64
12
4
| 餐廳: | 素之樂創意蔬食料理 |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
影片
港鐵北角站 A1 出口, 步行約4分鐘; 請沿民生幼稚園樓梯上
繼續閱讀
電話號碼
28071130
開飯介紹
中菜館風格的素食餐廳，供應亞洲口味的菜餚，並以中菜為主；午市供應精緻的點心及特色小炒，晚市則為私房菜，款式會不時更新。
繼續閱讀
營業時間
今日營業
11:00 - 15:00
18:00 - 22:00
星期一至五
12:00 - 14:30
18:00 - 22:00
星期六至日
11:00 - 15:00
18:00 - 22:00
公眾假期
11:00 - 15:00
18:00 - 22:00
以上資料只供參考, 請與餐廳確認詳情
有關獎賞計劃
相關文章
食評 (95)
回顧返早前同一大班素食朋友嘅聚餐，今次揀咗北角嘅「素之樂創意蔬食料理」，亦係我最愛嘅素食飲茶酒樓，有冇「之一」呀？冇 😆（以下如冇講明就係純素）☘️我睇返我上次話佢哋腸粉係世界級喎，上次食嘅係叉燒腸，今次試蝦腸，個腸粉仍然係好高質，啲素蝦又爽口。講開蝦當然唔少得蝦餃，睇啲相都知有水準，脹卜卜咁，隔咗咁耐睇返都餓。😂 食厭咗傳統口味腸粉，又可以試吓松露雜菌腸粉，菇味好香濃，唔使點太多豉油都好好味。有咩好得過食一籠好食嘅燒賣呢？就係食兩籠喇 ✌🏻，仲要唔同口味，分別係魚翅燒賣同松露燒賣（都係奶素）。魚翅燒賣接近傳統口味，黑松露 fans 就必試松露味啦。🍄滿足完對點心嘅渴求，試吓啲小菜先。個燉湯好鮮味又足料，飲落感覺好滋補。蜜汁脆鱔我覺得必叫，其實係菇嚟，但食落真係幾似鱔，非常有特色。👍🏻招牌糖醋咕嚕（奶素，可改純素）同黑醋猴頭菇（奶素），簡直係哈林同庾澄慶，好少一齊出現，今次竟然同框，真係好難得。咕嚕肉口感好似真嘅版本，而且好爽口。另外嘅魚香豆腐，屬於「味來免治肉」系列，係結合咗魚香茄子同麻婆豆腐於一身嘅創意料理。🌶️除咗嘢食好味，值得一讚呢度嘅員工服務超好，有去過食嘢嘅朋友都會知道啦。💚
繼續閱讀
港島區少有高質環境舒適CP值高的素食餐廳，一定會再幫襯，餐廳格離位置仲有好多款即食素食產品發售，素啲罐頭午餐肉，即食素豬腳薑，素肉丸，素魚旦價錢唔貴又多選擇，可買返屋企再encore
繼續閱讀
已經食過好多次，佢係私房菜模式，定期會轉菜單。餐廳裝修係靚及有令人好平靜嘅感覺，最岩同朋友或家人傾偈。每次食都覺得食物好有心思好好食，即使唔係食開素食都會覺得好食。之前同親戚去食，食肉獸親戚都大讚好食及好飽，最後仲係外面嘅素食超市買幾包冰鮮素食番屋企自己煮。自己最中意食佢嘅炸魷魚圈，南瓜汁波菜，大蝦沙律同麻辣手撕雞🤗而且店員全都十分有禮及熱心，絕對推介畀大家的餐廳！
繼續閱讀
4.19我同好友一起上到素之樂晚飯，佢地的餐食得兩種可撿，一係一人198蚊一位的輕套餐，一係一人398蚊的私房菜套餐，我哋撿咗198，最後埋單共計467蚊，但兩餸一湯一飯一甜品的份量係超級揾笨且求其，食物係味精湯，無味寡料炒飯，兩餸係唔同名但一樣加工素料熱炒，又係味精濃郁味道差唔多的餸菜，我心諗兩個大男人，你哋好意思端出來兩碟好似餵猫的份量的餸嗎？我即場反映咗點解個portion咁細既？個阿嬸服務員話：可以再嗌多個餸架(盛惠98蚊)，老實講味道麻麻但揾笨的低級cp值餐廳絕對唔會再幫稱第二次！最後我老友話，不如再去大快活食個飯來
繼續閱讀
阿媽話帶我去食素點心，佢食過幾次話味道唔錯，環境都唔錯，價錢就比一般茶樓貴少少，我試過都覺得唔錯，怪不得會座無虛席，所以想去就最好訂位。🥢珍珠蝦餃 $30 ⭐️⭐️⭐️蝦餃口感ok，有啲爽口，但味道就一般，因為比較清淡。🥢松露水晶包 $39 ⭐️⭐️⭐️⭐️呢個好好味，𥚃面超多菇，松露味又夠出夠香濃。🥢香煎蘿蔔糕 $32 ⭐️⭐️⭐️⭐️好多蘿蔔好足料，仲有粗條口感，好味。🥢香酥春卷 $33 ⭐️⭐️⭐️⭐️春卷都好足料，食落外脆內爽，都唔錯。🥢羅漢齋腸粉 $39 ⭐️⭐️呢個麻麻地，雖然腸粉算滑唔厚身，但我覺得餡料有啲少。🥢叉燒餐包$36 ⭐️⭐️⭐️⭐️呢個一定要訂，限量供應，叉燒口感好似，再加上好味嘅叉燒醬，還原度好高。🥢茶 $16/位三人共消費：$262
繼續閱讀