紳士茶室 (已結業)

下午茶餐 一口西多士配芝士奶蓋醬+熱奶茶$32一口西多士沾滿蛋漿同麵包糠，每面都香脆，花生醬餡料，配芝士奶蓋醬，可惜甜味不足，好淡口，帶唔起蛋香，可能要加糖漿先夠味 。…查看更多

開喺公司附近都幾就腳，之前都想試下買份早餐食，今日早咗少少番到就用定WhatsApp落單，1分鐘後就有職員覆機，10分鐘左右整好有溫馨提醒有得攞。叫咗份松露滑蛋芝士火腿厚多士+茶走，攞外賣時見個盒好大，一打開就見到正常size嘅三文治，幾有視覺衝擊（？）個炒蛋算滑，松露味道聞落都幾重，兩者食落口係match嘅，不過可能松露味蓋過咗芝士味，食唔出。茶走好香濃，建議趁熱飲，凍咗再飲會冇咗香味。成份早餐整體嚟講OK，自己食完就啱啱好夠七成飽，應該會再幫襯試下其他款式嘅三文治，見午餐有焗飯，將來應該都會試下。…查看更多

諗住試下新店，揀了蔥油雙蛋香茅豬扒飯(包熱飲一杯) $50，點知啲飯係我最怕嘅淋+爛飯，豬扒味道OK但偏硬，雙蛋係全熟乾身；奶茶茶膽夠濃不錯，忘記叫多奶所以偏苦，整體來說應該係好難會有下一次。…查看更多