維港魚蛋麵小廚

營業中

休息中

叫左兩個撈麵餐，一個炸醬撈麵，麵係凍的，炸醬變壞了，一個雲吞撈麵，雲吞勁難食，杯凍奶茶是苦澀，仲要聽住個勁粗口嘅女店員同其他人背後閙老闆，嘈到爆炸，以後都唔會再幫襯

剛剛調職此區，搵地方食午餐係一個大難題，幸好，友人介紹此平民餐廳...地方尚算整齊，女待應很勤快...點叫： 魚蛋酸辣米線，份量不算大，味道出乎意料之外的好。酸辣味道適中，易入口。魚旦魚片ok ，米缐尚算滑溜溜...附送熱檬茶，$52 ! 在區內算平價！

早兩晚去開跑馬地，隨意地揀咗呢間食店，叫咗一碗水餃𧐢油撈麵（$48），我以為人流唔多，食物會好快上枱，結果等了10幾分鐘左右，湯水餃同撈麵係分開上，水餃大概有4-5隻，味道麻麻，而且碗湯味道好怪，色水亦唔開胃。撈麵都好強烈梘水味，整體來說，一定唔會再幫襯，食物感受得出完全無heart。

跑馬地好多都係高級食市，想揾間平平地嘅茶記都比較困難，高級住宅區，啲人都非富則貴，平民比較少，可能就係呢個原因所以平民茶記都比較少選擇，但我依個平民又點會放棄呢，到處尋找"平"靚"正"嘅食物，為求同大家分享。今次就黎到依間維港魚蛋麵小㕑。需然佢個名係魚蛋麵，但我地又無諗過叫麵食喎，記得之前係麥兆記嘅慘痛經歷，所以我地當然係叫飯食喇。最後叫左個快餐，黑椒牛脷飯，份量都算大碟，有5塊牛脷，但一啲都唔薄，咬落去爽口，辣度適中。再送個例湯，不過味精重手左啲，飲到好口乾。兩個人食，係跑馬地區，一人50埋單都可以了，當然可能還有更好的，等我們慢慢發掘啦。

這間食店是跑馬地其中一間食店，裝修普通、食物普通、服務都好普通。其實我經常會光顧，因為這間食店如果外賣自取，可以有九折，變相就比其他食店平很多，除有飲品送外，還會額外多一個例湯，那就更抵食。所以我一直覺得就算唔太好食，都唔介意，因為平價飯餐，唔可以要求太多。但今次真係好難唔令我寫食評，這間食店每日都有唔同款的例牌午餐，今日本人想食一點酸味的食物，所以就選擇了鎮江豬軟骨，本來本人都非常期待，外賣返公司後，一打開飯盒，那股醋味真是轉播到公司每個角落，同事都話很難想像，一定好酸，我吃了幾口，自己都頂唔順，最後都掉左，這間食店落酸醋，太重手。豬軟骨又一點都唔軟，石頭一樣，我決定以後到這間食店都唔會選擇重口味的食物，太恐怖。

今日八號風球，諗住近近地落街食個快飯就閃人，於是入咗呢間野。睇完一輪menu後嗌咗個豉汁蒸鯇魚。個例湯正正常常，魚同飯望落都靚靚仔仔，但食食下個口感就開始怪，啲魚肉脆嘅喂。望真啲，勁呀，成半舊魚都係完完全全生嘅。個人對於一間餐廳最基求嘅要求係將食物煮熟，然後先係好味。 呢間餐廳成功令我食到成世都未食過、咁生嘅蒸鯇魚，仲要一句唔好意思都冇。好想有相比大家睇下，但太震驚唔記得影，希望今晚唔會肚屙。呀仲有，呢間野味精好重手，依家好頸渴。

