64
10
9
港鐵筲箕灣站 B3 出口, 步行約3分鐘 繼續閱讀
電話號碼
81998188
營業時間
今日營業
07:00 - 22:30
星期一至日
07:00 - 22:30
付款方式
現金
座位數目
60
其他資料
電視播放
食評 (94)
等級2 2021-01-05
836 瀏覽
飯焦係煲仔飯重中之重呢間煲仔飯飯焦香,見佢一到冬天就晚晚排隊就知唔少野筲箕灣有唔少煲仔飯食,呢間煲仔飯我由佢$5X食到依家$7X坦白講未加價之前梗係抵食,依家呢個價位可能有更平又一樣好食嘅選擇,但情意結關係我依然會黎 繼續閱讀
(以上食評乃用戶個人意見 , 並不代表OpenRice之觀點。)
等級4 2020-12-07
651 瀏覽
天漸涼,總想吃些能保溫長些時間的食物。煲仔飯是冬日常想到的呵!常吃臘腸、雞等的,今次試些較新的配搭。茘茸肉碎煲仔飯,兩個如雪糕球大小的茘茸下,飯面鋪滿肉碎冬菇粒。員工服務周到,趕唔切照相已淋上了醬油了。一般煲仔飯醬油都只是色深微鹹,這裏亦是。茘茸軟滑,撈飯混和碎肉一起吃,口感超豐富,粒粒軟糯的飯粒被茘茸包住吃,滑中帶依韌,充滿了芋泥的味道。小炒皇,有韮菜花、蝦米、蝦干、鮮魷、蝦、菜甫、腰果,食材很多。特別有菜甫,爽爽鹹香。不過韮菜花應是先焯過才炒,少了鑊氣。 繼續閱讀
(以上食評乃用戶個人意見 , 並不代表OpenRice之觀點。)
等級2 2020-11-28
518 瀏覽
行完山好餓,上網搵到呢間食煲仔飯就去了!伙記推介了蒜香牛頸脊肉煲仔飯,我地仲叫了茄子斑腩煲同椒鹽鮮魷。煲仔飯都算好快就上到,伙記仲幫你落埋豉油再冚埋蓋焗一陣,好貼心。開頭驚牛會韌,點知一食又好淋,淋得黎帶小小爽,瘦又帶小小肥,好有牛味,又幾正哦,飯夥粒分明,係煲過左小小火,飯焦有DD濃,整體都好食價錢經濟,汽水都係4蚊,超抵!鮮魷炸皮薄,茄子斑腩,斑腩都幾多,港島區可以食到平民價又好食既餐廳真係小中又小 繼續閱讀
(以上食評乃用戶個人意見 , 並不代表OpenRice之觀點。)
煲仔飯真係冬天必食之選,但好食嘅煲仔飯真係買少見少,一係就冇飯焦,一係就其實分開煮,最後先將啲餸擺上去,其實真係食得出。 仲好懷念細個嗰陣喺冬天着晒冷衫坐喺登龍街路邊食住熱辣辣嘅煲仔飯,真係超爽,但之後佢結業搬咗去筲箕灣街市就冇去再食過。今日特登過去試,本着好大嘅期望過去,因為個煲仔飯真係好好食,我諗係因為細個喺街邊食嗰種滋味。最懷念就係佢嗰個荔茸肉碎煲仔飯,因為真係得佢先有,其他我都未見過,個荔茸軟綿綿,撈埋個肉碎,真係超好味。今次去到,當然第一時間係要點呢個煲仔飯,之後加多個魚香茄子斑腩煲,加多個椒鹽鮮魷,2個人食就啱啱好啦!煲仔飯一想,真係超期待,見到2大個芋泥,對於一個芋頭控來講,真係超興奮(我朋友都唔係好明XD),一上枱,就先淋上豉油,蓋返埋個煲仔蓋,再焗多佢一陣,就等食;呢個時候個斑腩煲就到啦!茄子煮得稔,斑腩都夠滑,整體都好香好入味,唯一的就是有點鹹,如果單食的話就有點吃力,但送飯的話一流,雖然明白魚香茄子一定會有油,但都真係幾油。椒鹽鮮魷個賣相就好靚,個炸粉係硬身個隻脆卜卜,唔係酥個個口感,但個魷魚真係好硬,咬極都咬唔開,魷魚乾到真係好乾… 食到最後,真心放棄咗,因為真係咬極都咬唔開….講到主角嘅煲仔飯,一打開煲蓋,真係超期待,用匙羹勺起,飯粒粒分明,仲有飯焦,個芋泥軟綿綿,同埋肉碎,加上豉油,撈埋一齊食真係一啲違和咁都冇,超好食,好有層次,有芋泥軟綿甜甜嘅感覺、肉碎一粒粒同飯加起來,豉油鹹鹹的感覺真係一絕,同以前嘅感覺真係一樣,呢個真係買少見少!支持支持!🍽️ 紹華小廚📍地址:筲箕灣愛秩序灣道15號愛秩序灣街市暨綜合服務大樓CF3號舖—————————— (滿分為5分)抵食指數:🌟🌟🌟🌟Encore 指數:🌟🌟🌟🌟🌟 繼續閱讀
(以上食評乃用戶個人意見 , 並不代表OpenRice之觀點。)
等級4 2020-10-07
950 瀏覽
紹華小廚位於筲箕灣愛秩序灣街市,主打煲仔飯,少少秋風已經令人又想食煲仔飯的衝動。今晚三個人點了兩個煲仔飯及一個小炒皇,分別是滑雞臘腸煲仔飯及排骨潤腸煲仔飯。小炒皇每間食店都有自己的特色,此店應該加了些少XO醬,聞落非常惹味又不會過鹹,作為送酒菜是不錯的選擇。但今晚的重點是煲仔飯,兩個飯上枱時,夥計先打開飯煲,再淋上自家調製的甜豉油,然後蓋上煲蓋再焗一會,再打開蓋時,飯粒已吸收甜豉油的芳香,令人食指大動。兩煲飯當中,以雞飯較為出色,因為雞飯有雞油的香味滲進飯粒中,加上飯焦恰到好處,但臘腸就稍為硬了一點,美中不足。而排骨飯就選用了較多肉的部份,喜歡啜骨的朋友就應該不太喜歡,而潤腸就較臘腸出色。整體而言煲仔飯不算太便宜,但現在來說要吃一煲有水準的煲仔飯,六七十蚊是最低的消費,此店的煲仔飯仍能保持水準,這個價錢相對合理。 繼續閱讀
(以上食評乃用戶個人意見 , 並不代表OpenRice之觀點。)