綠茶餐廳 (創紀之城五期(apm))

營業中

休息中

收工同老婆去觀塘 APM 撐枱腳，發現咗有間叫綠茶既餐廳裝潢非常特別，睇過menu後價錢有公道，就入去試一試！估唔到餐廳入面更加有特色，而餐具都帶有主題感覺，畀人有個煥然一新嘅feel頭盤先來個南乳醉鮑魚，主要係畀個名吸引咗，100蚊都唔使可以食到個醉鮑魚，醬汁唔會過路而蓋過鮑魚的鮮味，廚師功夫到家，鮑魚切到薄片，咬起上來容易吃！點了個麵餅醬香五花肉，在外面吃飯應該點一些家裏做不到的菜式，五花肉炸過後香脆可口，麵餅及醬料包裹著五花肉，一咬後五花肉內的油分與麵餅結合起上嚟十分match，很有特色的一道菜！葱香脆皮烤鴨，這道菜是老婆所點的，起初我十分擔心會否像廣式燒味，吃過後原來有另一番風味，香蔥配上炸洋紅蔥醬，成為烤鴨的配料，將烤鴨味道提升！juicy 鮮嫩烤鴨，每一口都充滿著蔥香，配飯簡直一流！happy ending 來份綠茶餅，這是熱食的甜品，綠茶餅內果著芋泥，甜而不漏，飽肚感也很強！餐廳菜式特別，無論擺盤及味道，加上環境服務，以及優惠價格，必定會有下次！

媽媽經常抱怨我自私食，這天帶她到apm走走，吃吃喝喝。在商場內發現「綠茶餐廳」，立即帶她入內開餐。店內佔地非常大，全店以「水墨江南」主題，翠竹及假山石都充滿中國風，將西湖山水完美呈現眼前。土豆芝士塔撻皮酥脆，上層放滿軟綿薯蓉、香濃芝士，及煙肉粒粒，鹹中帶甜，讚。龍井烤雞烤雞外皮金黃酥脆，內層肉質鮮嫩，肉汁豐富，不會因香烤而變柴，入口有淡淡龍井茶香。香炒菜心菜心脆嫩不老，菜葉綠油油，配上豬油渣粒粒，酥脆油潤，一點都不膩。三色雞絲涼麵麵條混合了三款不同的蔬果汁，包括菠菜汁、紫薯汁及南瓜汁，再製成麵條，搭配嫩滑雞絲及葱絲，再以秘製麻辣醬汁調味，味道香辣帶麻，酸酸爽爽，非常醒胃消暑。黑松露牛肉炒飯黑松露味道濃郁，飯粒乾身分明，加上牛肉碎粒、粟米、青豆及紅蘿蔔粒粒，口感豐富，令人忍不住一口一口吃下去。

綠茶餐廳（官塘）餐廳位置地點優越,在觀塘地鐵站隔離APM一樓,餐廳裝修簡約清幽以綠色為主調,多個位置擺設竹樹作裝飾,座位寬敞用餐舒適,餐廳主打江浙菜,服務員招呼殷勤友善。三色雞絲涼麵三色麵有南瓜麵,菠菜麵,紫薯麵,上桌好搶眼,有芝麻和辣汁,微辣,麵身口感爽彈,雞絲嫰滑不腻。黑松露牛肉炒飯炒飯配料有紅蘿蔔粒,牛肉粒,青豆和粟米粒,炒飯上桌己聞到有鑊氣,飯身粒粒分明,黑松露味濃,牛肉粒油香肉嫩。蛤蜊絲瓜蛤蜊絲瓜配料有蛤蜊,蝦米,蒜粒,薑粒,絲瓜煲上桌滚滚生動,香氣撲鼻,絲瓜口感嫩,蛤蜊食溶鮮甜。蔥香脆皮烤鴨廚師用大量香蔥和醬汁烹調烤鴨,鴨身烤到金黃色有微微焦香,微鹹不腻,鴨肉食落油香肉嫩甚香口。

等咗呢間餐廳好耐香港終於有分店了！今日去一間中國風嘅餐廳、充滿園林氣息、環境滿分之外！入面嘅植物栩栩如生！土豆芝士撻：鹹甜交集超好食好推介，芝士好香、土豆加芝士一個好好食嘅組合西湖雷鋒塔主要材料係：雲呢拿雪糕、淡奶油.青豆泥：屬於一個唔太甜嘅甜品但係味道有層次！陳皮菜蒲頭老鴨湯鴨湯超出味，仲非常多料、除咗足料之外菜蒲完全發揮出層次香味！高湯蝦湯小青菜江南綠茶餅龍井檸檬茶齋菜碎肉千張包比較推介食佢江南綠茶餅，味道好特別再加埋芝麻食落去好香濃！但係綠茶餅又唔會太甜甜到啱啱好！綠茶觀塘道418號APM(創紀之城五期)UC-1