嗌左個外賣，同餐廳都唔係話好遠路程，我諗3分鐘左右，等左大半個鐘到問下伙計出左鋪未，想知大約要幾耐到，接電話果個一開始同我遊花園，講話「佢出左去啦，要幾耐唔知呢~」我追問之下，聽到佢地對答知到佢未出去，你水我都唔緊要，最火係佢上到黎燥我話唔洗打黎吹單，我平心靜氣話想了解下，佢又燥我話唔洗黎了解，我曬左個冧，佢轉個頭口噏噏左幾句，價錢又唔係平，食物就真係一般啦，嗌左個公司三文治同魚蛋麵，外賣盛惠$89，三文治仲係暖👍🏼魚蛋麵就鹼水味幾重，麵質一般，冇下次

午膳於維港魚蛋麵小廚，茶記格局，餐桌餐具衛生情況OK，但地面明顯有垃圾，需留意。一碗雲呑麵，有五粒雲吞，調味稍鹹，蝦肉鮮彈度普通。麵質口感稍腍彈性可加強。凍奶茶茶香奶味未見特別出色，口味稍甜。

這天和男朋友行逛一下跑馬地，到7:00便找間食肆晚飯。但大部份於跑馬地的食肆一個人$100好基本，但我們想經濟一點，便來到成和道下方的茶餐廳，在2選1下，我們選擇了維港小廚。一看到門口有個易拉架寫著"經濟晚飯小菜套餐"便吸引了，停下來看看有什麼小菜選擇，男朋友一看到梅菜扣肉煲便選了這間。這裡的小菜套餐包括1人套餐$52, 2人套餐$118，2人套餐比1人套餐多1個油菜。套餐有廿多款小菜可以選擇，包飯及湯或茶。另有4人套餐，會多一個湯羹。我們點了2個1人套餐，點了梅菜扣肉煲及西蘭花炒鮮魷。先來碗餐湯，是西洋菜煲豬骨。都幾甜，個味算濃，不太喝到有味精味，但味道這麼濃應有味精吧。但都足料，有大舊豬骨，喝完也不口渴，都OK。之後上了西蘭花鮮魷。西蘭花吸了汁，很好味~ 但有數舊西蘭花有點苦，可能來貨不太靚。而鮮魷味道較淡，而且有點韌，應是不夠新鮮。但整體味道OK。而梅菜扣肉煲則有驚喜。扣肉肥瘦比例適中，入口即溶，感覺不算很膩。吸哂梅菜汁，很好送飯。它是一層扣肉一層梅菜，底層有西蘭花墊底，份量剛好吃哂。底層的汁可能因為梅菜出了水? 所以不算杰，感覺又不是太油.... 連我這個不吃肥膏的也吃了一舊，

到跑馬地與友人摸酒杯底,因為時間關係,決定買點外賣就成,美女友人I說成和道的那茶餐廳的墨魚波河好好吃,好吧,一同買個4人份,最後一碗魚蛋河,2碗墨魚波河,一碗墨魚波雲吞麵,一客淨雲吞還有2份菜就成點了墨魚丸河,鮮蝦雲吞,魚旦河和菜等食物我點的!腐乳通菜,太少腐乳,不過吃下去沒有過熟,好味的前面是墨魚丸河,後面是鮮蝦雲吞;墨魚丸不是丸,比較似一件墨魚滑湯底用上了奶白色的魚湯,沒有很濃的魚味,但很鮮味,不錯的一道鮮蝦雲吞不是很大粒,但一碗7-8粒,皮不是太厚,一咬下去有豬肉和鮮蝦,鮮蝦彈牙,加上一點辣椒油,吃下過很過癮的一道可惜,侍者沒有給我們辣油,最後還是友人跑回店問要的!跑馬地這個價位吃到這樣美味的墨魚丸河和鮮蝦雲吞,真滿足

