46
7
1
營業時間
今日營業
06:30 - 22:00
星期一至日
06:30 - 22:00
以上資料只供參考, 請與餐廳確認詳情
食家推介
第三次食佢啦，起佢未紅之前食過一次原味布甸包，冇幾耐前買過提子包食覺得佢啲包全部幾好食，幾有質素👍🏻今次咁啱經過見佢出咗好多新款，咁就再試吓啲特別嘢啦▶️ 伯爵茶布甸包 ($15)個布甸係茶啡色㗎🤎正常布甸包嘅size如果唔焗嘅話，其實唔太吸引，因為個包摸落好韌🫢入邊個布甸都好似麻麻地咁但係一焗一焗熱佢，即刻靚仔咗好多🤤外面個法式baguette包咬落幾脆口🥖味道上少少鹹鹹地，同布甸成反差，好凸出布甸同麵包比例啱啱好，布甸佔大部份入邊個布甸焗完之後有微微流心效果，即刻Creamy啲🍮食落質感好似吉士咁，而佢個焙茶味都OK，雖然冇咩嗰種甘苦味，但係都好香嘅☕️幾好係佢唔會太過甜，個人覺得好食過原味，唔錯唔錯！▶️ 榴槤麻薯波 ($20)呢個雖然係麻糬波波，但係食落冇咁煙韌，外皮硬身啲加上榴槤味唔重，即使打開個盒都完全問唔到味(榴槤控千祈唔好期望太高🙈)，變咗食落好似吉士咁呢個就唔係幾推介，因為佢比其他都貴▶️ 阿華田麻糬波 ($18)呢個係新品啊❗️一撳落去已經好冧一切開就爆曬漿🍫唔覺都咁流心外皮都比起榴槤嗰個煙靭好多，真係似返個麻糬波，朱古力控可以試一試▶️ 法式芒果楊支甘露布甸包 ($15)呢個應該幾特別，將個芒果楊枝甘露甜品塞咗喺個法式包度🥭-第三次食依然覺得好唔錯，幾欣賞係佢肯創新，不時推出新款麵包口味 布甸麵包未必比得上嘉多利，不過焗返熱之後係好食最緊要係佢完全唔需要排隊，咁啱去完呢間之後經過嘉多利，撞正佢出爐時間，見到條長長嘅人龍都已經唔想排，心諗好彩之前買咗呢個紅豆烘焙😬
繼續閱讀
今日認真心情麻麻，一來一早被一位餐廳姐姐惡劣嘅態度激親；二來今日天氣仍然令人悶熱，加上今日工作行程緊密，忙到下午五點左右，終於可以抖抖。想心情靚番，就會突然想食啲甜野，咁啱一落巴士站就見到呢間「紅豆烘焙」。首先以為只是一般麵包店，奇怪店內外有不少客人光顧，好奇心驅使下睇下有乜嘢特別，突然發現有多款法式布丁限定發售。呢間「紅豆烘焙」原來產品頗多元化，有一般麵包、中式酥餅、西餅、甜品、曲奇、布丁包，更有近年大熱的立體蛋糕及扑扑球蛋糕，歡迎預訂。正好甜品癮發作，食指大動。原來法式布丁包每日下午開始發售，售完即止。最後決定選了新口味《伯爵茶布丁》（$15），法包底非常新鮮，面微脆包軟熟。布丁甜度適中，伯爵茶十分香濃好味。超值好味，配 coffee or tea 都夾。甜品亦很多選擇，更有馬卡龍，杯杯甜品有傳統布丁、燉蛋等等。用杯盛裝住，乾淨衞生又企理。揀了至愛《提拉米蘇》（$20），可可及酒味超濃，不太甜，如果配埋杯咖啡就十分完美了。講起咖啡，所以最後決加多件《咖啡芝士切餅》（$18），未食已經𡶐啡香氣撲鼻。入海綿蛋糕底好柔軟，Cream除了咖啡味亦微微帶有芝士味，配茶亦係至正。其實開心真係好簡單，吾使$60，食完幾件甜品就已經大滿足。店舖位於旺角中心後面西洋菜南街，十分方便，大家行過路過唔好錯過，記得入去買番幾件喜愛甜品糕點。
