紅蟻屋甜品休閒餐廳 (已結業)

為咗慶祝2016嘅來臨,倒數完嘅節目梗係一大班人去食吓甜嘢啦！行到好多甜品鋪嘅厚福街,嘩😲間間都人頭湧湧,突然一望見到依間無人排,如是乎唔理三七廿一即刻8個衝落去,果然人唔多,不過環境又唔錯,雖然係地庫一打開 meun 有西餐有甜品 , 嘩唔錯喎傳統湯水同西式甜品都有, 8個人唔覺唔覺叫咗11個甜品,嚟到上檯買相唔差,雪糕仲要用比較少人用嘅牌子 movenpick 味道唔太甜 , 芒果糯米茲最欣賞唔止有糯米茲仲要有半邊芒果大家有時間都去試吓啦！p.s 我地坐底咗唔夠5分鐘全場爆滿…查看更多

呢間餐廳裝修唔錯，但兩人位坐得唔太舒服，但講到尾，餐廳最緊要食物品質。原本對呢間野無咩大期望，只係食個快餐，點知都有意外驚喜。首先，個忌廉雜菌湯真係好Impressive，四個字講曬：「真材真料」，每一啖湯都好有口感，加上忌廉，真係好香菌味，嗅覺同味覺都好享受。沙律一上台，個Plating已經好吸睛，好有心思，沙律菜食得出係新鮮的，一D都唔苦，上面個乳酪汁好開胃，不錯。主菜有兩個「俄羅斯沙皇紅米飯」同「焗椰汁雞飯」，沙皇紅米飯係燴牛飯，個燴汁煮得唔錯，味道濃得黎唔會膩，上面加左少土Cheese，酸酸地，好好食，不過D牛就麻麻地，應該係用左牛脊肉，比較更硬，如果用牛柳會好食好多。至於個 「焗椰汁雞飯」，都幾特別的，一般椰汁飯，會嗅到好香，但食落口，D飯會好乾，又無味，唔好食。但呢個焗飯D飯係蛋飯，飯粒唔會焗到乾曬，好香好滑。雞有少少辣，好特別，但味道同椰汁好Match。最後，值得一提係，呢間餐廳服務超好，個侍應上沙律時有舊青蘋果掉左落碟，唔靚，佢都係咁Say Sorry。希望呢間平民餐廳可以保持呢個質素。…查看更多

昨天和朋友行經尖沙咀,有啲肚餓,我們落去厚福街搵食。落去厚福街緊係要試下紅蟻屋啦～因為又有西餐又有甜品食,咸甜都有唔使周圍行。由於我們都是食肉獸,所有叫了一份安格斯西冷及一份安格斯肉眼,還有order了印尼炒飯試試。安格斯肉質鮮嫩,牛肉味重,燒汁香濃,印尼炒飯夠熱夠味。食飽主菜,就叫了兩份必食之心太軟,又流心,朱古力味好香濃,就是因為用了法國valrhona 朱古力,正~…查看更多

之前中午時間曾到過紅蟻屋食飯,覺得裝修幾靚,好有西歐裝修風格,所以決定24/12平安夜和老婆一同食聖誕大餐。首先飲海鮮濃湯,比出面飲到的較香濃味,但有輕微苦味;德國火腿沙律感覺好清新,火雞剛剛熟,肉質可以;安格斯肉眼好juicy,夠淋身。最特別都係聖誕布甸,咁大個人都未食過,味道幾特別,有果仁及酒味。老婆最愛還是食草莓窩夫,甜品一向都是女士最愛。整體不錯,值得再試…查看更多

今日同朋友去尖沙咀行街，諗住搵間餐廳醫肚 ，行過厚福街，見到一間有個logo好似一隻螞蟻，都幾得意，看過擺係門口嘅餐版，樣樣食品好似幾''精雕細琢''，二話不說就入左去啦。坐底後，再細心睇下餐牌，叫咗碟葡國雞飯同咖喱海鮮配南亞餅。 味道鹹淡得宜。我鐘食海鮮，煮得不會太''硬'', 配埋咖哩汁超正，汁不會太重奶，反而有少少辣，開胃又好味!! 見個正餐水準唔錯，之後就追加多兩個甜品。甜品有好多選擇，諗咗好耐，終於叫拿破崙同法式至尊。拿破崙唔同平時食開果隻個餅硬少少，呢度入口鬆化， 可能係即叫即整的關係。水準都頗高，可惜法式至尊個奶凍冇咩味。整體黎講唔錯，下次會再黎試下其他!! …查看更多