影片
以上資料只供參考, 請與餐廳確認詳情
【黃大仙區】【緣份家冰室】之前都一而再再而三咁同大家講，有啲餐廳我真係仲想食多一次先寫，奈何我已經冇稿，所以呢啲食得一次，食咗一個餐嘅都要勉強隊出嚟畀大家睇。雖然係千萬個不情願，但係亦都希望大家體諒，明白我嘅苦況同埋難處。嚟到新蒲崗，講到喺 mikiki 對住嗰條街嘅嗰堆食肆，淨係我都已經寫咗三四間。講到咁就梗係未完，要繼續寫，寫到寫晒就睇有冇邊間換咗新嘢然後再寫，咁至係我吖嘛。入到呢間茶記，覺得侍應態度都幾殷切，自己生意咁。叫咗份 $49 嘅「常餐」，個麵可以揀湯底我都唔知，就揀咗「忌廉濃湯」，料就係「蜜汁叉燒」配「米粉」，食落啲叉燒偏靭，不過茶記叉燒係咁架啦，同燒味舖嘅係有分別。連埋啲米粉我覺得係可以嘅，係有啲屋企 feel 嘅。跟住到配菜嘅「火腿奄烈」同「丹麥多士」，前者唔算特別好，正常水準，後者都唔算突出，但係的確係比我想像中嘅好食。餐飲「熱奶茶」中規中矩，冇特別。熱飲唔使加錢之下就係 $49 埋單，我個人覺得係可以嘅。。。（地址：新蒲崗景福街61號地下）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am黃大仙區 #鑽石山 #新蒲崗 #緣份家冰室 #常餐 #忌廉濃湯 #蜜汁叉燒米粉 #火腿奄烈 #丹麥多士 #熱奶茶 #1am1042 #1ambackup
繼續閱讀
食物質量尚算唔錯，餐廳環境都舒服但服務態度完全不能接受，舖門無貼係趟門，正常人因不知情況下就會推或拉，入到舖內已唔好意思，仲姪你一句"小心玻璃"吃完走又姪你一句，又唔係有心…駛唔駛咁。竟然用玻璃吸盤黎做手柄，一洩氣睇幾時揼到腳，所有街坊們入去前停一停捻一捻
繼續閱讀
好有驚喜的小店首先一坐低就俾靚湯你，飲完就問你仲要唔要食過佢嘅早餐，麵煮得好食，杯飲品都好飲至於午餐，50約蚊的一個set lunch來講，食物質素真係好高，睇得出廚房好有誠意煮今日叫咗家鄉炒米粉，一啲都唔油，足料又夠味，啲米炒係乾身一條條，好有驚喜我朋友叫咗摩羅雞扒飯，即係咖哩汁竟然係炒飯底，仲要係泰國米絕唔係hea炒，塊雞扒煎得好好食，睇得出原材料唔係平價下欄嘢，值得再嚟食小店要加油，keep住高質
繼續閱讀
在這裡食過幾次早餐，食物質素是不錯的。但侍應態度非常差，最近食弄髒臺叫你以後唔好黎食就無再去過，可能都係茶記通病。早餐的價錢大概$40，有蛋，餐肉，米通，沙爹牛肉和凍飲。烹調時間比一般茶記耐，可能即叫即做。
繼續閱讀
《外賣》-超驚喜-塊扒有個盒咁大、大過塊面-冇雪藏味-雞扒香脆嫩滑-炒蛋炒得靚-竟然有米通👍🏻，唯個湯太淡-丹麥多士好香-仲有香腸、沙律菜-性價比高-飲品有待改善
繼續閱讀