影片
尼間小店都隱世，如果經過都唔會點留意，但附近既街坊基本上都識尼間舖。環境就一般，堂食位置甚少，多數客人系外賣自取為主。 ⦁椰皇海南雞最有特色系用一個椰皇裝住，油飯本身已經香口，另外仲散發出陣陣椰香。海南雞既部分嫩滑不油。食完仲可以刮一刮椰皇既椰肉，清甜嫩滑。 ⦁珍寶湯河珍寶顧名思義就系乜都有（包括生牛肉、牛腩、雞絲、扎肉等）超級多肉，仲有超級入味既白蘿白。其實單食果河粉底都已經好正，配埋一堆越南必用既配料，令湯底更升華。
繼續閱讀
個個都介紹椰皇海南雞飯，我就想介紹佢個撈檬。難得係良心小店而且又支持環保♻️，歡迎使用自備盒，真係要支持下。（自備盒仲要減兩蚊）煎札肉撈檬：唔知平時個份量係點，但我覺得阿姐俾咗好多檬粉我😂👏🏻，加上我之後要坐20分鐘車，檬粉好入味（魚露），平時食開冇煎過嘅札肉撈檬，覺得原來煎過嘅札肉係香口咁多😱。食完好滿足。😍因為今日落雨，小店少咗生意，所以我等大約10分鐘就可以。試過星期六下晝要等差唔多半個鐘😬（外賣）
繼續閱讀
綠色越南主打越南菜，小店位置唔多，主要做外賣。呢度都好支持環保，唔用塑膠外賣餐盒，另外即棄餐具都好似係用啲比較容易分解既物質做既餐具，如果自備餐盒更加有減價優惠😯講番呢度既野食先，呢度既食物真係食到正宗越南風味，由大廚同埋佢既越南女友主理，店鋪小小但係都幾多捧場客，最多人推薦既就一定係佢地既海南雞飯，黎到一定要叫個黎試下。1️⃣椰皇海南雞飯（$59） 呢個最特別既一定係佢用成個椰皇黎裝住啲飯🤩飯係用左黃薑粉、斑蘭葉、香茅黎煮，然後再裝入椰皇到焗，令到個飯更加吸收到椰香。工序絕對唔簡單，而且第二度真係冇見過。個飯食落就有少少乾，帶黃薑同香料味🤤就咁食就唔係好食到椰味，不過不埋啲椰子肉一齊食，成個感覺即刻提升左，幾夾幾好食wor。 海南雞方面，雞已經去骨，配上甜酸醬，面頭加上炸蒜、蔥，味道唔錯。雞肉都幾嫩滑，比既全部都係脾位，正～ 2⃣️綠色越南珍寶湯河（$69）好好咁佢既配料、湯、河粉全部都係分開裝既。痴線啲配料勁多，打開果下嚇親😳裝滿曬個紙盒，覺得呢個兩個人食都好夠。有生牛肉、豬扒、雞絲、扎肉同埋牛腩，每樣都唔係得幾件，而係比滿你！豬扒食落帶香茅味，不過覺得燒得偏乾。生牛肉份量多，放埋落個湯河入面食好夾😌雞絲dum落個湯河入面，夾起食既時候索埋湯汁🤤扎肉煎過幾香。而另外冇諗過原來仲有牛腩，牛腩份量都好多，煮到淋曬，而且係帶啲肥膏既，有啲似出去食清湯牛坑腩果款牛腩，好正～ 河粉本身都有啲配料。有洋蔥絲、蘿蔔、香葉、芽菜、青檸、辣椒粒。配埋無味精牛骨湯，飲曬成碗湯都唔覺得油膩～另外呢碗轉左檬粉，份量極多😂覺得真係兩個人share食都夠，呢間餐廳啲份量真係比得好足，好抵食。 3⃣️素菜春卷撈檬（$45）呢款相對冇驚艷，不過素菜春卷幾特別，外表望落係雪白色既，第一次見越南春卷係呢個樣。食落可能因為外賣關係，外皮有少少淋左，不過內餡幾豐富，食落爽脆。撈檬酸酸甜甜好開胃。 4⃣️牙車快沙律（+$20）呢個真係好抵食！半份加二十蚊就食到！半份都好多，裝滿個紙盒。有椰菜絲、紅蘿蔔絲、花生粒、雞絲、扎肉、生菜，食落好清爽！ 5⃣️越式雜錦拼盤（$88） 有素菜春卷、順化碳燒豬肉串、蝦肉蟹蓋、斑蘭葉包雞各三件。素菜春卷一樣大大條食落爽脆足料，入面有各式素菜例如木耳絲。碳燒豬肉串食落幾滑，感覺有啲似豬肉腸咁但係係滑身版既。蝦肉蟹蓋🦀️絕對有驚喜！冇諗過呢啲小店都會有得食，食到蝦同蟹既鮮味，值得一試！而斑蘭葉包雞都好正😍雞肉好嫩滑而且好香香料味！ 好味：7.5/10 環境：6.7/10 性價比：8.8/10 綠色越南 Green Vietnam Pho 📍地址：荃灣西樓角道202-216號荃昌中心昌寧商場地下28號舖
繼續閱讀
估唔到呢一間小店咁有質素，今次食咗呢一度嘅乳鴿，乳鴿好好食，最正嘅地方就係外脆內軟，乳鴿嘅外皮真係好香！而且入面真係非常之多汁！另外仲叫咗滑蛋炒蝦球，蝦肉大大隻，都算幾彈牙！而且呢度嘅滑蛋亦都係好好食，好有水準
繼續閱讀
疫情之下不能到外面用餐，最近多光顧了附近的小店，這家越南小吃，少於10個位置，店的位子比較難找，但是我覺得他做得挺用心，已經兩次光顧，上次吃了海南雞飯，外加一份雞肉，飯是有點點硬，但整體算是有特色，$59好抵食！今天再買了生牛肉湯河，一碗的量多得很厲害，女生的話兩個人吃都夠. 會繼續支持的
繼續閱讀