紅茶館 (已結業)

己有一段時間沒來過，依舊清靜舒服。窗外的陽光射入顯得室內更加優雅，坐得輕鬆自在。主菜加20元可包餐湯和飲品。羅宋湯看似清淡但清甜可口，有好多蔬菜餸料。蒜茸飽外鬆脆內軟。焗肉醬意粉賣相ok。肉醬調味方面可再濃一點，芝士也可多一點，那就更加完美。咖啡比起以前質量差了，少了濃郁芳香的味道。

今日午膳同朋友特然想食紅茶館，所以去左鴨脷洲間紅茶館，館下一聚，好不自在。午餐有八款選擇，我們一行 N人一齊叫左 F餐 美國自然豬。其實這正正是我地黎紅茶館的主要目的。紅茶館裝橫令人舒服，而且有電視睇。蒜蓉包跟餐送上，夠香味濃，餸湯一流。忌廉磨菇湯，清清地，都算 Creamy 。菜湯，似羅宋湯，可入口。主角自然豬，豬肉厚身而軟熟，不鞋不硬，好食。因為飼養豬隻的飼料是天然食材，沒有化學成份，相對健康啲。奶茶色澤合格，味度可接受。

年初一冇咩食肆開，附近淨係見到呢間餐廳，就入咗去喇。不過佢淨係得兩個menu，就係嗰個特選2人餐同埋廚師推介，我地4個人就叫咗一個2人餐同埋2個在廚師推介入面嘅餐首先講2人餐：就包一個前菜就係煙三文魚沙律，之後兩個湯，可以揀忌廉湯或者羅宋湯，仲有配兩塊蒜蓉包，咁主食就可以揀兩個，我地就揀咗一個忌廉湯一個羅宋湯，紐西蘭肉眼扒（8安士）拼炭燒豬仔勒骨三支骨，同埋澳洲m5和牛臀腰扒（8安士）拼法式燒蒙古小羊架一件肉眼扒同和牛叫咗6成熟，羊架就7成熟首先個忌廉湯偏傑，但係都幾濃味好飲嘅，跟著個紐西蘭肉眼扒就燒d唔錯但冇乜調味，我覺得可以落少少鹽做調味，而豬勒骨就個汁做得唔錯，甜甜地幾好味，幾配合嗰個豬勒骨，而m5和牛就超級有牛味，牛味簡直濃到有dd騷，但係就偏生，下次應該要熟少少，不過宜家都夠淋嘅，都係落dd鹽好d，雖然去有個牛扒汁嘅，但佢個汁唔太配合個牛扒，總括黎講呢兩個餐都係好食嘅，包埋野飲凍飲唔洗加錢，而另外我地都叫咗個黑松露忌廉汁鴛鴦魚柳，佢係比目魚同埋三文魚嘅，可以配飯/薯菜/意粉，我地就揀薯菜，跟著最後一個餐都係紐西蘭肉眼扒嘅，配薯菜嘅，嗰個就唔多講了黑松露忌廉汁鴛鴦魚柳，佢個汁超

自南港島綫既開通後，各同事都係公司附近既站尋覓新野食！經同事既推介下，黎左試下紅茶館。望完餐牌後，被上面嘅美國自然豬所吸引！晏晝時間Set Lunch包餐湯(紅/白)、蒜蓉包、餐飲及甜品都只係$128，性價比高！跟餐仲可以揀配意粉、白飯或薯菜，雖然意粉份量唔多，但配咁大塊豬，以女士黎講已經好夠食！有同事揀咗配薯菜，薯條都好香脆，值得一試！而塊自然豬都算大塊同夠厚，燒得亦算靚。雖然佢厚，但都唔會韌，而仲有幾多肉汁！而隨碟亦會有黑椒汁/燒汁可以選擇，但個人認為，唔好將汁倒晒落塊豬到食會較好，因為就咁食已經好有佢本身既「豬」味！

筆者本身嗜肉，時不時會吃扒餐，依次是牛扒、雞扒才到豬扒，因緣際會下碰上一道名叫「自然豬」的菜，挺有發現新大陸之感。故名思義，看到以「自然」作菜名，不禁在腦海中浮現甚麼穀飼牛、走地雞等一類泛濫的名詞。當然，筆者的好奇心不致大到主動去問餐廳「自然」一名的由來。說回食物本身，總的來說，自然豬是一塊在烤架上烤得外香內嫩的厚切豬扒，將肉切開後放入口，熱乎乎的肉滲著肉汁，沒有過多的調味，配上隨碟的黑椒汁作點綴，味道不會太複雜卻感到很滿足，回想起自然一名，也許我明白了。順帶一提，跟餐都是可選配白飯、意粉及薯菜，個人傾向選擇配炸得香脆可口的薯條；餐飲選的是熱奶茶，無他的，茶濃而奶的比例恰到好處，值得一讚。