今次係apm發現到一間新開嘅中菜餐廳，俾佢門口嘅竹林佈置吸引，咁就入佐去坐低食嘢，因為時間尚早，客人唔多，職員見到我地有BB，特登安排佐窗邊位俾我地，阿仔全程好乖咁望住地鐵🚇同車食飯，有景睇即時變得好乖，大人可以慢慢食🤣蛤蜊絲瓜 $78 - 湯底鮮甜香濃，絲瓜超甜，阿仔好喜歡食，雖然蛤蜊細細粒，但味道夠鮮，蛤蜊同蝦米份量都幾多楊枝甘露冰糭 $38 - 期間限定，見琴日最後一日，所以特登叫黎試下，原來係慕絲蛋糕，做飯後甜品剛好，唔甜膩，內層楊枝甘露芒果味微酸，外層食到似係淡淡嘅班蘭香味宋嫂魚羹 $48 - 諗住叫俾阿仔食，貪佢有魚肉絲，點知阿仔鐘情蛤蜊絲瓜🤣可能湯底味道相似都係魚味蜆味濃嘅白湯，只係魚羹比較濃厚啲，所以下次可以唔洗叫黎食菌菇醬肉包 $38 - 之前返深圳係其他地方食過一次，因為包底出哂油太油膩諗住唔試啦，點知見到隔離枱有人叫黎食，好似普通一個包仔咁，所以又叫黎試下，又真係無咁油膩，肉餡味道偏濃，一口半個連包咬入口食，味道剛好，包身亦鬆軟龍井烤雞 $138 - 雞肉烤得嫩滑，雞皮薄但未夠脆，不過食到有淡淡茶香，而且調味方面幾好，唔鹹唔膩杭式片兒川 $28 - 雖然唔知個名點

其實行過呢間野幾次，都有啲心動想試下今日朋友提出想食，覺得外面已經好特別一入去成個環境都好似會聞到淡淡綠茶香味即刻睇下Menu 食咩好叫咗：🤗龍井烤雞好夠味喔~不過肉就嚡咗少少都值得試吓🤗土豆芝士塔呢個我兜得好正~ 要襯熱食！🤗薺菜碎肉千張包呢個正正常常，無咩特別～🤗太雕糟黃魚條魚食落少少辣，好開胃幾頂癮🤗花菇燒豬手都係正正常常~好入味 送飯一流🤗香鍋花菜入面個環境都幾清幽～有機會都會再食吓🤗

29/5/2025 星期四，今日嚟APM 搵食，選擇「綠茶」，因為之前喺大圍食過，已經覺得好食又有特色，今次嚟官塘，－於睇吓質素如何？！踏入餐廳，由優悠音樂開始，心情也放鬆，用QR Code落單，菜譜上款款都吸引！我哋叫咗：-雞汁黃魚，魚肉鮮嫩，用雞汁烹製，配搭特別又好食，連大青蔥都好好味，整條魚由頭到尾，好快被食落肚！麵餅醬香五花肉，麵餅皮剛剛好，唔厚，五花肉脆香，青瓜爽甜，微甜醬汁，咬落整個麵餅超好味，口感酥脆 crispy ，必食！松露松仁烤菜心，好有特色，咸道適中，菜心鮮甜，松仁新鮮，粒粒清晒！杭式片兒川一盅，湯清甜，麵條爽滑，－人份量啱啱好。店員服務態度友善，餐廳環境舒適，輕輕鬆鬆享受一個好滿意的午餐。

見到APM新開既呢間中菜館，裝修落足心思，以翠竹同山石為主，充滿江南風味！連店員都係身穿古服，真係好似穿越返古代咁呀😍😆🌟龍井烤雞皮脆而且肉質鮮嫩多汁😋😋不愧係招牌之一！🌟東坡肉豬五花肉超級肥美，入口即化☺️🌟南乳醉鮑魚薄切鮑魚口感彈牙煙韌，配上酸酸甜甜嘅南乳醬汁，令人非常開胃！🌟西柚茉莉茶上邊有隻熊仔冰，勁可愛😍打卡一流📸🌟西湖雷峰塔造型係古色古香嘅西湖雷峰塔以淮山同埋鮮奶以製，甜甜地又有益👍🏻👍🏻第四間分店今個月開咗係奧海城，搵日去嗰邊行街試下先！

