緣份家冰室 (已結業)

【黃大仙區】【緣份家冰室】之前都一而再再而三咁同大家講，有啲餐廳我真係仲想食多一次先寫，奈何我已經冇稿，所以呢啲食得一次，食咗一個餐嘅都要勉強隊出嚟畀大家睇。雖然係千萬個不情願，但係亦都希望大家體諒，明白我嘅苦況同埋難處。嚟到新蒲崗，講到喺 mikiki 對住嗰條街嘅嗰堆食肆，淨係我都已經寫咗三四間。講到咁就梗係未完，要繼續寫，寫到寫晒就睇有冇邊間換咗新嘢然後再寫，咁至係我吖嘛。入到呢間茶記，覺得侍應態度都幾殷切，自己生意咁。叫咗份 $49 嘅「常餐」，個麵可以揀湯底我都唔知，就揀咗「忌廉濃湯」，料就係「蜜汁叉燒」配「米粉」，食落啲叉燒偏靭，不過茶記叉燒係咁架啦，同燒味舖嘅係有分別。連埋啲米粉我覺得係可以嘅，係有啲屋企 feel 嘅。跟住到配菜嘅「火腿奄烈」同「丹麥多士」，前者唔算特別好，正常水準，後者都唔算突出，但係的確係比我想像中嘅好食。餐飲「熱奶茶」中規中矩，冇特別。熱飲唔使加錢之下就係 $49 埋單，我個人覺得係可以嘅。。。（地址：新蒲崗景福街61號地下）#1amfoodie #foodie #hkfoodie #thatfoodiething #hkfood #food #i

食物質量尚算唔錯，餐廳環境都舒服但服務態度完全不能接受，舖門無貼係趟門，正常人因不知情況下就會推或拉，入到舖內已唔好意思，仲姪你一句"小心玻璃"吃完走又姪你一句，又唔係有心…駛唔駛咁。竟然用玻璃吸盤黎做手柄，一洩氣睇幾時揼到腳，所有街坊們入去前停一停捻一捻

好有驚喜的小店首先一坐低就俾靚湯你，飲完就問你仲要唔要食過佢嘅早餐，麵煮得好食，杯飲品都好飲至於午餐，50約蚊的一個set lunch來講，食物質素真係好高，睇得出廚房好有誠意煮今日叫咗家鄉炒米粉，一啲都唔油，足料又夠味，啲米炒係乾身一條條，好有驚喜我朋友叫咗摩羅雞扒飯，即係咖哩汁竟然係炒飯底，仲要係泰國米絕唔係hea炒，塊雞扒煎得好好食，睇得出原材料唔係平價下欄嘢，值得再嚟食小店要加油，keep住高質

在這裡食過幾次早餐，食物質素是不錯的。但侍應態度非常差，最近食弄髒臺叫你以後唔好黎食就無再去過，可能都係茶記通病。早餐的價錢大概$40，有蛋，餐肉，米通，沙爹牛肉和凍飲。烹調時間比一般茶記耐，可能即叫即做。

《外賣》-超驚喜-塊扒有個盒咁大、大過塊面-冇雪藏味-雞扒香脆嫩滑-炒蛋炒得靚-竟然有米通👍🏻，唯個湯太淡-丹麥多士好香-仲有香腸、沙律菜-性價比高-飲品有待改善

星期三和同事去試新野，日弓開正公司對面不妨試下，入去送碗中湯不細碗真係零味精好潤肺。位子不迫舖位細坐得好自在。我倆入座後佢介紹有固定的4款星日午餐 ，但我地冇叫 ， 叫左餐牌裡面的都好多款菜式。我的女同事叫左餐牌上另煮的牛扒餐，她講60幾蚊無可能咁平覺得應該塊扒麻麻地，但係上菜後塊扒望好靚， 我和她都有食，好食吾un無諗過呢個價食到靚牛扒 連吾食牛的我都覺得好食。可配薯菜／飯，仲送西湯及熱飲。我自己叫左餐牌上另煮的京都豬扒飯送熱飲，覺得個汁酸左啲，豬扒都好林好鬆軟，成碟食哂星期五得我一個去，超多人都有位，不過今次叫了枱上的是日午餐其中的京都肉排，上次食係冇的 但係今次吾好食，可能是日午餐係做定哂，上枱不熱，肉排又鞋又硬 ，睇佢都係豬扒位，個汁完全變左，我成碟飯都冇乜食叫左佢星日午餐系列中伏。我覺得可以食多次ga。不過不要選佢是日午餐囉，煮定哂感覺冇咁新鮮。我埋單時出去見到其他人都係冇食佢是日午餐，全部另叫餐牌另煮的。全店應該是家庭式住家飯feel.

新開茶餐廳，第2次幫襯今日叫左40蚊快餐乾炒牛河外賣加一蚊，等大約10分中就有以為呢到40蚊貨會麻麻但攞到返去食係熱辣辣既，味道重要唔差牛肉夠林，易咬河粉夠咸夠味唔過份新開張重要咁平既希望可以做奈啲多個選擇Btw,杯野飲就甜左少少自問好飲得甜野都覺得甜左啲😂

我本來是想在星期六下午光顧「緣份家冰室」，這一間我最初誤會以為在「衍慶街」，後來才發現實際位置在「景福街」，而且平日只營業到下午五時，就會打烊休息的港式茶餐廳。後來我曾經一時大意，誤會以為「緣份家冰室」會在星期六下午營業。結果我在星期六從「西貢」乘坐專綫小巴來到「新蒲崗」，才發現「緣份家冰室」逢星期六就會休息，結果掃興而回。結果我又在翌日，星期日下午再次從「西貢」乘坐專綫小巴來到「新蒲崗」，落車後馬上從「五芳街」轉入「大有街」，再由「大有街」轉入「爵祿街」，最後從「爵祿街」轉入「景福街」，終於看見「緣份家冰室」開門營業。由於「緣份家冰室」不在晚上營業，所以「午餐」跟「下午茶」就名正言順地，成為「緣份家冰室」每日的重要生意收入來源，我進入餐廳後不久，其他享用「下午茶」的食客亦都蜂湧而至，進入餐廳享用「下午茶」。「緣份家冰室」店舖舖位裡面的實際樓底給我感覺頗高，當然「緣份家冰室」店舖樓面也因為沒有裝置「假天花」，所以令「緣份家冰室」店舖內部樓底偏高這個賣點，立刻顯露無遺。我點餐後等候食品期間，看見「緣份家冰室」的天花板，掛着一部感覺頗為懷舊，而且還在不斷運作和轉動的三腳吊扇，三腳吊扇不斷轉