紅茶冰室

營業中

休息中

平時Lunch都係外賣自取，真係少左堂食，不過太耐無堂食都係會心郁郁想坐低食不過想快D食完，所以先嗌左一碟<美極生炒牛肉飯>成碟飯分量十足，牛肉嘅量都多，飯粒分明，唯獨油嘅分量落多左少少姐，唔係都唔錯

服務態度 及食物質素時好時壞，但價錢絕對合理。有時去食既時候的確吾錯，有時又好差。呢個正正就是香港茶餐廳特色！早餐主打來來去個幾味，早餐我推介：沙牛面，肉多味香，汁入面，啖啖沙牛味，令人一試再試。在防疫安排方面亦犯下大錯，居然安排吾識既人面對面坐，老實講，每一啖都好冇安全感，由其相方同時進食，試想像畫面，由如口水交流戰。有待改善！現在疫情雖然緩和，但不可掉以輕心。此茶餐廳，必定是大眾所愛的其中一，經常客滿常座，正因如此防疫要好好把關。如果有人中招，關閉十四日就吾好啦。一旦發生，市民既選擇又少了一個。無疑係市民既損失。

芝士炒蛋魚柳包伴薯皇+凍檸茶紅茶冰室的凍檸茶果然名不虛傳,每次去親都必定會點黎飲,我仲會叫走甜,因為甘先試到佢原味道😋 今日再試味道依舊,沒有退步 認真抵讚正另一推薦就係佢的芝士炒蛋魚柳包, 炒蛋除左滑之外真係好香蛋味,仲食到芝士溶落去蛋到兩隻味好香好夾又唔太肥膩 👍另外當然唔少得另一主角薯角啦,薯角的外層好脆,薯肉又多再沾上茄汁真係唔錯! 成個餐的份量絕對可以當Lunch份量,價錢又合理食完好滿足😋

佐敦食午餐唔係太多選擇，紅茶係我地比較常幫襯既一間，等位時間短，食物種類多，價錢合理係佢最大既吸引力。今日叫左個常餐豬扒通粉配多士同炒蛋，塊豬扒好大塊，就咁食完塊豬扒其實都已經飽左一半，通粉個湯係好濃郁既豬骨湯，好夠味。不過個人覺得塊豬扒另上可能會更加好，因為煎完都幾油下，浸左係碗粉到搞到Ｄ湯底都油埋。炒蛋有好香既蛋黃味，而且有少少流心，火喉控制得唔錯。朋友叫左午市套餐蒜蓉雜扒配薯菜，雜扒係牛＋豬扒，薯菜係焗薯，Ｄ扒好大塊，成碟野勁大碟，賣相同味道都唔錯，都幾驚喜！焗薯都好好食，不過女仔食的話應該會食唔晒。跟餐有餐湯同野飲，咁豐富既午餐連埋野飲先＄５０，仲要唔洗加１。野飲方面叫左係出面比較少見既熱杏霜，跟餐唔洗加錢，佢沖得都幾杰，睇得出落左好多杏仁粉，飲落同出面Ｄ中式糖水鋪賣開既二三十蚊杏仁茶差唔多味，非常推介。

紅茶餐廳最近變成個下午茶之選第一次去食係想食西多士見到下午茶有流心西多士就叫左 $33都唔錯 真流心 唔係就咁叮片卡夫芝士奶茶係港式奶茶 岩我口味不過吸引我嘅其實係隔離枱嘅炸雞髀第二次我就試咗佢嘅炸雞髀$38跟着就試左我第三第四第五次炸雞髀係要等半小時第一次唔知 呀姐話要食就要等熱辣辣 好juicy 有少少咖喱粉味道唔錯 又大隻亦都試過沙嗲牛肉包伴薯皇$34一上枱個樣真係唔靚沙嗲牛肉的味道唔錯入味 夠林不過個包真係太林 麻麻地 應係係甜餐包 同沙嗲唔太夾如果烘熱左會好一點或者配返公仔麵 齋食牛肉有點鹹芝士炒蛋魚柳包配薯皇$34 普普通通 個雞蛋炒得太熟常餐金寶豬扒湯通粉$48轉左公仔麵塊豬扒都好大男人喜愛仲有滑蛋同厚多士抵食呢度嘅厚多士每次都好脆 好食板燒黑椒牛扒意粉$52有驚喜 有成兩塊牛扒 男人好滿足 也有試過早餐蒜蓉鐵板牛扒伴牛肉腸$41仲有炒蛋厚多士有次試晚餐 店員推介鹿兒島蔥燒豬髀肉 $50好好食 好抵 可惜之後未遇到呢度嘅白湯都唔錯飲得過

今日去開渡船街做野 就醒起可以食下紅茶冰室 就係偉晴街入面 下午茶時間 人流唔多以卡位為主 金湯豬扒湯通粉 $48 豬扒好大塊 食落夠味唔鞋口跟餐仲有個炒蛋同埋多士已經搽好牛油香脆鬆軟 炒蛋炒到啱啱好唔會太老同事叫左 瑞士汁 雞翼撈公仔麵$34佢話個汁好正同我見到啲雞翼都好大隻不過就散叫唔係餐餐肉雙蛋公仔麵$30下次嚟可以試埋佢招牌菠蘿包