繼續閱讀
我知道他們的法式布丁麵包是最有名的，剛開始成為熱話的時候，更是長期排長龍等出爐！現今開了分店，分散點人流就更易讓大家買得到，我也終於能買了。除了布丁包，他們還有基本的麵包、蛋糕、曲奇甚至立體造型蛋糕等等。沒想到布丁包除了原味，甚至有法式芒果楊枝甘露味及朱古力榴槤味？不過我比較喜歡藍莓，就買一個來試吧。藍莓布丁包 $15布丁包的麵包外殼是農夫包，沒有法包般硬，皮煙靭包鬆軟有驚喜。布丁則充滿蛋香，非常嫩滑，加上藍莓果醬微酸的味道原來好夾。15元好抵買，下次可多買幾個口味試試。接近萬聖節，店內裝飾甚至西餅topping也貼合萬聖節主題，裝飾了可愛小怪獸又便宜的切餅當然要買啦！就算是原個蛋糕也只需138元，經濟又實惠。特濃朱古力切餅 $18有著灑上金粉的濃厚黑朱古力醬薄外層，看起來很高級。底下是朱古力忌廉及海綿蛋糕各三層相間，還有朱古力粒，全個蛋糕都是朱古力，濃郁得來又不會太甜，正。Oreo芝士切餅 $18鬆軟的海綿蛋糕上是一大層打入oreo餅乾碎的忌廉芝士，口感濃稠、滑溜中帶香脆，味道十足。喜歡oreo又喜歡芝士的可一次過滿足兩個願望。他們更有多款立體造型蛋糕、扑扑球蛋糕可以訂造，實物都好精美又適合打卡，下次買生日蛋糕有著落啦！
繼續閱讀
今日放工去左搭小巴返屋企，經過呢間麵包舖大排長龍，門口塞左好多人買布甸包，忍唔住停低腳都買黎試下🤭麵包價格唔貴，但係高質，可以再encore我買左一件布丁包、一件黑森林蛋糕🍰、再加Oreo木糠布甸☺️三款唔同滋味🤭法式芒果楊枝甘露布甸包 $15呢個係佢地既招牌包☺️每日2點後出爐😆法式麵包🥯口感硬身，中間芒果楊枝甘露布甸，香甜creamy，兩者混合層次感豐富👍黑森林切餅 $18經典黑森林，朱古力味香濃👍蛋糕鬆軟，中間夾雜啫喱，好味😋兩三啖就食完Oero木糠布甸 $18入口唔會好甜，比較低糖☺️☺️而且佢地既cream香滑細膩，加上外層鋪滿Oero碎，好好食😋推介俾大家🙌🙌 店內仲有超級多其他款式揀仲有曲奇餅🍪 好童趣嘅蛋糕麵包選擇都好多#紅豆烘焙 #高質麵包 #用心經營 #用心製作 #經濟實惠 #麵包推介 #法式布甸包 #楊枝甘露布甸包 #木糠布甸 #Oreo #旺角麵包舖 #teamhappyfoodies #thefoodieinitiative #globaleats #thefoodiesinternationalchat #foodiesinternationalchat #yummy
繼續閱讀
行過見到好多人買 行入去，又見到都好多款式又睇到個樣好似幾吸引買咗香芋麻糬波波同烏龍茶麻糬波波又見到有近期大熱嘅千層吐司見到都唔係好貴，所以就買埋千層到時一摸上手好濕又黐立立嘅感覺然後係撕唔開一層層 食落仲好甜總結嚟講仲難食過普通白麵包 🤧🤧🤧🤧然後個麻糬波波 完全冇香芋味反而有藍莓嘅酸味 然後個被我用咗九牛二虎之力先摵到其實都feel唔到麻糬嘅感覺 都係唔好食 😑😑😑😑總結嚟講，絕對唔會再有下一次
繼續閱讀
您可能會有興趣的...