維記咖啡

營業中

休息中

幾年未嚟過，今日去深水埗買布，順道上嚟維記食個下午茶， 人物依舊🥰，食物水準仍然保持高質，比出面好多冰廳好食. 公司三文治：$41～三文治的餡料有午餐肉，火腿，雞蛋，蕃茄，生菜. 麵包烘得好香口，同餡料非常配合， 要比個大Like 佢👍.～凍奶茶吉列豬扒配薯條：$37～豬扒厚厚，唔會醃到好鹹，麵包糠脆脆，炸完後的豬扒唔會太乾身，師傅手勢真係一流😋. 配上我最喜愛的粗身薯條，簡直食到停唔到口. ～熱檸茶老板和落單姐姐好有禮貌及友善，咁多年都無變. 今日重臨舊地，食到好味嘅下午茶餐，個人即刻開心晒😁

#維記咖啡好耐之前曾經來過依度食下午茶公司治，當時覺得好正，仲話對佢既炒粉麵都有信心。事隔幾個月，今日終於有機會再來食，因為本身想去果間冇開，可能已經執咗🤔一定係叫 #乾炒牛河 #凍檸茶 ，加埋$47。先送一大碗例湯，慣例係清湯，不過飲落味都夠，唔算好味精，而且好夠熱👍檸茶夠晒香濃，好有茶香味，非常好👍牛河份量都唔小，牛肉比得夠多，而且幾大塊，肉質嫩滑，好食❤️ 河粉色水味道都夠，唔會過咸，熱度都可以接受。稍嫌河粉比較碎，有1部分比較難夾。$47 大碟牛河送湯加凍飲，係區內唔算驚喜平，不過都算抵食。維記咖啡深水埗北河街市政大廈3樓熟食市場

【#熟食中心】#維記咖啡上個星期食過一份下午茶既 #公司三文治 ，又貴又唔好食😩 當時我分享到關注組，問咗一個問題：係咪冇可能食到脆口既公司治🤔咁啱留意到我最欣賞既網友帆哥介紹依間係北河街街市既維記，剛好下午茶餐牌公司治只係$36，而且凍飲加$1😊決定去試一次，得就以小博大，唔得成本唔高冇野輸。結果試出彩虹♥ 一睇賣相已知好野，細細件啱晒下午茶口味，拿拿聲影完相即係食，係仲有少少脆😄😄材料都係有餐肉火腿雞蛋蕃茄生菜等，食到最後一件先冇脆口感，不過麵包唔會 韌，所以都唔會覺得難食。#凍檸茶 有茶香，好飲👍不論食肆性質同地區都唔可以直接比較價錢，但工藝可以。公司治絕對係一件心機虛品，冇心做既一定難食。單係今次依個出品，我就依間店好有信心，會繼續試其他👍推介指數：7.5/10維記咖啡深水埗北河街市政大廈3樓熟食市場@foodiehck2022 #港飲港食平靚正 #海南雞皇YouTube #深水埗美食 #北河街街市 #小店 #抵食 #下午茶

同仔仔黎玩具街買玩具，經過維記，仔仔話肚餓！好啦，同佢入去食維記牛通，奶油多，我仔係第一次食！一食佢就停唔到口了！牛通依然有水準，個湯好有牛肉味，雖然加左薑，但就食唔出好大陣薑味，呢個湯底好甜好好食！奶油多，味道非常好，厚厚嘅牛油配以煉奶，方包係厚切，不是薄片，味道好好，牛油味燶，食一啖係停唔到口，減緊肥都要食！仔仔食哂先比我影相，哈哈！

由細食到大的豬潤牛肉麵，今次事隔左一段時間再嚟，我覺得好像無以前咁好食。。好像求其左，亦好似比以前小人左，可能同一條街已經有太多好食嘅選擇。但兒時的感覺又不能忘記嘅。

下午茶餐單，同午餐餐單。午餐常餐都係30元，深水埗先有呢個價。典形常餐，凍今加1元，共31元。叫左雪菜肉絲通粉，凍奶茶，火煺奄列，牛油方包。唔難食的常餐，奶茶茶濃！

例湯，味道不算太濃，明明阿姐問要不要例湯的時候，我只說「要少許吧」，來到還是這麼大碗。幸好，沒有什麼味精，以餐廳例湯來說算濃味而沒混水。熟食市場冷氣又足夠，不錯。泰式豬頸肉飯，將豬頸肉和白飯分開上。其實是將豬頸肉切片，再混和了泰式辣醬去炒一下，不知為什麼，這碟餸的底下好像很多水，除了這項之外，其他都不錯，而豬頸肉還有點兒鑊氣，而且份量較多。凍檸茶，大大杯，味道普通，茶味不算濃郁，不太值得回味。就只是抵食夾大件，否則沒甚麼值得來。

