緣日

而家喺灣仔食lunch 又多個選擇了！全新日韓兩餸飯，前星級米芝連餐廳厨師主理，抵食又好味！全部由星級大廚精心炮製呢！有齊日、韓菜式，＄68/2餸，包埋前菜同主食，真心抵食！本人最推介係佢嘅日式炸雞，加上柚子忌廉cream，真係好開胃，食唔停口，食完又想再食！仲有試咗佢嘅印度天多利烤雞腿大大隻啖啖肉重點係！！完！全！唔！乾！柴！佢連簡單嘅燒粟米菜式都又西京燒又蘋果木煙燻，真係勁有心機同考功夫，整體試左4款餸都唔錯 ，豚肉生薑燒都好好食！（唔好意思，啲餸食完先記得影，影得核突唔好介意😆)本身住灣仔嘅我，而家週末都會落去買兩餸飯做lunch！…Read More

見到KOL post話好好食，又寫住米芝蓮廚師，仲要只係68蚊兩餸飯喺合和商場呢啲高級地方，諗住禮拜六嚟試，點知晏晝話畀我聽兩餸飯已經賣曬！ 於是今朝星期日特登三號風球十二點都過去又試，買到個68蚊嘅飯，餸係佢推薦嘅豚肉生薑燒同埋沙律醬雞粒。夠唔夠食見仁見智，但一打開個飯見到個樣都嚇親。我試咗生薑燒啲豚肉，好乾，雞粒。。。。仲乾！ 炸雞件簡直係恐怖嘅食材，食唔落去，之後我要去麥當勞食多咗個麥樂雞餐。喺灣仔咁多兩餸飯競爭下，我完全唔明佢想點生存。結論：最好食嘅係蘿蔔前菜同白飯…Read More

之前係social media見到爆紅嘅日高級兩餸飯，今次終於去左試啦！主廚曾經係過唔同嘅星級餐廳做過嘢，今次就係合和有個新嘅嘗試，開左間食日韓式兩餸飯，每日都有9個餸+炸雞可以比客人簡~🦦泡泡酸忌廉炸雞炸雞係我已經諗好左一定要試🤣🤣，的確同我諗嘅一樣咁好食。輕盈脆口，加埋面頭啲酸忌廉係一流，雞皮亦唔油膩，冇油king住係入面~肉汁好好咁鎖住，一口咬落去會得到幾種唔同嘅口感，正！🦦蕃茄salsa 紫蘇菠蘿 手打墨魚餅手打墨魚餅係我嘅MVP來🤣，彈牙到不得了，應該可以攞去打乒乓波，兩件唔太夠🤣。外面炸到金黃，咬開中間見到大量嘅墨魚肉同鬚，唔怪之得個口感咁正😗 Salsa 同菠蘿都好fresh，尤其係紫蘇菠蘿從來未試過食呢種味道，個配搭新奇有趣。🦦韓式牛肋牛肋肉都係我嘅最愛😍，肉汁夠晒，應該有落一啲生果嘅汁去煮，食得出有少少清甜味，一口大細啱啱好，蘿白亦係入味到不得了，咬落去全部都吸晒汁，一啲白色都冇🤣，不過係有小小鹹。🦦豚肉生姜燒姜味突出，有微微辣味。如果係好啱姜味(我&fd)嘅呢個餸係💯！淨係個料已經係夠撈碗飯食🤣 豬肉亦都好食，冇左出面豬肉會好韌嘅通病，唔洗用乜力已經咬開左，啱我呢啲唔想咬嘢嘅人~🦦西京燒粟米有濃郁煙燻味道，似係用左蘋果木🤔。表面煎香左，食落有口感，會想食多幾(幾>3)件。如果似呢個價錢來講，食到咁高質嘅餸，真係好難得，亦都食得係用心之作。而我成為左菠蘿打手🤣，如果有淨餸/淨菠蘿買翻去就正了。。。。一定會再衝上合和encore！…Read More