影片
以上資料只供參考, 請與餐廳確認詳情
招牌菜
由細到大都好鍾意食綠野仙踪，但佢搬左之後有一段時間都沒再食過了，因為以為佢執左 今次係openrice見到原來香港仔仲有，二話不說就起行去食個tea！首先新竹米粉，個湯完全無味，因為我覺得佢d湯只係熱水而唯一既味道就係黎自照燒雞排既汁，所以就算攪埋哂一齊都係只有好淡既味道，寧願佢一開結分開上…米粉還好！照燒雞排整得岩岩好 ，雞肉好嫩雞皮就好脆，正！所以整體還算滿意啦！ 之後就芝麻雞肉配薯蓉 個汁係有d似燒汁，都係甜甜地，但入面有種咸既味道，very good！但雞翼最入面未熟哂 只可以話d汁好好味！ 薯蓉方面佢仲加左d蒜蓉 蒜蓉係生蒜蓉，所以食落有少少辣 但又唔會搶哂薯蓉d味！算係唔錯既配搭 最後見佢個餐牌上面有香辣薯皮，e？岩我喎，即刻嗌左個！點知黎到之後佢竟然係。。。。。周街小食店都有得買既薯角！ 如果我要食薯角既話我就唔洗黎呢度食啦，退一萬步講，就當佢真係薯皮，佢都唔辣啦！真係好sad 薯角唔脆，而且味道好似翻炸咁 以前綠野仙踪未搬既時侯我差唔多一個星期食3次，而加搬左之後，餐牌唔同哂，食物水準下降，果然往事只能回味
繼續閱讀
都幾鍾意食台灣野，又鍾意飲珍珠奶茶。不過自從知道飲珍珠奶茶既用料唔好後都飲少好多，係食台灣野時叫返杯黎飲下，咬下珍珠。香港仔得一間食台灣野，開左N年喇，由我讀書時就開始食，不過出黎做野後就少左黎。尋晚又黎食，見到有樣野叫“獅子麵”，問下店員咩叫獅子麵，原來唔係麵既問題，獅子係代表“大”既意思！要左一個獅子麵套餐，一個獅子麵，2個小食，2杯野飲，都係$ 118 only！飲品要左蜂蜜綠茶加珍珠（+$3）同熱珍珠奶茶（+$3），珍珠夠煙韌，奶茶就甜左D，蜂蜜綠茶就正常甜度適中。台式食品好多時都有煎炸，飲返杯透心涼飲品，正！ 小食1: 香辣燒賣仔 ---哇，好辣呀，個汁係麻辣唔係香辣，正常黎講應該要點先辣，但上到枱時D燒賣已經浸左落辣醬喇，好辣呀，燒賣係比一般街邊貨色好些少，咬落唔起粉，有成10粒算多。小食2：紫菜煎素鵝---一上枱我見好油，所以我無食，但我朋友話都煎得幾香口，表層脆，入面夠熱夠厚身有咬口。主菜到：雜錦肥牛蕃茄湯底接麵 一上枱見嚇親，因為真係好大呢！影相都反應唔到實際有幾大，有隻飯碗響側邊就可比較到，獅子麵既碗直徑有三個飯碗咁大，雜錦底就已經有金菇、菜、餃子、雲耳、蟹柳等配菜再加埋肥牛就好豐富，麵底可以選拉麵、烏東、米線，仲有一隻蛋（生既）喜歡蕃茄湯底，感覺健康D，呢個湯見到一舊舊蕃茄都算鮮甜，拉麵質感一般，唔彈牙，到最後兩個人係食唔曬D麵既，不過都清曬配料，最後係飽住肚走人，埋單$124，呢個價有野飲有小食有麵算幾好喇，有時簡簡單單食個快餐呢度都ok！.
繼續閱讀
去完海洋公園後好即慶咁出左香港仔食飯..去左食綠野仙蹤...都好耐冇食過啦...我地2個人食左2個扒餐..我食左個雜扒..都幾大件架..一個女仔未必食得晒..同埋都幾油..所以都真係幾飽..係普通茶餐廳水準既雜扒..唔係難食..又唔係特別好好味咁啦..唔會要特登黎食..不過又唔算差..價錢黎講都算幾抵..因為都真係幾大件..如果2個人叫一個扒..share既話應該都岩岩好夠飽..如果呢度飲野可以平d就更加好啦..因為我地叫果個扒餐如果想加特飲既話都幾貴架..
繼續閱讀
態度差到爆要叫好耐都冇人應我叫既火鍋小左啲火鍋料一睇就睇得出啦係呢間餐廳食開火鍋知架MA我仲專登囉個餐牌黎對番囉一對之下無左好多火鍋料囉之後我叫個樓面姐姐黎同佢講小左啲火鍋料和我仲用個餐牌對比佢睇囉佢只係話買哂囉買哂唔係應該一早講既咩點解個火鍋料黎左都唔講既呢要我出聲先比第二啲火鍋料我囉真係好離譜呀一個字...差以後唔會黎食野離譜的
繼續閱讀
好耐冇黎呢度食飯了，今日與男友一齊由元朗出發黎到香港仔店...我由中學時期開始食-屯門店、食到出黎做野-灣仔店、香港仔店及西環店每一次黎，我都只會食肉燥茄子菜飯，每次都忍唔住口，連減梗肥都唔記得將飯食晒...不過今次...真係好失望坐低後落單，飲品好快就送上男友點左凍薄荷朱古力(已知台式飲品偏甜，所以已經叫左少甜)，但對嗜甜的我黎講，也很難再入口我就點左奶茶bingo，反而味道還可以，不會太甜...食物起碼最少等了15 -20分鐘，眼看四週的客人都追單男友嘗試追單，誰不知那位男生是否trainee 關係...竟然唔比反應就行開左去好彩有位女生還好補飛(不過都冇幫助~依然係等...)我的肉燥茄子菜飯到了，跟以前完全兩回事1.點解菜飯好地地要加入紅米?!2.以前d 肉燥本身較乾身及惹味，但係..今次竟然係濕同味道完全唔同以前3.茄子...竟然好似係無炒過，白烚的樣...總括黎講，好失望...因為一心諗住好耐無食我最愛嘅飯，先搭出黎咁遠去食，最後我係食剩好多的...另外，我男友食的咖哩焗豬扒飯，豬扒偏鹹...(其實本身都冇咩期望~因為呢間係台式餐廳，所以冇咁失望)食完今餐，男友第一句就話"以後唔使再出黎咁遠食啦"唉...其實係咪轉左廚師定還是轉左老闆呢?可唔可點復以前一樣咁好味呀?我仲想再食呀
繼續閱讀