影片
附加資料
無肉餐單詳情: 每天供應多款素食菜式
營業時間
星期一至日
11:30 - 23:00
以上資料只供參考, 請與餐廳確認詳情
好耐無黎紅螞蟻，心血來潮想試下lunch，之前都係食過晚飯，見到lunch有沙律，幾吸引^_^我點左個煙三文魚凱撒沙律配精選餐湯餐湯南瓜湯，不杰不希，岩岩好，湯夠熱，有南瓜茸，味濃沙律菜好新鮮，細心切成小塊，入口剛好，芝士粉行貨，落得太多，好香，面包粒好脆，煙三文魚好爛，入口有陣霉味，不夠新鮮，整體算中等咖啡聞落好香，但不夠咖啡香味，又不滑，茶餐廳好過佢服務都叫可以，員工做野好勤力快手，抵讚價錢其實淨係1份沙律都要$55，略嫌貴左啲
繼續閱讀
此篇為補寫返12月中的一餐, 請恕小妹忘了d食物名....><是日在荃灣閒逛了一整天，到晚飯時完全想不到吃什麼好小妹想吃的light一點，看見紅螞蟻有沙律就決定吃這間好了行得超累，卻很幸運的店外的椅子沒人坐在店外觀察，在店的正門外有一兩張枱總是吉的.....看見侍應不斷問客人坐那幾張枱ok嗎....客人基本上都耍手擰頭....有兩個大嬸原本說願意坐...坐了不到兩分鐘卻後悔了....站起來繼續等位.....沒法了啦....那些位像僭建搬....吃東西都被等位的人盯著.....怎會有人想坐...==等了十分鐘就到我們了坐店內的梳化位~~正~ 兩個人坐一大張枱的~超寬敞話說租金愈來愈高....這麼大方的店買少見少了~點了一客小妹吃的雞肉沙律, 一客男友的蕃茄蝦天使麵, 一客法式田螺焗薯~~小妹的沙律份量頗大的，d菜都幾爽口，雞肉不會太鞋太乾，我覺得幾好味~~(可能我太餓了)男友的蝦天使麵，我吃了一口，很香的蕃茄味! 酸的味道恰到好處，入面帶著一點甜甜的味道男友說麵質ok, 不會太林，另外蝦都頗爽口的這法式田螺味道可以，只是略嫌多油...==d油浮晒係面....><d田螺如果再爽口d仲好~haha食物味道算是不過不失，不過環境好，加上坐得舒服，又無人趕我地走(本人超討厭俾人趕)所以俾個佢啦~~~p.s 侍應服務ok, 反應快, 上菜也算快~
繼續閱讀
本來係走黎荃灣廣場食和民既，但外面有成幾十人排隊。只好打開 openrice，搵到呢個次選。雖然都要排隊，但只十人以內，等三個字算係咁，是日周末無法啦。見到有人認為呢間餐廳既傢俬同氣氛唔襯。我就唔係咁睇，我可以寫包單間餐廳既佈置係有心思咁設計過既。加上裡面用沙發，外面用籐椅，造就左一種層次感；設計既野人人口味唔同，你可以唔欣賞，但至少人地有揼本去做。張沙發幾好坐，室內環境亦和諧。可惜我坐既位係最遠離窗邊，鑒賞唔到窗外環境係咪都如室內咁好。除左環境，重有野樣值得一讚，就係個餐牌既設計都別具特色，有花心思。扉頁更以餐廳名借題發揮道出對飲食的要求，當然好易引起食家共鳴啦。以下入正題講食物。凱撒沙律（跟餐）叫餐加 $28 有沙律，有三款揀，其中一款就係凱撒。口感不俗，酸味調配得當，重好過我曾多次光顧既 Super Oliver's Sandwich 既以往水準(我就覺得近來既水準下降哂嘑)。但尐麵包碎唔脆，係一大敗筆。我唔知正宗凱撒沙律點整啦，總之你畀舊淋淋地既麵包碎我就真係唔得。並且以將近三十，好多地方都可以買到碟飯既價錢，佢個沙律既份量咁吝嗇，食幾啖就無，對常人而言真係絕對唔抵。香淡咖喱忌廉汁焗田螺肉飯心血來潮想食田螺，於是試試。基本上呢個焗飯，我係食得 enjoy 既。如果呢碟飯係茶餐廳二三十蚊貨色，咁既水準係無得彈。但以佢碟飯超過六十文既價錢，我覺得要求可以高少少。而好可惜，佢未能達到我認為呢個價應該做到既水準。首先我相信叫得呢個飯既人都係想食田螺，唔通只為左要碟咖喱飯而叫呢味咩。既然如此，田螺既角色係有一定份量，應該用一種可以帶出田螺肉味既烹調方式，先算係上品。然而，呢味野名為「香淡」既咖喱忌廉汁，其實真係相當辣。我本身鍾意辣，亦食慣，再辣都唔覺一回事。但呢味野自己講明「香淡」，因此同實際比較起上黎，雖然唔算真係好辣，但聽完個「香淡」名再食，都可講係出乎意料的辣。而呢種辣，已經足以基本上蓋過哂其他食材既味道。