今日同同事去咗APM呢間「綠茶餐廳」一入去就被竹林裝修吸引 仲有琴聲好chill～簡約中式風 打卡位多到影唔停 📸🍵 九曲紅梅茶 $12/位茶香清幽 解膩一流 可以refill ~🐔 招牌龍井烤雞 $138特別在於用左龍井茶燻香 原隻上枱熱辣辣 店員即場剪開雞皮香甜 脆到反光 肉質超嫩滑😋🐟 鮑魚小炒肉 $108小鮑魚爽口彈牙豬前腿肉+杭椒炒得好鑊氣微辣惹味 撈小炒肉嘅汁食咗成碗白飯 (🍚$10)🥬 香炒菜心 $68豬油渣炸到金黃 係極香~菜心冇渣!!💨 另外加左一杯王阿嬤米漿 真心好飲龍井烤雞真心獨特 茶香入骨環境舒適 同APM鬧市形成反差😱😱😱人均$200左右 性價比高

係內地一直人氣高企嘅江浙菜🫣 嚟咗香港都一段時間，以前上內地都會幫襯，依家愈開愈多分店，第四間分店今個月都係奧海城開咗啦～平日仲要係星期一18:30去APM分店，到19:00已經差唔多滿座😳環境餐牌 面餅醬香五花肉 $108 呢個好似北京片皮鴨咁，用麵餅🫓包住醬香五花肉，醬汁亦係甜醬，五花肉較幼身，唔會覺得膩，甜甜地嘅前菜幾得意。 喉口豬肉包/冬菜包 $38喉口豬肉包/冬菜包，可選要豬肉定冬菜餡，我就揀咗後者好似少見啲，接近一口size，食落都好似肉包咁，唔太鹹。 龍井烤雞 $138 主食必點招牌龍井烤雞🐥，用三黃雞，即叫即烤，色水好靚，烤嘅時間剛剛好，皮十分薄，烤到脆身，帶有微微茶薰味，亦都逼哂雞油出來，雞肉嫩，沾埋辣粉更惹味！ 粉絲裹蝦 $103 仲有粉絲裹蝦，即時係枱面烹調，調味好夠，粉絲上哂色，蝦肉亦彈牙，就算唔送飯都不至於太鹹。 江南綠茶餅 $28 至於甜品一定要叫綠茶餅，呢個係我每次都會叫😆 外層芝麻多且酥脆，內裏有芋泥餡，唔會太甜。 西湖雷峰塔 $28 而西湖雷峰塔好打卡，係用山藥整成，無點調味，就可以用醬汁淋上去。

早陣子經過apm的「綠茶」餐廳，瞬間被門口等位的人龍吸引。門口坐了一位小仙女在彈古箏,餐廳裝修頗別緻的，白牆綠竹的雅致佈局天花板垂掛的竹藝裝置如輕風搖曳，搭配仿古木屏風與暖黃燈籠，既中國風，又帶點現代簡約風情。店員清一色穿著改良式漢服——男生墨綠短衫搭白褲，女生素色長裙配綠腰帶，好仙氣！店員顏值很高、笑容爽朗，點菜時會主動推薦招牌菜，又有禮貌，完全打破傳統中菜的拘謹印象。入座先選茶，個人偏愛紅茶「九曲紅梅」——紅茶帶梅子香，溫潤解膩。以商場餐廳而言，$12/位茶費合理，續沖亦夠濃店員推介下點了幾款菜狀元芋頭煲 $88真的令人感驚豔的狀元芋頭煲芋頭切成薄片，夾住半肥廋的豬肉燉得酥軟，筷子輕夾即化開，濃香卻不死鹹，沒有飽膩感，入口即溶，拌飯一流，絕對是「白飯殺手」級別。價錢才88蚊，一家四口絕對夠分麵餅醬香五花肉$108麵餅醬香五花肉食起來似北京烤鴨，用上炙燒五花肉片，肥瘦相間帶脆皮，蘸上甜麵醬、京蔥絲和青瓜，裹進現炸的螺旋形脆餅裡。關鍵在於餅身輕薄如紙，入口脆卜卜，油脂香與麵香在口中爆開，熱辣辣的脆肉用軟呼呼的薄餅包住，口感豐富。龍井烤雞$138上檯時熱騰騰， 飄來陣陣香味香味中大檢查香

