影片
開飯介紹
第一家綠茶餐廳於2008年開設於杭州西子湖畔一片美麗的龍井茶園中，故而得名。如今，綠茶集團已經在全球擁有約500家直營門店，並於2025年5月在香港交易所成功上市。在香港地區，我們邀請到米芝蓮名廚俞斌先生擔任首席顧問，為食客展現其獨有的「⼀⼿煙⽕，⼀⼿藝術」的浙菜美學。
繼續閱讀
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
有關獎賞計劃
。O小姐。午後綠茶。日常。成日睇小說，都會講話綠茶👩🏻 點知朋友竟然話放假甘得閒，不如一齊去「綠茶」食飯，我心諗唔係嘛，但係朋友叫到冇理由唔去㗎嘛，點知呢間綠茶又比咗唔少驚喜我。我哋呢啲早食飯嘅人，五點幾就已經到咗，餐廳唔係最繁忙嘅時間，所以可以揀喺窗邊🤭龍井烤雞係必試之選，雞皮香脆，肉質嫩滑，仲有淡淡茶香，好有層次，必食推介！齋菜碎肉千張包就算唔食齋都會鍾意，千張包皮薄，入面嘅素碎肉鹹香有口感，食落清新無負擔。土豆芝士塔外層脆卜卜，內裡軟滑芝士唔會太膩，好啱開胃。鍾意食芝士嘅話，我覺得可以試一試。最意外係蝦湯泡飯，湯底夠濃夠鮮，飯吸晒湯，啖啖都好滿足。仲有面面脆脆，食落好有口感。最後嘅暴打鳳梨茶唔單止個名有趣，飲落仲好清甜，啱晒食完正餐後飲返杯。重點係打卡嗰隻熊仔啊😆整體嚟講，綠茶係一間我覺得幾有江南風嘅餐廳，啲菜式有創意又唔失水準，如果想過一個悠閒嘅食飯時間，我覺得可以過嚟，值得推介。
繼續閱讀
最近去希慎廣場行街，見到「綠茶餐廳」座無虛席，仲有唔少人排隊，餐廳有貼心提供食水、薄荷糖給等候嘅客人，當刻我都心血來潮好想試下依間江浙菜餐廳，得知佢係由杭州米芝蓮星級名廚俞斌擔任首席顧問嘅，店內古色古香嘅裝潢，加上內有山水畫裝飾，令餐廳充滿中國古代氣息，店員全部身穿傳統中國服，而門外更有身穿古裝女子在彈奏古箏，不得不盡顯江南風情，在此風情萬種下，餐廳環境好有氣氛。*此餐廳收取加一服務費。蔥香脆皮烤鴨（單點$128），鴨皮口感香脆，食落透薄不油，鴨肉肉質嫩滑、帶有軟骨，食落好Juicy，配以香蔥、醬汁食用，食落好香口。南乳醉鮑魚（單點$98），薄切醉鮑魚口感軟腍，味道鮮甜、帶點酒香，配以紫洋蔥食用，味道清爽。蕭山蘿蔔乾炒飯（單點$58），菜脯口感爽脆，味道鹹香，內有紅蘿蔔、粟米、青豆，炒飯粒粒分明，食落帶有醬油味道。茶香奶凍（單點$28），茶香Crème Brûlée，表面鋪有藍莓，焦糖口感薄脆，食落帶點焦香味道，奶凍口感入口即化，茶味、蛋味濃郁。西湖雷峰塔（單點$28），外型為杭州西湖十景雷峰塔造型，採用鮮山藥、純牛奶製作奶凍，奶味濃厚，略嫌口感嚡身、粗糙，醬汁味道帶酸、有點奇怪。龍井綠茶（兩人$24），茶味濃香。
繼續閱讀
東坡肉（98hkd）平時好少食東坡肉嘅我見係香港限定都想試一試，東坡肉嘅靈魂係上面連皮嘅肥膏，入口即化，肥瘦相間，附上白飯，太了解干飯人的心意了🤣綠茶蔥香烤豬頸肉（108hkd）豬頸肉不鞋口，邊邊燒到微焦，做到外脆內嫩，底下除左張吸油紙之外仲有茶葉，食嘅時候有淡淡嘅茶香，推薦👍🏻麵包誘惑（68hkd）每次返深圳食都一定會點，絕佳嘅冰火組合，但我竟然覺得香港呢間做得好食啲，麵包磚更加香牛油味同埋更濕潤三色雞絲涼麵（48hkd）雞絲切得好幼細，三色涼麵顏色鮮艷好美靚，醋嘅酸味好突出，少少辣，拌埋花生碎增加不同層次和口感，做開胃涼菜一流整體上好還原到大陸嘅綠茶餐廳，啱我口味～
繼續閱讀
「九曲紅梅」茶香清雅，為晚餐揭開序幕。「雞汁黃魚」湯鮮肉嫩，雞湯與魚鮮完美交融；「砂鍋西施豆腐」嫩滑入味，簡單中見真章；「綠茶蛋蒸肉」以茶香解膩，蒸蛋滑溜、肉餅鬆化，傳統中見新意。這頓飯最難得是將平凡食材做出不平凡滋味，每道菜都體現「粗料精做」的烹飪哲學。廚師以細膩手法演繹家常菜，既保留傳統風味，又注入巧思，讓人回味的不僅是食物，更是那份用心與溫度。簡簡單單四道菜，卻吃出了滿滿的誠意與功夫。非常值得推介的餐廳。
繼續閱讀
講到食中菜有陣時我都會係銅鑼灣搵下特色野食今次要為大家介紹既係 - 綠茶餐廳綠茶餐廳係位於銅鑼灣軒尼詩道500號希慎廣場12樓1202號舖餐廳成個環境開揚而且佢門口仲有人彈古箏食物個方面 佢地有好多特色野食個人大愛佢地個龍井烤雞佢個烤雞茶味好香濃而且食落個雞好嫩滑Location : Causeway BayPrice : $200-$350/p.pEnvironment (10 is chill): 7/10Yummy (10 is delicious): 7/10
繼續閱讀