影片
以上資料只供參考, 請與餐廳確認詳情
相關文章
月頭去完馬來西亞🇲🇾返嚟，呢一日又突然間好想食馬拉嘢。咁啱前幾日喺IG得知深水埗有間新開張嚟自吉隆坡嘅食肆，於是放工就同埋老公去食～本身見到餐廳名已經覺得好特別，然後去到見到啲裝修同餐牌，就知餐廳走玩味新潮路線，成間餐廳俾客人一個輕鬆氛圍。叫咗4樣嘢，當中包括一杯飲料同後上嘅甜品～好卵！緊張咖喱麵 ($58)呢度嘅咖喱麵共有五款口味，主要係配料有分別，有花膠、咖喱雞、龍蝦、鮑魚同軟殼蟹等，而我點嘅就係入門款：好卵！緊張咖喱麵。配料包括流心蛋、魚蛋、怡保炸腐竹、豆卜、芽菜同豆角，湯底湯頭夠曬濃，咖喱不太辣，濃郁色香味俱全。麵條用咗油麵同米粉，增加咗口感～最印象深刻嘅係炸腐竹，好大嚿，又香脆，好想多幾嚿😋😋😋百早咖喱雞乾撈 ($88)乾撈麵嘅咖喱汁比湯麵嘅比較稠，配料大同小異，不過多過隻雞腿～雖然味道有濃一點，而麵條亦掛汁，初時吃覺得挺惹味，之後就覺得有點稍膩了～我們二人都較喜歡湯麵版 蜜都混桔-谷氣 冷 ($33)我哋點呢杯其實係桔仔混酸梅混柚子蜜，然後再配上一枝梳打水。熱辣辣嘅天氣飲好正，真係消暑又解渴！斑蘭巴斯克蛋糕 ($48)餐廳嚟自馬拉，既然有斑蘭甜品，又點可以錯過呢～果然無估錯，呢個真係必食推介！斑蘭巴斯克芝士蛋糕嘅斑蘭味好香，好突出，甚至覺得有啲霸道，咁多年嚟都但無試過咁強烈嘅斑蘭味，蛋糕中間口感質地軟滑，係軟心非唔熟嘅流心狀，恰到好處剛剛好。餐廳整體食物質素都唔錯，當日嘅店員主動，充滿熱誠，服務態度好～餐廳仲有其他小食，下次去再試吓😛
繼續閱讀
近日在深水埗汝洲街又多來一個新名字「緊張咖喱麵」，主打馬來風的咖喱麵及特色小食，就趁新開張來踩踩點。裝修是上世紀懷舊風味，簡單樸實，又不乏打卡元素，樓底高，冷氣足，開放式廚房通風做得亦好，值得一讚。餐牌前後兩版，除小食及飲品外，主打五款咖喱麵，四湯一撈，價錢由$58至$288不等，豐儉由人。友善員工極力推介「好卵好膠緊張咖喱麵」，有咖喱雞、花膠、溏心蛋、魚蛋等配料，牌面非常豐富，就先點這個。實物跟餐牌賣相沒差半分，還有怡保炸腐竹、豆角及芽菜作配料，$138非常合理。花膠份量不少，夠入味亦夠軟腍，流心蛋質素比不少日本拉麵店做得還要好。濃湯是滿滿的椰香，小辣程度應該大多數客人都能應付，粗麵條掛湯能力高，吸啜得非常過癮。整體來說，整碗麵沒有要挑剔的地方，也對得起價錢。這裡小食有很多選擇，最吸睛的有「好荽卜卜脆」，以炸腐竹作容器，盛滿蘸麻醬的芫荽，吃得非常過癮，荽迷沒有抗拒的理由。還有一個很值得推介的「沙葛沙律」，沙葛尤如雪梨清爽，特製醬料加芝麻粒，有點像吃腸粉段的調味，夏天吃格外興奮。最後要推介柑桔琵琶膏特飲，出奇地討好，甚至比慣常喝的咸柑桔更好味，既解渴又潤喉，必選！
繼續閱讀
