灣呢間緣聚鮮鍋完全可解決到我呢個選擇困難症嘅人😜餐廳有壽司、刺身、熟食、甜品等,仲有主角任食火鍋!餐廳裝修環境走現代摩登風格,有霓虹燈同貨櫃做裝飾,坐位以卡位主角打邊爐🌟今次試 芫茜皮蛋湯底鍾意食芫茜嘅人一定要叫呢個湯底,因為芫茜超多成座山咁! 芫茜味非常濃郁,皮蛋入口鮮香,湯底愈煮愈濃🌠牛肩胛打邊爐個人就比較鍾意食牛肩胛,因為肥瘦適中,鐘意薄薄一片,涮幾十秒就食得,夠嫩滑🌠花甲打邊爐有點可以唔食花甲,食落肉味鮮甜,粒粒都新鮮無沙🌠牛舌涮約幾秒,剛熟嘅牛舌入口彈性,鮮嫩,repeat order 😆係等湯底滾嘅時候,可以食下出面嘅熱食、壽司、刺身等~駐場壽司師傅即場切刺身,刺身有三文魚、吞拿魚、 希靈魚等,刺身算新鮮而且三文魚厚切,壽司師傅絕不吝嗇!旁邊就有壽司選擇,有幾款選,另有冷盤 中華沙律、八爪魚等!單係食刺身、壽司已經好多款選擇😆推薦! 天婦羅有炸蝦炸矮瓜等選擇,炸到金黃色,外脆內軟,微油而不膩甜品方便,單係雪糕已經有差唔多十種味道,另有幾款口味嘅奶凍,打完邊爐個陣食咗2 杯,口感冰爽而軟滑 ,作為呢餐完結非常完美😆飲品方面,一行出去見到飲品選擇種類非常震撼,有花茶、啤酒、韓式飲品、 汽水等,基本上你諗到嘅都有!整體:餐廳夠大,火鍋配料選擇多,刺身壽司都可以食番夠本😜適合朋友、家人聚會,人人都岩食! 人均二百幾蚊就可以食到咁多嘢,真心抵食緣聚鮮鍋🌟荃灣眾安街55號大鴻輝( 荃灣)中心3樓 繼續閱讀
(以上食評乃用戶個人意見 , 並不代表OpenRice之觀點。)
最近發現網上好評如潮 位於荃灣的緣聚鮮鍋 推出了芫茜點心😍身為芫茜控嘅我😋梗係要趁住熱潮即刻去朝聖一下啦😌全新創意製作 包括以下11款爆茜點心( 芫茜腸粉 芫茜肉片粥 芫茜芫蝦燒賣 芫茜菜苗餃 芫茜蘿蔔糕 芫茜紅油炒手 芫茜鹹水角 芫茜蝦春卷 芫茜荷葉飯 魚湯芫茜鮮竹卷 上湯芫茜金翅灌湯餃)🤤另外仲有 午市精選2人套餐 風味煲仔任選一款 精美點心任選三款 特價$88 免2位茶位 都幾抵食🤭 不過記得留意(星期六日及公眾假期+$20)🤔 店舖燈光明亮 座位寬敞 雖然今日係星期日 但店舖面積都幾大 所以唔使等位好快就可以入座啦👍。芫茜蝦春卷(HK $36)即叫即炸蝦春卷 外皮超脆可口 蝦肉爽口彈牙 唯獨芫茜餡料不夠多🤭。芫茜蝦燒賣(HK $36)成堆芫茜遮住咗粒燒賣😅仲有好大粒蝦添 不過芫茜味太重 搶咗燒賣原有味道 個人認為原始燒賣比較好食🤗。假日點心二人餐(HK$88+$20)煲仔鳳爪排骨飯屬於二人份量 所以比平時嗰啲大煲 不過啲飯完全冇鳳爪排骨香味 似係飯煮好之後先添加上去😟 如果可以米連排骨鳳爪一齊煲熟 咁會好食好多😑。鯪魚釀尖椒尖椒味道較辣 能夠滲透喺鯪魚肉當中 味道不錯。 緣聚蝦餃王 外皮較厚 唔煙韌 蝦肉有雪藏味道 🥺。鮮竹牛肉球鮮竹牛肉球係我食過最差嘅一次👎 冇牛肉味不特止 一夾落去仲要散曬 完全吾彈牙 如果合埋眼食 都唔知自己食緊咩😱。整體而言 緣聚鮮鍋嘅點心水準比較參差 下次都未必會山長水遠再嚟食😵 另外衛生問題須要注意 因為侍應俾我嘅所有碗碟匙羹 都係有污漬 油立立😰 叫佢更換咗幾次 都同樣有呢個問題 最後揀咗好耐先搵到套比較乾淨啲 我再用熱水洗乾淨 先敢用😢 溫馨小提示 所以大家係呢度用餐 《記得 記得 記得 留意清楚呀 》😓。食物:2/10價錢:3/10環境:2/10。緣聚鮮鍋荃灣眾安街55號大鴻輝(荃灣)中心3樓 繼續閱讀
(以上食評乃用戶個人意見 , 並不代表OpenRice之觀點。)
等級4 2021-04-29
863 瀏覽
無窮無盡的加班,放工後跟同事到荃灣吃一個遲來的晚餐,他們食量大又喜歡飲啤酒所以選擇了 Together。一個價錢 可以任食任飲,認識有點像酒店的自助餐,火鍋加料理,CP值高,真係幾吸引。我們先選好湯底,店員帶我們到卡位,可以望街景幾開陽, QR code 下單方便又唔怕漏單,彩色照片方便易明。麻辣鴨血精選湯底我們選擇了刺激的麻辣鴨血,有我最近很喜歡吃的鴨血、豆皮、京蔥、指天椒乾、小米辣椒,味道很濃厚,食物不需要醬料已經很夠味,真係辣得特別開胃。自助區最吸引我們的都是刺身,三文魚、希靈魚、赤蝦、帶子,每次揀三款,都幾新鮮,三文魚厚切有口感,赤蝦有光澤又彈牙。我仲食咗幾件壽司,有我最愛的鰻魚。選擇多不勝數,還有後生仔最愛的炸物、沙律、飲品、甜品。我見到喜歡的食物就攞一件,感覺上好豐富,色彩繽紛!同事任飲生啤,我就喜歡花茶💕汽水和包裝飲品 必有一款啱心水。火鍋配料可以無限追加,也有一些特別款式需要額外收費,只是免費的部份我都已經試不完,款式實在太多了。我覺得有些配料很有創意,推介芋香鴛鴦薯、火鍋麻薯,麻辣火鍋配上有點像湯圓的甜品,有咸有甜,味道幾得意。本來仲想食榴槤水晶丸,可惜售罄。可特別的高湯小籠包,湯汁爆棚。我一向都係餃子皇后,所以食咗好多粟米餃子、高麗菜肉餃子,很滿足!海鮮我要讚一下海蝦,大隻生猛,蝦肉新鮮又彈牙。扇貝鮮甜有彈性。任食靚牛肉我點了美國穀飼肥牛、特級牛肩胛,牛味重,色澤光亮,油花均勻,肉質飽滿,入口柔嫩,牛魔王最愛。最後甜品,幾款不同口味的雪糕球,綠茶味雪糕我要 encore, 仲有新鮮即製乳酪雪糕。總括而言,有驚喜的火鍋自助放題,食飽飽開心滿意的離開,下次加完班之後可以再來幫襯。 繼續閱讀
(以上食評乃用戶個人意見 , 並不代表OpenRice之觀點。)