好老實-..-跑馬地食肆真係愈來愈少...睇住呢1-2年執左好多間...以前都話有少少宵夜時段開門既店舖...而家就得番老麥..夜少選擇都好少其實...多人都話可以上下市政大樓..or 小菜館...2個人唔想食老麥 真係r晒頭...冇計啦...唯有食茶餐廳喇..本身想去旁邊個間...但阿媽鍾意呢間有魚湯既魚蛋粉麵食 所以入左去....入到去個陣 冇乜人..但見侍應好忙碌...原來做緊好多外賣...我地選左卡位座..舒服d...拿起餐牌都見好多野食.....而阿媽馬上諗到食魚蛋麵 + 多個剩水餃, 個d係廣東水餃 黃皮個隻..我唔太鍾意...我鍾意北方水餃多d而我呢 不嬲唔係幾鍾意 魚蛋粉麵, 所以我選飯餐食..晚市飯都好多選擇..而我少食煲仔..於是叫左個梅菜扣肉煲....魚蛋麵先上..魚湯關係所以奶白食..老媽子急不及待 加醋加辣醬食...d味傳過來都好可怕...水餃接著上... 佢話魚蛋幾蛋牙魚片都好香...我試一試又ok 既...個水餃就同出面d差唔多--唔覺得有咩特別...d餡我就真係麻麻...再來飯既例湯, 赤小豆粉煲仔就等左10分鐘先上...一上當然滾熱..打去都好香...

於附近找地方吃晚飯，由於想有較多不同的選擇，經過這裡見到好像頗多種類選擇，所以便進去坐了。進去初的時候客人不多，不過再夜點就有頗多附近的住客來吃了。這餐廳有多款選擇，茶餐廳應有的它也有，它有很多一人二人小菜套餐和炒飯麵等等。我們叫了兩個小菜，分別是咸蛋蒸肉餅和芥蘭炒魚崧。它的小菜套餐跟飯或魚湯米線，然後還有一個例湯或茶。例湯是西洋菜煲豬骨，相當大碗。而且它有很多材料，那些材料還可做餸呢! 感覺這湯是真材實料煲的，絕不是味精湯，因為味道很清，不過喝完已飽了一部分了。魚湯米線感覺它的魚湯真的挺好，超鮮魚味，不過就比較少，如果湯再多些就好了。小菜是家常般的，但味道非常不錯。咸蛋蒸肉餅感覺很滑，而且很有肉味，內還有馬蹄等等，吃落特別爽口，不過感覺油多了點點，但是好吃的，不會只有鹹味。芥蘭炒魚崧相反是較清淡的一味菜，芥蘭算很青綠，既爽口也不苦。魚崧味口偏淡，一點腥味也沒有，炸過的有少少香口，也是不錯的。這裡的份量也不少，而且味道也不差，大家可以一試呀。

兩個晚餐,$45@有一湯, 一餸, 一飯/米線牛腩煲and栗米班塊味道普通.另叫左一個雲吞魚蛋面, $25份量唔多.味道普通, 因為佢話係招牌食品, 所以覺得失望.

「Openrice星期五」的最後一餐，就是跟眾食友去畫山水畫前的晚餐，因為要爭取時間落筆畫畫，所以就求其就手選了這間茶餐廳來吃，最緊要快同就手。又因為遲到，食友已打點了吃的，一坐下就有得吃。打頭陣的是兩個米線，魚腐及蠔油秀珍菇，不過主角還是那個魚湯底。看了這裡的單張才知，原來這裡的魚湯也是招牌菜色之一，喝落偏鹹了一點，席上食友打趣說可能「聚火」一點，都有魚鮮味，比早前在魚米家喝到那個淡淡的魚湯還好。魚腐也不錯，口感剛剛好又有魚的味道；再來是兩個煲仔菜，分別是沙爹牛肉粉絲煲及魚雲煲。沙爹牛肉是平平無奇，不過在座食友卻喜歡其下了菠蘿，沙爹牛肉加了菠蘿，又真的有點奇怪；魚雲煲就幾香，有大量的蔥段墊底，魚雲走過油再炆，都幾香口，但可吃的部份不多，還好我喜歡啃骨，也不錯。埋單145蚊，5個人都夠食，都幾經濟。