紅茶冰室

營業中

休息中

今日中午去咗油麻地搵食，見到「紅茶冰室」，決定入去試試。茶餐廳喺油麻地，位置方便，座位都幾寬敞，啱晒中午嚟食個輕鬆午餐。我哋點咗一個常餐，入面有豬扒通粉、炒蛋、丹麥多士，仲額外叫咗個曲奇皮蛋撻同凍奶茶，全部都係港式茶餐廳嘅經典菜式。先講豬扒通粉，豬扒炸得酥脆，肉質唔會太乾，咬落仲有啲肉汁，配上濃濃湯底通粉，湯汁酸甜適中，通粉煮得軟硬啱好，食落好有滿足感。炒蛋就做得滑嫩，蛋香濃郁，份量都唔少，簡單但好味。丹麥多士係另一個亮點，麵包烤得香脆，上面塗咗厚厚嘅牛油，啱啱好，咬落仲有啲酥脆嘅口感，係茶餐廳經典嘅味道。曲奇皮蛋撻就係一個小驚喜，曲奇皮好鬆化，唔會太油，蛋香濃，甜度適中，食完唔覺得膩，幾啱做飯後小甜點。飲品方面，凍奶茶真係值得一讚！茶底濃郁，奶味夠香，甜度同冰度都啱啱好，飲落好順喉，仲有啲冰塊增加口感，喺中午飲真係好解渴同提神。整體黎講，紅茶冰室嘅食物味道好正宗，份量夠飽，價錢都合理，喺油麻地咁旺嘅地方，搵到咁一間有懷舊風味又好食嘅茶餐廳，確實係一個唔錯嘅選擇。

今天想到油麻地果欄買生果，路過紅茶冰室便進去吃午餐。先上了兩個湯一個是蕃茄濃湯另一個是茶餐廳的雜菜羅宋湯， 羅宋湯跟普通茶餐廳的沒有分別，味道不錯。但是那個蕃茄濃湯是忌廉湯加蕃茄，感覺很奇怪，如果是海鮮或蘑菇配忌廉湯會比較貼切。香煎龍脷柳伴雞肉腸配薯菜龍脷柳是一早預製好的，所以不是太熱，薯菜是半個薯仔，加上沙律醬，感覺不錯。雞肉腸也是普通的腸，有少少伴菜，這個價錢不過不失。焗鮮茄牛肉意粉意粉又油膩又有點硬，牛肉是不錯算是新鮮的。牛肉沒有很多梳打粉醃製， 芝士及番茄醬的味道不錯，這個比較推薦。餐飲點了奶茶及好立克，奶茶嘗算可以，茶底不是太苦澀。好立克比較淡，沒有外面的茶餐廳那麼濃稠。#小師奶 #美食 #油麻地

以前成日嚟食啲魚又大塊又多醬，而家塊魚柳長度只有一隻手指尾長，厚度2塊先等於我一隻手指尾的厚度，各位千祈唔好試，否則後悔，我平時去開尖沙咀紅茶，唸住集團式唔會有咁既問題，點知伏左

冇嘢啩，咁嘅質素，早餐都要排長龍🤔？🐑沙爹牛麵，牛肉用食粉乸得佢太勁，肉質幾乎係霉嘅，口感麻麻地😵‍💫，儘管佢嘅味道係可以嘅。公仔麵淥得太淋，要好好注意時間先得！🐑炒蛋做得好好，夠滑身，夠蛋香，打蛋時應該已經調好味，而且味道唔錯，食用時唔洗自己加鹽加胡椒粉已經好掂。丹麥酥來貨幾好，牛油味好香，可惜烘得唔夠脆。🐑茶走好唔掂，已經叫咗少奶，都係完全冇茶味，色澤唔琥珀，茶香極少，又薄身，更冇回甘，唔知佢想點。

