紅爵御宴

營業中

休息中

香港大酒樓因為租金問開始越嚟越少，逐漸比小型點心鋪取代，呢間紅爵御宴應該都算元朗區碩果僅存既幾間大酒樓之一。紅爵有超大既空間，可以容納數百人，裝修懷舊好似置身幾十年前既時空，周圍顧客都係老人家為主。點心方面點了豉汁鳳爪，黑椒金錢肚，紅棗糕，芝士鮮蝦卷，仲叫左燒肉半份同臘腸鮮雞飯。每樣食物都不過不失，普普通通，無咩特別之處，但勝在價錢公道，就算係假日時間，加埋都係200開頭，間中懷舊下舊式酒樓都係幾好既活動。

紅爵御宴元朗西菁街23號K Plus 1樓Score 分數：A/70講真，這間酒樓係雲雲元朗酒樓之一，價錢合理。相對比深水埗區嘅酒樓黎講，價錢差不多。而佔用地方就大得多。雖然人手好似有d緊張，不過間間酒樓都係咁，飲食業難請人 麻～ 佢地嘅服務唔係差，又唔係特別好囉，標準化.....所以，分數都標準合級。裝修方面，對於傳統酒樓黎講算中上，幾好。相信要大量擺酒嘅酒樓，這間一定冇問題。地點算方便，元朗巿中心嘅巿中心。當然，如果你唔係住係元朗就一定覺得直頭偏僻。味道，ok! 菜式就普通，冇太傳統野，又冇新穎野。所以，“老”朋友或省錢朋友，又鐘意飲茶嘅你一定唔可以錯過。值得一讚係佢地嘅 普洱茶，竟然有菊花。有心思❤️

大榮華好多人排隊,轉來呢間.超值龍蝦孖寶（*100蚊有找）.星洲澳洲龍蝦米粉： 龍蝦4件,都算新鮮.星洲M咖喱味香,加埋不少洋葱,整碟好好味.鳳爪：不夠淋,有趙口.鮮蝦腸粉：皮有點厚,蝦新鮮,鼓油汁香甜.熟普洱茶,冇雜味,真的不错.員工,專業有禮.環境寬敞.

帶母親出街飲茶，一定要精挑細選。首先要環境好，又要食物質素高。幸好地，搵到依間飲茶好去處！母親大讚環境好，樓底高，空間感夠，坐得好舒服。不過，地方大就顯得人手不足。有時需要耐性啲去等服務員過嚟招呼。重點係要嘢食好抵食，這個就令人滿意午市粉麵飯好大碟，兩母女都食唔完，大食仔岩哂！我個人覺得點心必點：長春卷+蝦餃+叉燒包（私心推介）。總之，母親滿意，我就滿意。

每次黎呢間酒樓都係為左食乳豬飯，點解？因為又抵又好食，包一碗飯及一碟乳豬，仲要分開上唔會就咁將D乳豬放係飯面上就算，$48咋係咪抵先？而且乳豬又夠脆，推介！另外見到上湯焗西澳州龍蝦伊麵有半份可以點($98)，又叫黎試下，味道都正正常常喎，仲有幾件龍蝦肉食，上湯汁就一般，有好多洋蔥係入面！

首先，食物味道中規中矩。說不上出色，沒有甚麼留下印象深刻嘅菜式。食物賣相和擺盤都十分隨意，近出邊的大排檔沒有甚麼分別，反而大排檔仲多了一分鑊氣。酒樓翻新後，位置非常之闊落，裝修唔錯，空間咁亦夠足，但係相比之下，啲餐具就完全沒有翻新過，幾乎所有餐具都有缺口。食嘢嘅時候要非常之小心避開。😥酒樓員工嘅服務態度非常之欠佳。完全係唔想做生意嘅態度。入左後等咗好耐先有人拎碗筷過嚟，然後d姐姐叫經理過嚟落單，經理非常之不耐煩。可能因為佢真係太忙, 但佢居然好直接大聲咁話忙完就會過嚟噶啦。好幾次經過我哋張檯都扮見唔到，我哋亦唔敢再打攪佢，就唯有坐喺度，等到佢過嚟都等咗廿幾分鐘。但係其實場內嘅客人並唔多。😢 然後上湯嘅時候，就咁放個湯煲喺度，仲要我地request先拎湯碗俾我地，真係好少見咁樣嘅做法。。。已經唔太記得啲嘢食係咩味道，總之成個體驗嘅感覺係好差。