不論碟飯有咩材料，其實你食完唔會覺得食左田螺或者其他野，你既享受係同食一碟尚好的咖喱焗飯無分別。只能結論，一係佢呢款菜色既設計就有問題，亂咁將咖喱同田螺 fuse 埋，但又眼高手低終成俗作。一係就係設計無問題，但執行嗰個唔係用原本既汁，令尐田螺味出唔到黎浪費哂。冧酒提子乾杏仁脆糖芭菲呢個甜品 $28，係三樣野中唯一我覺得完全值得既食品。入口滋味，口感一流，軟硬適中。有尐甜品食完可以令人覺得回味無窮，但呢隻雖然好，未至於咁神，食嗰時好歎，食完都好快忘記。要指出批評既係餐牌既參考圖片上有雜果但事實上無，略有誤導之嫌。（我知佢寫左「圖片只作參考」，再提下大家啫！）埋單 $127.5 唔覺肉赤，可能由於如果我食左和民，往往一人都食超過三百蚊，依家已經慳左。但客觀上，以一個純粹食家立場去睇，佢值唔值呢個價呢？大家可以判斷。當然，以荃灣區咁多人，食肆供不應求既情況，可能佢再收貴啲，匚經濟學上都不能算作不合理；但如果你唔係住嗰區，你會唔會入去食佢又係另一回事。題外話，佢地好喜歡收人餐牌。叫完碟飯就當你幫襯哂直接收去。叫完甜品後又想收去（我重要睇清楚尐名寫食評架！），被我喝停。我覺得佢先問清楚再收會有禮貌啲。綜合而言，間野環境好好，格局設計用心，座位舒適，予人休閒愜意感覺，食物質素上無太大過失，只係同因應價錢而生既期望值有點不符，其他各方面亦不過不失，其實亦可一試。如果問我將來重有無機幫襯呢間，我會覺得再幫襯我都可以接受，但試新野更加吸引。臨走時一影其門外餐牌供大家參考。
繼續閱讀
面試極為順利,新公司即時聘用月巴人,蘇師傅的推算似乎真的蠻準確耶;自己也借機慶祝一下,希望如honhon的祝福"愈轉愈好"。平日下午的荃灣廣場逛得極舒適,每間餐廳也有不少位置,沒有如週末般有人滿之患,所以可以慢慢選擇下午茶地點;當天首選其實是意粉屋,只是店員見到有客人在門口看餐牌也不會主動招徠,這是什麼的一回事?那改到樓下一層看看,pokka比較熱鬧,旁邊的紅螞蟻客人較少,而且下午茶免加一相宜一點呢。紅螞蟻是場內同有明亮天然光的餐廳,在陽光下感覺較開揚,因而最外邊的位置會較多客人入座,自己選的較入位置也有陽光透下,還有寬敞大沙發可坐,在這樣環境中吃下午茶實在舒適。在如雜誌封面的主餐牌及下午茶餐牌中慢慢選,還是下午茶中的甜品拼盤最合我意,吃甜品會令人愉快,當愉快時再來個甜品更錦上添花。餐飲的凍檸檬茶先到,如一般西餐廳般水準的紅茶並不吸引,單一種紅茶葉泡出來的茶味近乎單薄,而且也沒有茶香,加上檸檬也未夠酸度及糖水稍重手,偏甜凍檸茶的作用就是用作清洗吃過甜品的味蕾,這方面也算得有用的,只是玻璃杯需要更換了,花紋斑駁的杯子令人感覺殘舊,作為一家新式食肆未免有點不切合氣氛,要是換上有歷史的茶記,我會視它為風霜痕跡變為獨特風味。附近遲來的食客已在享用下午茶湯麵時我仍然在等,幸好所點的甜品拼盤做尚算可觀,長碟上一列三款芒果拿破崙、香蕉pancake 和綠茶焦糖燉蛋,這慶祝用的夠豐富了吧??二人同享也足夠哩。芒果拿破崙的外型在三款中算得最好看,以酥皮、芒果和忌廉相間著的甜品整個高高的好有看頭。為免狼狽決定分層進食,第一層是灑上糖粉的酥皮,烘得鬆化的酥皮脆得像餅乾沒有丁點受潮,中間部份完全鬆開沒有實實的情況,我也不會要求這裡的酥皮層會如mimosa這些一級水準相比,總算過關;芒果切得大如蜜桃,炎夏時節芒果正值時令,濃甜完熟芒果濃甜的確很讚; 唧得如波浪花紋的鮮忌廉打得像奶油,還算細滑但未夠輕柔因而吃來很膩,加上份量極重手,連我這愛吃cream的也要放棄部份才成,要是忌廉能減少一點,這件芒果拿破崙會成為更好吃的甜點。拿破崙多cream,香蕉pancake更多,忌廉大平賣乎?!雪白忌廉把pancake皮塞得密不透風,如果我的銀包也如此漲卜卜就好了。撥開平滑的忌廉才在中間找到幾段香蕉,熟透香蕉那種軟滑香甜完全表現出來,甜品中的兩款生果也挑得好好,不如設計一款生果盤作下午茶,相信也很受歡迎的。本應是焦點的pancake皮卻最難吃,應該柔軟偏薄的pancake皮卻是厚硬死實,就如一張未煮熟的千層麵模樣,實在不得不放棄!連同過多的忌廉,這件甜品可吃比例最少,浪費得最多。繼午餐的抹茶奶茶後又來抹茶甜品,綠茶焦糖燉蛋的焦糖稍厚,篤下去沒有破玻璃的快感,燉蛋本身已夠甜,再加焦糖的食味對自己是過甜了;焦糖下的綠色燉蛋反而頗為細滑,有點像豆腐花似的質感,牛奶味比蛋味更重,幸而綠茶味也微微感覺得到,可以一吃。大沙發沒有太多客人就座,侍應們也不會有趕客的意圖,是日的客人也沒有高談闊論或港孩出現,大家也靜靜的享受陽光下的午茶,實在愜意。後來遇上員工福食時間,那鍋白飯竟然飄來飯香,幾碟餸菜反而沒那麼吸引,不知道客人所吃的白飯會否跟員工福食的一樣,要是都是同一款米飯的話,在紅螞蟻點餐就要配白飯了。