斑蘭蛋糕實在太好味了，忍唔住又嚟食，滑溜帶濃郁的斑蘭香味，好吃！😋酥脆的燒雞翼，配上淡淡的蝦醬，原來都幾夾，可以一試。😙天氣悶熱，加多碗豆腐冷麵，爽口又解膩，不過味道稍為偏淡；咖喱麵原來不是想像中辣，食材包括流心蛋、軟殼蟹(無雞)、魚蛋、怡保炸腐竹、豆卜、芽菜及豆角，食落很濃郁咖喱香味，不錯吃。🤗#好卵好茜卜卜脆豆腐麵 $88#好卵！好雞！緊張咖喱麵 $88#蝦醬雞翼 $58#薏米水 $18#斑蘭葉巴斯克蛋糕 $48#緊張 JinJang OMG地址：深水埗汝州街128號地舖（深水埗地鐵站A2出口）電話：90722788/51770751
繼續閱讀
對星馬菜系有種莫名的好感，每當知道本地有新星馬餐廳開業，總會想去試一試。深水埗好像是馬來餐廳的聚腳地，由蘇媽蘇媽開始，到捌哥捌哥，剛剛開業的，還有緊張咖哩麵。與蘇媽、捌哥等不同，緊張咖哩麵源自吉隆坡，屬真真正正既過江龍。店面是刻意走懷舊風，某些角度看又真有幾分像馬來西亞。舖頭有幾位老闆，有些涉足不同生意，如蛋糕店、香水專門店等，所以緊張的舖內也寄賣些他們的產品。先來碗最基本的咖哩麵，端上來時香氣四溢，呷口湯，濃郁又帶椰香，油麵摻米粉口感豐富，配料是簡單的魚蛋、豆卜及炸腐皮，仲有香港才會採用的流心蛋，不錯吃的。再來些小食，「好荽！卜卜脆」是將怡保的炸腐皮墊底，再舖上芫荽及清爽的汁醬，咬下去口感脆得來帶點煙韌，芫荽味不會過於霸道，整件事感覺好清新。沙葛沙律，即是在馬拉吃到的Rojak。這份Rojak砌得好恭整，沙葛爽甜，伴以不少花生碎及芝麻豐富口感，靈魂在於匣羅惹的汁醬，咸中帶點甜，不是人人接受，我倒是幾欣賞，好多時我去馬拉都會點上一份。甜品就選來一件斑蘭葉巴斯克蛋糕，細滑既質感，斑蘭香得來，亦有好深長的餘韻，要恨蛋糕件頭太細。飲品就要左杯闔家混桔，真身是話梅桔仔水加橙汁，幾清爽涼快，我喜歡！幾有特色既店子，在今時今日既香港已買少見少...
繼續閱讀
之前經過深水埗新開呢間「緊張」，覺得裝修幾型，原來係主打馬拉咖喱麵嘅餐廳，呢次就專登過嚟試吓。呢度嘅咖哩麵有四款湯麵同一款乾撈選擇。湯麵個湯底一樣，麵都係油麵加米粉嘅摻摻，只係因配菜唔同有四個價錢。我㨂咗第二平，即係$88嘅咖喱雞。個湯底飲起嚟幾舒服，濃度適中辣度算有後勁，整體嚟講幾啱我口味。至於配料除咗煮得軟熟嘅咖喱雞肶外，仲有白魚蛋、流心蛋、豆卜、豆角、肥仔芽菜同我好like、相當吸汁嘅怡保炸腐竹。其實個湯底有啲似我喺新加坡食嘅咖喱麵，反而同我喺怡保街頭，食湯上面有一層紅油嘅咖喱麵品種唔同。搵一位貌似老闆嘅店員問吓，佢話佢哋個門派冇落咖喱油，所以唔會紅色一片，仲同我講我食嘅係預設辣度，對上可選擇更辣同超辣兩級。飲品方面，我點咗杯「淨混桔」，即係有醃桔仔同酸梅嘅桔仔水，唔太甜，酸酸哋幾開胃。另外叫多件班蘭葉巴斯克蛋糕。色水唔錯，只計件巴斯克蛋糕喺好食嘅，但班蘭葉味就唔太突出囉。埋單連加一合共$186，其實唔平，但食物質素係唔錯嘅。講番店名，原來老闆老家來自吉隆坡華人聚居地之一嘅增江區，馬拉話叫Jinjang，同普通話「緊張」個音差唔多，而咖喱麵正係當地嘅特色美食。
繼續閱讀