成日以為紅茶館得住宿，原來有間西餐廳，見到經常滿座又大人細路都會食，就入去試下喇有二人set, 唔算貴，但我無揀。晚餐餐牌，我地叫左三文魚柳$148同埋肉眼扒 $168另外要加$25 先有埋餐湯同飲品仲有小食餐湯叫左雜菌忌廉湯，比想像中淡味，蒜蓉多士相對好味，牛油都重手，食完隻手都令令地。三文魚扒，有兩大塊，食得出都係雪藏魚，但份量搭夠，配上薯條，雜菜同忌廉汁，不過不失啦。肉眼扒相對正路，叫左五成熟的確唔錯。埋單$400左右，以呢個價錢食呢個質素唔算抵食，感覺食間真正的西餐廳會好d.

愉快的午餐✌️🤣 今天很忙，忙都無時間煮飯。隨便找間食lunch.想地方企理又不太貴，食物有水平，去咗大街紅茶館。 食咗香煎龍脷柳天使麵套餐，包湯，蒜蓉包及飲品。 食物水平有80分，食完一碟侍應問一問先9秒9收碟，就食完即送上牙簽筒。 又唔貴，套裝$78。

忌廉磨菇湯用鮮菇打成，唔係鑵頭貨，好味，跟蒜蓉法包，仲熱既(最怕餐包係凍既)美式什扒(跟飯) 有豬，有牛，有羊架，有腸，全部都唔錯，係牛扒差少少檸檬撻麻麻，上層蛋白太甜，檸檬mousse無檸檬鮮味，撻底唔脆即磨咖啡香濃，跟一塊牛油曲奇令好感度提升

晚上家中無煮飯，到附近紅茶館用膳。餐廳擁有一般西餐廳的裝潢，整潔度不俗。晚餐定價由數十元到二百餘元皆有，計及份量與質素，都算合理。 餐包既硬且凍不太討好。羅宋湯過鹹。忌廉湯厚身，味道普通。 主菜炭燒巴西原條豬仔肋骨，醬汁調味佳，豬仔肋骨亦見入味腍身幾好食喎！配上的薯條略為走氣較實。加拿大銀鱈魚扒口感幾滑，魚香合預期。卡邦尼意大利粉醬汁濃香，意粉富質感，建議增加火腿雜菌等份量更佳。熱咖啡奶感重，滑度十足，合筆者口味。

行開香港仔，冇乜心水食店，於是碌去一海之隔既鴨脷洲試紅茶館餐廳。紅茶館餐廳其實係紅茶館酒店既其中一部份，全港九都有分店，只不過我經開呢頭先試呢間。紅茶館酒店只係三星，所以都唔expect佢會有咩服務架啦，但佢竟然係令到我覺得失望(陣間講)十二點幾入到去一個人都冇，有啲擔心中伏，好彩後來都有啲人，可能呢間分店位置始終係隔涉，都係做番街坊生意。我叫左個全日任選三款tea set，可以揀湯、三文治同小食，$98(加一)。於是我揀左周打蜆湯、芝士火腿多士同egg benedict。waiter仲問我周打蜆湯加唔農夫包，我勁鐘食包所以加左，問題就黎啦！周打蜆湯+農夫包+類似墨西哥脆脆既物體。"墨西哥脆脆"味道唔錯的，湯份量少左啲但係好多蜆肉。正當我覺得唔夠喉，就上個egg benedict....我以為egg benedict得一隻蛋，點知有好多薯條同"墨西哥脆脆"…我開始驚，仲有個多士黎緊…個量多到一個都食唔哂，即刻覺得個waiter好冇良心，一個女仔叫咁多野食唔會溫馨提示下仲要叫人加野。不過egg benedict唔錯，我諗選材都好重要，佢揀既蛋黃好大隻，而且好黃，味濃，荷蘭醬我個人唔太鐘意

