紫甜

青衣呢個地方一向俾莉莉子覺得係自給自足，同外界斷哂聯絡。今日去探朋友，更加覺得係。話說今日一早出發去美景花園探一探uncle，大概用左十分鐘時間由青衣站搭小巴就到，都算方便。由於莉莉子好早到左，當然要試下呢度屋邨商場既食物，早餐係莉莉子覺得唔會出事既地方，點知都係令人失望。呢間叫「紫甜」既餐廳，望個名以為係賣甜品，誰不知係一間茶餐廳，莉莉子叫左個沙爹牛肉麵餐，配煙肉及煎蛋🍳，上菜速度好快，但味道只是普通。煎蛋係流心，質素ok，但煙肉比較乾身，牛肉同沙爹汁感覺似分開黎食，方包亦麻麻😬😬莉莉子唔能夠講唔好食，但味道確實需要改善下🙄🙄🙄…查看更多

不得不試，一試難忘必食：香煎蓮藕餅...絕對好食過肉X哥。。估唔村內有如此美食還有，這店的煎餃，多汁多食料也是必食之選。。。甜品也有清沁丸綠豆是代表作。我只是美景居民，真心向大家分享。…查看更多

因為落大雨關係，星期日早上都唔想去咁遠嘅地方食飯。但因為成日都係樓下食晏都食到唔知食咩好，見呢間糖水舖我地未食過佢地嘅lunch，所以決定試下。我妹叫左個甜豉油餐蛋飯，煎蛋有2隻，仲有少少雜豆同蔥粒。但味道都ok啦。我老公叫左個carbonara，一上檯已聞到好香忌廉味，但唔知係咪芝士太多，偏咸，不過整體算不錯。我叫左個涼瓜牛油飯，因為呢度冇明火牌，所以真係食落去欠缺左鑊氣，牛肉係已經醃到月好淋，亦都有好多塊，但就偏穌。涼瓜反而只得5片....不過對於中意食涼瓜嘅苦味嘅我黎講，呢度嘅涼瓜完全唔苦。估唔到糖水舖都有lunch食，可想而知本身只做甜品已經站不住腳，希望佢可以捱耐d，話哂呢頭得呢間糖水舖。…查看更多

我係街坊，食過呢度嘅碗仔翅、喳咋同韮菜水餃，呢三樣嘢呢間都整得好好食！碗仔翅嘅味道唔味精feel，𥚃面嘅用料好平均，唔係整定擺左一日傑哂嘅texture，而係好似啱啱煲好嘅感覺👍🏻喳咋唔會太甜，超多豆！韮菜餃好多料，韮菜唔會老，好大隻。另外今晚買外賣時見有人落單叫炒麵，佢地開左隻鑊仔去炒，唔會好似平時嘅小食店係一大堆炒定放喺度成日，你叫就夾俾你咁。因為成日經過，所以見到開檔嘅應該係老闆(們)自己，佢地態度好好。…查看更多

今日去青衣朋友屋企吹下水，食完飯見時間尚早，有咩好做？唔洗問，同老婆加埋佢嘅朋友，女人... 加埋女人...喎！第二個胃喎！甜品Lee D嘢又點會少得架！真係比較少嚟青衣，Seach下見到咁多選擇，佢哋話Lee間係新嘢喎，好...就揀佢！一入去感覺幾舒服，又大又乾淨，唔係市區一般好迫嘅甜品店，又無"痴笠笠"嘅感覺，唔錯！今日真係比較早都仲未有好多人，唔洗等，非常好。店員話芒果正喎，凍嘢又啱我，唔洗諗就"芒果西米撈"啦，真係好味，芒果汁底好濃，仲有一舊舊芒果肉，堅嘢食到啖啖肉，唔係hea店得幾粒嗰種，唔錯。佢哋就叫熱嘢，"腐竹清心丸"，"生磨芝麻湖+湯丸"，咖喱魚蛋。我試咗老婆嗰碗芝麻湖，芝麻香真係好勁，店員話自家製係師傅自己磨，女人要靚，Lee D滋潤嘢啱晒佢啦！係喎，Lee間除咗甜品，見Menu仲有其他嘢食，聽店員講餃子都好食，係舖頭自己包，唔係入貨嘅，包新鮮咁話，不過今晚食飽飯食唔落，下次啦！小店就有Lee度好，樣樣嘢嘅質素都好D，食嘅嘢佢講得出有幾新鮮，甜品又唔會只得個甜，Lee間可以再食。…查看更多

今晚係樓下食完晚飯，心思思想食糖水，眼見呢間開左唔太耐嘅糖水舖就一於試下。舖頭嘅裝修係比較精緻，係呢個屋苑食店黎講算少有。西瓜涼粉：西瓜都好多粒，下面嘅涼粉就有大約十粒左右，西瓜算甜，涼粉比好多糖水浸住。芋頭西米露：好多粒芋頭，但有少少硬身，面頭有椰汁，加埋一齊食會令到個西米露更香。又唔會太甜仲好香芋頭味。芒果西米撈：滿滿一碗，有芒果係面頭，仲有芒果汁，加埋d西米。好甜同好香芒果味。舖頭開到半夜，對於夜鬼黎講係好事。除左糖水我見到佢仲有碗仔翅，粥，炒面等。下次可以試下。…查看更多