位置超方便,油麻地地鐵E出口直達，搵路零難度！下午茶黃金時段約等15分鐘（算快！），想避人潮可提早少少到，今次同同事一齊嘆下午茶~沙嗲牛肉麵配熱鴛鴦湯底濃郁帶花生香，牛肉嫩滑超掛汁！ 咖啡x奶茶黃金比例，香滑回甘無苦澀～ 流心芝士西多士配茶走爆漿視覺感！鹹甜交織，記得趁熱食！ 煉奶代替砂糖，茶底醇厚帶焦香！懷舊冰室格局打卡一流,阿姐手腳快又醒目，唔會等餐等到呆！食後感： "流心西多邪惡度爆燈，但真係忍唔住食晒！沙嗲牛係驚豔級，同熱鴛鴦絕配，食完即刻想encore～

話說等緊朋友諗住去油麻地呢間紅茶拎左位先，點知同佢講兩位，然後佢話要齊人先入得，大住個肚都要人企出面吹住風等齊人先俾入，真心嬲左，以後唔會再黎呢間野，侍應態度又差。

呢度嘅蛋牛治真係好多蛋，好厚，從來未見過咁厚餡嘅三文治！估計可能有三隻蛋。個包好軟熟，牛肉好平均咁散落在炒蛋中，好有驚喜。食落好滿足，飽到不得了，＄25都值嘅。

紅茶冰室食過尖沙咀兩間分店喇味道好好，可以話隨便點都唔會踩雷服務態度都唔錯👍🏻鐵板豬扒炒公仔面必點，食過兩次水準都好穩定豬排份量好足又大件，炒面愛好者必點男朋友點咗番茄炒蛋牛肉飯牛肉好滑嫩，酸酸甜甜好落飯菠蘿油酥酥脆脆，一啖落去太滿足喇

在星期六午飯時間門外人潮洶湧，許多排隊等候的顧客中，有不少疑似是旅行團或帶著行李箱的大陸遊客。餐廳人氣不低，但這次的用餐體驗讓人覺得有些複雜。菜式方面︰這次點了特餐，價格為$55，若選擇外賣需額外支付$2。相比一般茶餐廳，定價偏高，而午餐時段的價格甚至高達$60以上。不過，特餐裡包含了沙爹牛肉麵、煎奄列和丹麥酥，還有一杯熱奶茶，算是比較豐富。丹麥酥是其中比較特別的元素，整體味道還算不錯，但整體表現並沒有特別出彩。如果單純想試試新鮮感，倒也值得一試。環境︰餐廳的門口經常排著長龍，人氣非常旺，但用餐時的氛圍有些雜亂。職員的態度顯得不夠友善，可能是因為繁忙時段的關係，給人感覺缺乏耐心。這次餐廳體驗以豐富的餐點和高人氣吸引了不少顧客，但定價較高，加上服務態度欠佳，讓整體體驗略顯不足。菜式的味道尚可，但缺乏驚喜。如果只是想嘗試特餐中的丹麥酥或感受餐廳的氛圍，可以考慮一試，但可能不會是回頭率很高的選擇。

呢間紅茶啲阿姐真係好冇禮貌，無論係對本地人或者係國內嘅遊客啲態度都非常不禮貌，今次我終於見識得到。就好似坐我隔離個C9想要隻匙羹都俾啲阿姐話，你嗌嗰個係牛扒嚟，要咩匙羹？C9話我係想要隻匙羹，之後佢個餐到咗，佢係用隻匙羹嚟食煎蛋。啲阿姐自己聽唔明啲內地旅客啲國語，就好無禮貌對啲遊客講，大大聲咁講，我都唔知你噏乜，我隔幾張枱都聽到。講返啲沙嗲牛肉麵，就係對一般茶餐廳一樣，淋啲牛肉落面，所以啲牛肉係完全唔熱。