紅茶館响鴨脷洲大街都好多年，啲食物同價錢都好大眾化，見佢剛剛裝修完，就試下有冇特別咗。首先舖面改大左，加左梳化位，望落寬闊左同高級左。晚餐價錢由$68到$138，同以前無乜分別。頭盤：蟹棒什菜沙律預先溝了酒醋，無乜特別餐湯：南瓜忌廉湯南瓜味幾鮮甜，整個湯稀稠適中，改左用大的湯碟，比以前靚左主菜：法式小切羊架香味十足，未上枱已經嗅到羊的香味，三枝骨，羊肉唔算多，有蕃茄、瓜豆伴碟，由圓碟改左方碟。我自己比較大食，所以問待應攞個飯，但佢話送俾我食唔收錢甜品：細杯芒果布丁細細抔一啖食晒飲品：咖啡佢地杯熱咖啡一路都係即磨咖啡，唔駛加錢總括：佢地裝修完，地方靚左，用具都高級左，食物質數都好左啲，但價錢又無乜加。一個晚餐又送頭盤又送甜品，百幾元食羊架都算抵。

12 月 23 號, 星期五晚, 阿媽去左飲, 冇人煮飯, 就去左就近的紅茶館吃個西式晚餐~本來都只是好像平時吃個扒, 來個焗飯意粉等, 但因為都已經 23 號, 聖誕餐牌已經就緒, 那就看看有什麼新意.今次的聖誕餐似乎是新嘗試, 而且也不是普通西餐廳也會供應的, 就連 Outback, Ruby Tuesday 都沒有, 是8安士的 21天熟成的澳洲安格斯西冷,肉質非常淋,好似牛柳咁淋,而且肉味好濃,但我諗14天熟成可能會更好,會有多點西冷的口感價錢是比平時貴上不少, 或許是聖誕節期間吧, 要三百多, 但始終是 dry-aged, 就試試吧.另外叫左虎蝦拼澳洲帶子,來個 pre-christmas dining今次來,發覺到餐廳內環境改善了不少,以前用上透明膠板放在餐檯上,現在轉用了淺灰色的軟身膠檯布,加上電子蠟燭....格調感覺好左好多呢~

週日到鴨脷洲紅茶館午膳，發現食物水準有進步喎！餐湯餐包水準都係差不多，無乜特別，但至少羅宋湯不會過鹹。主菜試了夏威夷菠蘿燒雞扒及西班牙厚切豬扒。前者灑上酸酸甜甜的菠蘿汁，挺醒胃，配上的燒雞扒肉質亦幾白滑。後者豬扒確是厚厚的，但肉質比預期鬆軟，幾好食噃。餐後一杯凍奶茶，份量依舊，茶奶調配恰宜，OK喇！

紅茶館一向給我印象怪怪。沒裝潢、只有一片白底紅字,想想吓,銀杏館都似是這image。親戚生日,包場。我第一次品嚐紅茶館之食物,確是給我驚喜!雖然全部都是一般大食會食物,例如有單式三文治、醋汁生菜沙律、春卷、煎雞翼、煎雞扒、咖哩牛腩、茄汁豬扒、吞拿魚長通粉、炒飯、茄汁米粉、芝士西蘭花、炒椰菜、等等。味道好good!拍得住快餐店/茶餐廳水準。加上在寬敞,開心的氣氛下,絕對很滿意!甜品有麵包布甸、燉蛋,兩個都普普通通。紅豆沙,很足料,而且有椰奶香。經過今次,對紅茶館加分了。睇埋大家的食評,真是打破偏見了吧!

鴨脷洲返工咁耐, 一路都無試過呢間紅茶館咁啱同事生日話叫倒會返公司食, 所以就試下因為唔係我點菜, 所以我都唔知total有乜嘢食, 但我食左幾樣嘢都好好味包括：雞翼 (唔知係瑞士定老水呢?)，d雞翼係入哂味架!!好正, 唔會得個皮有色, 入面就無黎味道咖喱角 / 春卷：其實呢d咁簡單的嘢都好難唔好味煙三文魚：好味呀, 感覺好新鮮 (雖然都估計係冰鮮嘢)仲有個炒意粉，我估係豬扒炒意粉啦，又係好好味....其他d菜等等就無乜特別, 不過不失咁啦仲有個炒飯，係鰻魚炒飯，我個人其實好怕腥，少少都受唔到，食左入口先知係鰻魚....我覺得都幾腥下 (不過唔太可以用我做準，因為我真係好唔受得腥同穌味)其實我都唔知幾錢，聽同事講就唔貴，最緊要仲送到門口吖嗎!!下次有機會會試下堂食，睇下係咪真係咁正再報道過啦