過開嚟做嘢，沿途不停留意有咩好食，諗起呢排都實在太多時間，大部份都係慢食，食嘅份量又多又重型，變咗好耐都冇食過茶餐廳，一於睇吓有咩好食，趁住仲有午餐，一睇餐牌就被忌廉薯仔湯吸引住，平時通常係忌廉粟米湯或者忌廉雞湯，忌廉薯仔湯通常要西餐廳先至會有，飲落薯仔已經煲溶左，令到忌廉湯柔軟順滑，質地比較厚，墨西哥雞扒拼薯菜更加驚喜，原本以為係薯條加雜菜，點知係焗薯，感覺更加健康，雞扒係原隻雞髀拆肉，炸得乾身完全逼出油份，咬落非常脆，茶餐廳價錢但係可以食西餐質素，我賺咗

原本黎到佐敦 想食另一間嘅但點知執鬼咗粒囉仲要去到先知佢執咗粒 跟住上網睇下附近有咩食啦唯有咁就亂咁睇下有冇咩餐廳但最後都係揀咗間茶記食咋呢間叫紅茶冰室嘅茶餐廳都係一啲街坊式嘅茶餐廳黎我地就叫咗兩樣嘢食嘅干炒牛河炒得唔係特別靚火喉麻麻啲牛肉有少少靭添麻麻地嘅一個干炒牛河脆皮雞扒蒜茸汁飯個雞扒都幾大塊下煎得都幾香下主要黎講都係塊雞扒幾大笟飯又多 食到好飽味道上就都係一般港式茶餐廳質素兩杯凍飲全部加埋$113

早前Lunch 去左紅茶冰室食常餐🍽平時叫常餐 或是日午餐味道都幾好👌🏻👍🏻👍🏻但當日吾知做咩事， 食物水準差左🙈🙈因為是日午餐吾係好岩食， 所以叫左常餐食，食食下牛油多士先記得未影相🙈🙈🥚炒蛋🍳今日真係吾係好掂🙈🙈好咸🙈🙈🍞但牛油多士香脆好味👍🏻👍🏻又係食食下先記得影相🙈🙈但通粉份量係比平時小左d🙈🙈🐽豬扒👌🏻

彌敦道果間去過好多次，我以為得一間冇分店，後尾發覺原來都開唔少，唔知邊間先係本店呢？平日食開常餐，$4x，你問抵食就一般啦，其實佢材料好簡單，但唔知咩魔力吸引我食左幾次，今次就黎左呢度食早餐啦！十一點左右，人都多！早餐就$3x，同常餐食嘅野近似，早係將常餐嘅奄列變成早餐嘅炒蛋！所有野都做到恰到好處！蛋夠滑，有d人鍾意更水溜溜，我覺得呢個最好！沙嗲牛肉出前一丁，麵唔淋唔硬剛好，陣陣麻油味都好出，我試過上cafe食出前一丁麻油味冇咁出架！最重點就係個餐飽，我唔識形容，香甜鬆，好多年前一間餐廳見博洛尼亞食過之後就冇見過，好好食吖！因為十一點已經同時可以叫午餐，所以見左個通粉，呢個唔掂又乾又硬，原來我每次都食常餐一d都唔傻

Near office and opens early. If lunch at 11am, would come to this cha chaan teng for breakfast.Deep-fried fish fillet, scrambled eggs, toast and sausageI love deep-fried fish fillet. The fish fillet was a little over-fried and the crust was a bit burnt. I was a little disappointed with that. Other than that, other food taste alright. Ordered hot milk tea with sweet condensed milk too. Taste smooth and has heavy tea taste.

上個禮拜六又啱啱瞓醒又唔又唔想諗食咩最好就係落去樓下嗰啲茶餐廳度食，就揀咗呢間紅茶冰室，我就最鍾意等你睇吓午餐時段嗌佢嗰啲下午茶餐帶咗個公司三文治餐我老婆就揀咗一個沙嗲牛肉湯出前一丁，又係好快靚正嘅選擇，性價比高。

今日早左放lunch (11am) , 未想食午餐，但大部分餐廳都已經冇哂早餐，難得紅茶冰室早餐做到11:30am, 行到過黎都仲可以食個平平地既早餐，幾抵！早餐食嗌一定係食多士，剪雙蛋，火腿通！我最鐘意就係蛋同多士夾埋一齊食，例牌一定係煎蛋instead of 炒蛋, 因為夾埋一齊食有多士既甜香，又有蛋既鹹香！煎蛋一咬落去流心勁正，蛋黃流哂落多士到！呢度既火腿通仲有鮑片絲，唔會好單調！奶茶又香又滑！埋單都係$3X! 呢個香港經典早餐set真係食極都唔會厭！🤤 !

紅茶係我平時食下午茶經常去的餐廳主要係為左食佢的雞翼同多士.KING餐 $52瑞士雞翼撈公仔麵配嫩滑炒蛋+香酥丹麥多士奉送香濃咖啡或茶.瑞士雞翼撈公仔麵雞翼唔會好咸，啱我口味好好食但個公仔麵就偏淡，淡淡的瑞士汁味嫩滑炒蛋+香酥丹麥多士炒蛋就正常，唔係特別滑多士外邊個包皮好脆，入邊軟熟，名符其實的外脆內軟菠蘿油 $11見到隔離枱食菠蘿油，所以我都叫左菠蘿油個皮超級脆，好似曲奇餅牛油分開上，仲有冰冰住，夠凍

屹立在佐敦小街的茶記，人流常滿，今次再吃特餐多士脆脆的，不會過火也不是林，也不用加錢，火腿奄列，味道剛好，不是太油膩也不會太乾沙爹牛肉麵：牛肉十分好味，適中的辣度，牛肉有咬口但不會靭，麵軟硬度適中，我認為現在能有這樣水平的牛肉麵實在不易找熱檸茶：茶味道濃郁，正