201
13
4
所有分店 (4)
電話號碼
52969864
營業時間
今日營業
12:00 - 22:00
星期一至日
12:00 - 22:00
公眾假期
12:00 - 22:00
公眾假期前夕
12:00 - 22:00
付款方式
現金
其他資料
網上訂座
賞訂座積分
素食
有關獎賞計劃
食評 (244)
等級4 2022-03-05
2085 瀏覽
【素年 Friends of Years】近年越黎越興素食文化,呢間素食Cafe菜式都幾新穎,食落完全唔覺得係素食😳既有特色而且環保♻️Tom Yum Risotto $88呢個冬陰功既risotto味道偏辣🌶 連我食得辣既食多幾啖都覺得要飲野🥵 味道係唔錯既,冬陰功味重又creamy 而且食完唔會覺得膩 但唔食得辣嘅朋友就要注意一下😳Katsu Curry Risotto $108咖喱唔辣 做到幾似日本咖喱🍛 佢哋嘅炸豬扒係用咗新豬肉去整,食落同真嘅炸豬扒冇分別😙 而且口感仲冇咁肥膩添 All Day Pancake Black Fest $148芝麻醬pancake配雪糕,兩者都幾濃芝麻味而且唔會好甜,但pancake略嫌做唔到好soft既口感,有少少似食緊芝麻味嘅熱香餅😂 呢個性價比一般🤧Latte $24正常oat latte水準~~Banana Potaya Oat Milk $36 (發現唔記得咗影🥲)正常香蕉火龍果燕麥奶味,夏天飲會幾消暑而且對腸胃好😆Ps佢哋嘅食物都幾大份😳 如果係兩個女仔食,建議可以一個主食同一份小食share都已經夠飽🤓 繼續閱讀
(以上食評乃用戶個人意見 , 並不代表OpenRice之觀點。)
等級2 2022-06-17
0 瀏覽
呢間素食餐廳真係由佢哋第一間分店開始 就幫襯到而家~食物都幾高質素💓最鍾意就係佢哋嘅番薯條配黑松露純素蛋黃醬😋番薯條外面脆卜卜 入面嘅番薯蓉好軟滑夠清甜🍠純素蛋黃醬都好出色 松露味勁香 配埋薯條真係一流🖤 繼續閱讀
(以上食評乃用戶個人意見 , 並不代表OpenRice之觀點。)
等級2 2022-06-13
0 瀏覽
每一次食齋 都會嚟呢一間素食餐廳🍴最鍾意就係食佢哋個不可能漢堡包🍔份量超厚 旁邊仲有超多番薯條🍠個素漢堡扒唔講真係以為係肉嚟🤤番薯條都好高質 炸到外脆內軟綿 仲好清甜! 繼續閱讀
(以上食評乃用戶個人意見 , 並不代表OpenRice之觀點。)
等級2 2022-06-04
143 瀏覽
就咁睇食物嘅賣相,你係估唔到⋯原來全部都係素菜,重點係味道好值得再光顧!「不可能漢堡包」塊肉扒係用(新豬肉)+雞髀菇+仲有唔知乜植物造成的,而伴碟紅紅哋色看似係薯條嘅嘢,原來係番薯條,甜甜哋好好味,而且番薯營養高,水溶性纖維高,熱量又低過薯仔,仲有漢堡包係用麥包,牛油都係素,所以廚師真係好體貼減肥嘅女士呢。「日式咖喱吉列豬扒意大利飯」豬扒同漢堡扒一樣材料,不過炸得乾咗少少,而咖喱汁就係日式甜甜地,意大利米好好食。 繼續閱讀
(以上食評乃用戶個人意見 , 並不代表OpenRice之觀點。)
等級3 2022-06-01
143 瀏覽
紅磡素年一向係我嘅素食飯堂,今次第一次去荃灣friends,係素年旗下餐廳,果然食物質數保持一貫水準👍🏻穿過大街小巷,Cafe正正就係學校對出藍球場。一入到Cafe,感覺好舒服😌,裝修簡約鮮明,比人有好大既空間感。Menu中英對照,十分貼心日式咖喱吉烈豬扒意大利飯👍🏻$108熟悉既日式咖喱汁配上意大利飯,原來可以咁夾。日式咖喱汁味道香濃,應該係日式咖喱中既甘口味,小朋友都啱食,而配料亦都不容忽視,車厘茄、蘆筍、雞脾菇可中和咖喱濃膩感。吉烈豬扒(新豬肉)炸得非常香脆,完全無油膩感,而內𥚃非常Juicy,配上蘋果片食真係絶配。紅菜頭鷹嘴豆泥扒漢堡包配蕃薯條👍🏻$108紅菜頭加鷹嘴豆泥做漢堡扒、加上牛油果蓉🥑、生菜、蘋果片,感覺非常清新又健康,簡直係superfood,包亦鬆軟,食晒成個漢堡包都唔會有罪惡感。蕃薯條炸得非常外脆內軟,食到每一條入面都有蕃薯蓉,真係食到停唔到口。每個午餐都包一杯飲品,今次揀左玄米茶/咖啡總結:環境舒適,食物高質,服務有禮。 繼續閱讀
(以上食評乃用戶個人意見 , 並不代表OpenRice之觀點。)