今天一個人入了元朗辦事，很快又到了中午飯的時閒，叫了個朋友一起來紅爵吃飯聚吓。上到去見地方空間感十足 ， 有很多盞大型的水晶燈，有些金碧輝煌的感覺 。雖然已經1點多，仍有很多食客。今天我們倆都不覺得太餓，只點了個點心拼盤和金蒜海王炒飯。點心拼盤有一般，共有六款，每樣一粒，我想都是大量生產和交貨，味道是 和其他酒樓差不多，中規中矩未見有什麼突出處，而且可能蒸的時間過長，粉菓的皮有點爆閞和過霖，影響了外觀;不過看價錢只是30元不到，這些都是可以無奈地接受。反而個炒飯就覺得相當之好，首見到飯之賣相吸引之餘，更聞到陣陣炒飯的香味傳來，可以見到每顆飯粒分明，入口每粒都有咬口感，配以蝦和瑤、柱粒、菜粒配料。 蝦咬落亦算彈牙，瑤柱粒也有鮮味， 蒜粒炸得金黃不會過火，鋪在飯面來點綴，相當有香味和引起食慾， 遺憾的是蒜粒份量太少了，整碟飯來說都可算是做得色香味俱全，值得一試！下次入元朗都會再來試其他菜式。

見好耐冇去呢間酒樓試下，所以諗住一家人去飲吓茶……嗰日我哋叫咗幾樣點心同一條炒嘢食……菜心上面油太多，而且太淋。蝦肉唔新鮮，食落去全部都係冰鮮嘅味道。呢一樣係我嗰日食咁多樣嘢之中算係比較好嘅，材料比較新鮮。沙薑味不足，雞腳唔夠淋，咬唔開，比較韌。比較多油，而且米粉同一般其他酒樓嘅不同，食落去好似粉絲一樣。另外，酒樓內所有員工都懶洋洋的，全部都只顧聊天、看電視及手提電話，而且對客人嘅服務態度極差。

今晚在紅爵舉行謝師宴，連開兩席，雖然是板間的房，但地方很大，開了兩席還有很多活動空間行動，我們合共有26人，剛好坐兩圍，每圍$3999 全包晏，超值，餸菜每碟也很大碟，有睇頭👍👍👍，味道更不錯👍👍👍，我們還額外叫了18支啤酒，服務員也很熱情款待👍👍👍

今日去咗大棠路飲茶丶好耐冇見過咁大嘅禮堂好有氣派🤩坐位距離遠，坐得舒適又唔嘈👍🏻本來點咗午市超值孖寶$68滋補醉雞半隻+冬瓜粒海皇湯飯一碗，後來侍應回報已沽清😅🔸XO醬爽肉炒麵$68不太食到XO醬味道，但爽肉的確夠爽👌🏻炒麵整體不會油🔸超值手牽手$25（以下任選兩款）（養生紅棗糕、七彩炒米線、素絲脆春卷、蝦米煎腸粉、時菜鯪魚球、䜴味豬皮豬腸）🔸養生紅棗糕紅棗糕煙煙靭靭，做到每層可以撕開，若加上姜汁仲正😉🔸蝦米煎腸粉有d酒樓的煎腸粉煎到好乾，硬硬的，但呢到就滑、軟、香👍🏻