閒遊APM, 被悠揚嘅古箏聲吸引~ 原來是綠茶新店已開在APM中式竹林設計，配上油紙傘和古裝美人，優雅非常綠茶以浙江茶為主， 但亦加入了港式限定菜式香港限定的「蔥香脆皮烤鴨」滿滿的蔥花伴著脆香的烤鴨，烤鴨皮非常脆口，肉質好入味。加上混在蔥花中的靈魂調味醬汁，令烤鴨有另一種新的體驗。 綠菜經典 「粉絲裏蝦」鮮蝦加上醬汁一齊煮，爽口彈牙。粉絲吸滿醬汁，還帶有鮮蝦香味，味道濃郁，非常好送飯。南乳醉鮑片 賣相非常名貴，但其實一百蚊都唔使南乳汁帶有小小辣，鮑片大大塊，好爽脆。2者合埋一齊的感覺好新鮮。面餅醬五花肉用面餅皮包裏住五花肉，大蔥，青瓜， 好似食片皮鴨。五花味竟然一點也不油膩，入口仲感覺甜甜地。 暴打鳳梨茶造型超吸精，打卡必點上面是由龍井茶結成的小熊造型冰塊下面是酸酸甜甜的鳳梨汁。 中間有一個間隔可以盛載小熊但又可以浸到鳳梨汁。好聰明嘅設計。 呢杯咁靚嘅打卡飲品只是28蚊， 好超值雖然綠茶是以中菜為主，但配搭口味新穎， 賣相精緻， 值得一試。 

綠茶進軍左香港都有段時間，今日特意約朋友來呢度聚餐試吓過江龍😍APM店門面不大，但原來臥虎藏龍，裡面環境超大，好多枱!😳砂鍋西施豆腐送飯必點🤩首先豆腐切到細細粒，軟綿綿，夠晒滑～湯底係好濃既雞湯，配上肉碎、蝦仁、青豆等等配料，榮升我必嗌榜no.1🥳鮑魚小炒肉又係啱晒送飯既菜！但要注意係幾辣口既，食得辣既就絕對覺得好香口🤭鮑魚係小鮑魚，但份量唔少，有咬口👍整體炒得夠惹味。仲會有個爐熱住，keep到個溫度～薺菜碎肉千張包好似係第一次食呢個小菜🤣薺菜好香口，再用千張連埋肉碎等配料包起，口感豐富，仲好飽肚🤣土豆芝士塔見到好特別就點黎試下，個樣好似葡撻😆表皮酥脆，入口就係香濃既芝士配上薯蓉，如果小朋友就一定會喜歡！

最鍾意佢哋嘅小窩土豆，薯仔切成一片片，炸到外脆內軟，仲有麻辣同孜然嘅香味，食到停唔下來！仲點咗個杭州龍井蝦仁，蝦仁彈牙，茶香好清新，幾特別。環境好有江南feel，木枱木椅加啲綠植，坐得舒服。服務OK，店員好有禮。價錢唔算平，但味道同環境都值！鍾意食辣嘅朋友，小窩土豆一定要試！

見到它們每間分店午、晚市都大排長龍，就算排到了，只能90分鐘用餐，人的心態就是 ‘’咁擠擁，點都要試吓‘’，所以這天18:20便到, 果然不用排隊。餐廳裝修雅緻，以青竹為主題，坐位是細枱形式，2/4/6位那種，而且枱距較密。菜式是精緻小碟的，我們2人叫了 :高湯蝦乾小青菜 $58,，味道ok, 但好鹹。東坡仔排 $158 ，肉質和味道都不合格。天目筍火腿老鵝湯 $128，奇怪是色澤濃郁，但淡然無味，很難才找到僅有的3小條筍。蠶豆煮螺片 $158，這個算是比較正常。家鄉黃魚燒豆腐  $168，是炸了的黃魚塊和冬菇豆腐煮在一起，個汁和冬菇鹹到頂唔順，服務員姐姐很好，幫我們取消這個菜價，她說也有客人反映這個餸很鹹，我心諗記然已有人反映，點解廚房唔安排應對? 去重新試味做過，咸到咁仍繼續出 order?綠茶餅  $28， 緣茶餅內有芋蓉，全晚只有這個最好味。埋單$609，$305/人，食一餐飯這個錢不貴，只是性價比低，這餐廳只是食服務和裝修吧。