事隔幾日個心都好唔舒服，都特登要開返個帳戶寫差評俾你啊「油麻地紅茶」。當日落住大雨門口無簷蓬，我擔住遮想買個包做早餐，個專責賣包嘅阿姐當我完全透明，我只係想買一個麵包唔知要阻你工作幾耐時間，記住當時外面是落住大雨，雖然擔住遮，個身都濕，我望住佢佢就完全唔理我，我大概都企係度1分鐘，佢都完全無理到我，真心出面落住大雨你咪嗱嗱聲用你唔使10秒嘅時間就可以買個包俾人走，唔理話知你淋雨。最後我嬲到走人唔買，所講嘅都係事實，的而且確紅茶阿姐係無同埋心無心服務👎🏻👎🏻👎🏻，受過氣嘅人大家同樣都好有共鳴。

今日去了這間所謂好出名的店排隊食晚餐，首先，裏面明明有好多位都唔明點解唔比入，應該佢知道我未人齊所以唔比入，算，入到去又比編坐係門口位，d人出出入入d冷氣又唔夠，好似坐街食咁，唯有用自己的風扇吹住食，d侍應又麻麻明明有幾個人只斟了一杯水?但我眼望明明佢都有派水去其他客喎。。。算，咁叫野食啦，朋友叫了咩焗咩意粉個意粉面焗到燶哂，咁都可以上比客人食?不過朋友話唔緊要咁我都癈事出聲，到我叫果碟黑椒牛扒意粉，上枱望都正正常常，點知食到差不多底先發現吓?點解會有咁多粒飯?頂，唔係無洗碟就放我d食物上去呀！我即刻搵個侍應問清楚，個侍應話可能d飯放係隔離所以會黏到喎，頂，你地覺得會唔會呀？總結，一間價錢又唔平，侍應又無禮物，食物又差，衞生又有問題的店，奉勸各位唔好幫襯。

我兩個人入去食 我叫一個餐 朋友叫另一個餐 個阿姐話我個餐冇 咪叫佢落咗我朋友個餐先 之後佢勁冇禮貌就叫我你落野飲啦 我話睇下先 佢就話每人有最低消費 我話我冇吾落餐 你話我要個餐冇 咁係咪要比時間我再睇食乜 好似我吾落 係到𥇣住哂 𥇣到我朋友要搵經理投訴

喺好耐之前，有次去食午餐，碟飯嚟到，小朋友唔小心撥一撥，搞到碟飯未放低就已經跌咗落地，樓面係有立刻清潔，我哋都覺得非常之唔好意思，同清潔嘅姨姨講唔好意思！不過，正路嚟講，我以為佢哋會比嗰一碟飯我，但係結果等咗好耐都冇嚟，於是我就問返職員啦….佢哋哇係因為我整跌而唔係佢哋嘅問題，所以唔會再做一份，加上單已經出咗，最後亦都照收錢，我覺得個感覺好差，勁離譜！整個過程佢哋嘅態度都係好差，完全係冇禮貌，好似係我做錯一件好大嘅事⋯⋯我知道亦都相當明白佢哋唔俾或者唔做過一碟飯係合乎「道理」，但相反，如果佢做返一碟飯俾個客都係「人情」…我覺得好多茶餐廳都係咁樣做！呢個係有人情味嘅表現！如果香港每一間茶餐廳都好似紅茶咁樣做嘅話，身為香港人我真係覺得好羞恥！真心，我認為佢哋由上至下態度極差，成班人好似黑社會咁！ 嗰餐飯我真係食到好嬲！自此之後，亦都從來冇再去過…點解佢會排長龍？點解會被人追捧？真係匪夷所思。

個收銀員有病 話唔得閒 態度勁差 食完之後比人西 大家唔好貼錢比難受 個餐正正常常 其實係香港食嘢唔追求服務好但態度咁差真係令人好燥底我都係比錢 後尾發現有散子 唸緊佢收唔收散子 但個收銀員話 我唔得閒（勁西） 就找返錢比我 你一早找完唔收都無問題。唔洗咁既態度既 我都係好心以為你哋餐廳要散子姐 唔要都無問題架☺️