跟好友在深水埗閒逛，之前見到網上介紹北河街熟食市場剛於上月完成翻新工程，所以我叫好友帶我試吓~~~好友帶我試A版維記，在該區長大的他曾經有段時間經常到熟食市場用餐，但近年少咗，當佢見到翻新後的熟食市場都覺得真係環境好咗好多~~~不過經我細心留意，原來舖內範圍係冇翻新，只係大堂座位、牆身和天花等翻新咗而已~~~我地就食咗下午茶~~~A貨豬膶麵看起來賣相不錯~~~奶油多好好食，但著條唔夠靚~~~下次有機會試吓其他檔口的美食

前幾日他於lunch time傳來維記豬膶麵的相, 竟然一個人由灣仔走到深水埗食麵?! 可惡!!  引得我這個星期日忍不住來了。由住處駕車來, 10分鐘多啲。星期日來, 預咗排隊, 不知道何時開始變為取票等位, 進步了。坐下即點了餐蛋豬膶麵, 湯底十分鮮甜!  豬膶薄薄的, 易入口。餐肉厚厚的有口感, 蛋好有蛋味, 不錯。他說這兒的奶茶都很不錯, 各位可以試試哦!

本來食開樓下地舖的茶餐廳, 貪佢方便有位泊嘛, 點知今日到就見佢執左... 於是就走上北河街街市搵食喇.上到黎見有乜人, 可能因為下午茶時段就過啦, 好在老細話做埋我地生意啫睇完餐牌, 我叫左個精美午餐: 沙嗲牛肉麵, 火腿奄列, 方包烘底, 飲茶奶茶.即叫即整真係好味道, 多士夠熱夠脆, 仲有牛油香, 奄列熱辣辣, 不過唔算滑.沙嗲牛麵湯底夠味, 牛有咬口有 d 韌, 麵質不錯唔太淋.奶茶茶味夠濃, 唔澀口, 不錯不錯.

平時都去開另一間維記, 今日懶就近近地去街市樓上食就算.同樣叫左豬潤牛麵, 此店既水準真係一時時.今次既豬潤好似煮得過熟,有點硬.幸好係牛肉都算滑唔鞋口.希望食店唔好因為人流多, 而忽略品質控制.

每一次黎維記都唔敢 Lunch Time，因為由12:30 開始就要排隊，而家重要係夏天時份，幾想食吓個豬潤麵都要忍到2:00 後先去，嘻嘻，今日就2:30先去，但都只係得番少少位，好彩我哋兩個人，點都迫迫哋迫入去坐底先，大家都咁熟所以都唔洗點招待我哋，一黎就叫左個餐潤麵同餐腸米，都係好快的一碗滿到瀉咁濟的餐潤米到先，係我今日比較肚餓定係比少左啲米粉呢，食完都好似唔係好飽咁……往日啲米粉同豬潤都係食極都食唔完，可能維記都逃唔過通脹問題，比少左啲料…..不過無論如何我都係支持維記，事關香港啲哋道嘢真係買少見少，咁如果個老闆見到呢篇文章都可以改善一吓，好食又有特色的舖頭要支持住呀，加少少價我都唔介意，希望可以重拾番昔日食極都食唔完的感覺就最好喇！

同媽媽去深水埗食野媽媽介紹去呢間一上度去 見到個得一隻手既男人殷勤揮手應該係過往有咩戰績係度隱居掛....我叫左肉片飯 媽媽都係食套飯自問食量不淺 但係黎度真係"哇"左聲真係有2碗飯 而且肉片勁多 個獻汁鋪晒成個飯推介樣野 凍OT 係好好飲 比起著名茶餐廳酒樓有過之而無不及有嘢食除左追求味道之外 分量都係好重要分量驚人而且味道都做到一般茶餐廳水準之上去邊到揾?個日就捧住個勁飽既肚番屋企推介:食物:佢套飯日日唔同 真係冇咩推介 反正樣樣分量都咁驚水 飲品:凍OT

下午四點一條友上去熟食中心看下有咩食，揀了維記，好多野揀，但有些好似想收，咖哩雞粒炒飯，送湯，多渣，正，飯少許辣，多菠蘿粒，即叫即炒，鑊氣夠，坐就麻麻地，尼度勝在便靚正，選擇多。

這裡可以說是我地lunch嘅飯堂, breadfast 在隔離, 平日D午餐都唔錯, 又抵, 味精唔算重, $24 有湯, 飯, 餸(分開上) & 啡/茶, (基本上檔檔都一樣價錢), 炒飯 & 炒麫都好過好多地方. 試過成班人食小菜, 在樓下街市買嘢加工, 蒸魚timing 很好(自來料), 只是豉油太甜, 豉油皇蝦(自來料)好過多酒樓, 椒鹽鮮魷 - 正. 地方就真係嘛嘛, 唔介意都值得一試嘅!