繼續閱讀
Red Ant overlooks the park between TW Plaza and Citywalk. It's one of very few decent views in Tsuen Wan, and Red Ant makes the most of it with large windows facing the park. Inside the decor is colorful without being too loud (it is loud though), the seating is comfortable, and the servers are nice, insofar as I can tell. The atmosphere is relaxed, which is uncommon.The menu is divided into five sections: baked rice, pasta, noodle soup, "a taste of curry", and snacks. Most of the entrees (i.e. not soup or snacks) are priced around $60, and for an extra $20 you can get tea and either the soup of the day or a salad. If you get "a taste of curry", you can add on a scallion pancake for $10 or so. The beer selection consists of the usual suspects-- Carlsberg, Tsingtao, that sort of thing. I think they're all $30 (for a 340ml bottle). I got an entree last time without soup or salad and it was pretty filling, so I'd say the place is reasonably priced.Last time I ordered a baked rice dish-- beef short ribs, plus some other kind of beef (I forget the type), in a black pepper sauce. I thought it was great. The meat was flavorful (I think it was grilled) and so was the sauce. The rice wasn't too 'sticky' so the sauce penetrated it pretty well. It was a very hearty meal. I will say that there was lots of beef fat in the dish, and that some of the meat was hard to eat without a knife (which they don't give you). But mostly it was great. 8/10.
繼續閱讀