姪兒學校舉辦周年聚會前，母親大人早已買了一圍枱的門票以便我們可以相聚之餘，又可以一同參與這盛事。而周年聚會舉辦的地方就在「紅爵御宴」，這裏的地方相當大，環境亦相當不錯，絕對適合舉辦周年聚會!周年聚會除了可以讓我們聚首一堂品嚐晚餐之外，學校還特設抽獎遊戲，令周年聚會更為刺激有氣氛!由於當晚我都忙着做其他的東西，所以沒有拍下所有吃過東西，只是隨便的拍下好幾樣吃過的食物。西芹鴛鴦蚌鴛鴦旁兩者都非常爽口又鮮甜，西芹同樣爽脆清甜，不過略嫌不夠鑊氣!瑤柱鮮菇翡翠瑤柱鮮菇翡翠味道也不錯，小棠菜清甜爽脆，鮮菇的味道頗為清甜，而鮮甜的瑤柱更令整到整道清淡的菜生息了不少!桂林炸蝦丸炸蝦丸不只大大粒，它還香脆可口，鮮甜得來又爽口彈牙，我們都十分喜歡!花膠雞絲羹花膠雞絲羹雞絲份量比較多，吃上去味道也頗為鮮甜，不過沒有甚麼特別，整體上中規中矩!羅漢薈上素羅漢薈上素同樣中規中矩，沒有甚麼特別!清蒸大沙巴龍躉清蒸大沙巴龍躉蒸得剛剛好，所以吃上去口感還是相當嫩滑，嫩滑之中又帶彈牙的口感，味道鮮甜，真的不錯!頭抽皇金雞雞肉尚嫩滑，肉香味和頭抽味也頗為濃郁，相當不俗!百年鴻運紅豆沙的果皮味相當濃郁，但又沒有蓋過紅豆的味道

一家人一起團年飯吃什麼也沒有所謂，所以叫了喜相逢四人餐再加羊腩煲，但是羊腩煲不是用爐開火煲，是已熟的一煲羊腩加一碟菜，失色。另再叫撗財就手煲，醬汁太結了。另外叫了一碟瑤柱豆苖，不錯，紅豆湯圓甜品，頂瓜瓜，不甜，芝麻湯圓，好好食，最重要一家人開心，身體健康。

約了家人飲茶，選了元朗紅爵御宴，此酒樓非常之旺，差不多等了半小時才有位，坐低看餐牌才知道是季季紅集團，當然最出名就是乳豬，及有米乳豬，約六百元一隻，二話不說，就點了半隻，320元，份量不少，食落皮脆肉嫩，有水準，不愧為招牌菜， 配甜醬砂糖，不覺肥膩，味覺提升，四個人剛好，其他點心就一般般，因即叫即蒸，時間比較等得耐啲。可能現在請人真的很困難，傳菜方面手忙腳亂， 很容易搞錯枱號搞錯帳單，埋單時真要小心小心睇單。

今日同呀媽去元朗閒逛，誤打誤撞，去咗呢間酒樓食晏。酒樓係1樓，似係新開張，地下大堂有d似酒店，但外圍就係竹棚嘅花牌，中西對比，有趣有趣。我地2人，叫咗以下野食…魚翅灌湯餃 - 賣相唔錯，有成粒乾 瑤柱喺面 但隻灌湯餃一條假魚翅都冇，有一大堆肥膏，兩粒好細嘅蝦段，唔掂呀!燒腩仔 - 賣相好，睇到肥膏同肉一層層咁，皮係脆嘅，算唔錯。鳳爪蒸排骨飯 - 一個煲仔咁上，份量算多，正常味道。芋絲脆春卷 - 有4條，油，我接受到，但呀媽接受唔到，哈哈。埋單約$140﹐以星期六去飲茶，算係平，但質數普普通通啦。

第一次嚟呢度聚餐，今次差不多有5圍人，晚上6點幾7點就開始個個陸續到酒樓等，通常其他酒樓都會擺定啲花生響枱面俾人食住等但呢間係無囉！就算我哋問經理，佢都話唔會有呢度真係扣哂分囉！到上菜時間，第一樣乳豬拼盤係凍嘅！同埋分量少！1圍12個嘅分量真係少囉！仲有個蠔豉冬菇髮菜，咸到苦，佢哋仲要用咸豬手放底到中段終於有啲熱嘢食，就係個翅同炸花枝！味道係幾好嘅！尾段嚟嘅魚同雞都係微暖魚嘅味道都尚可，雞就全晚最好味最熱辣辣就係馬拉糕！等咗成晚終於見到熱到出煙嘅嘢食了個紅豆沙唔可以話係紅豆沙囉！係紅豆沙溝水！無味兼飲到好似水同豆分開嘅感覺！