128
11
0
港鐵油麻地站 C 出口, 步行約6分鐘 繼續閱讀
電話號碼
21161615
特色
包場派對
附加資料
紅煮意以食物及創作文化元素為重點,食物會堅持以FINE DINING即叫即做及自家創作為核心,文化方面會邀請不同音樂單位,每逢週六19:30-21:30舉行Live Music音樂會,邀請不同的本地音樂單位。並開拓攝影、繪畫插畫展覽,分享文化交流平台。
營業時間
今日營業
全日休息
星期一
12:00 - 17:30
18:30 - 22:30
星期二
全日休息
星期三至日
12:00 - 17:30
18:30 - 22:30
付款方式
Visa Master 現金 銀聯
座位數目
40
其他資料
網上訂座
Wi-Fi
酒精飲品
自帶酒水 詳細介紹
VIP房
電話訂座
賞訂座積分
外賣服務
加一服務費
海景景觀
Live Music
電視播放
有關獎賞計劃
食評 (151)
等級4 2019-07-25
548 瀏覽
與幾位好友到電影中心看電影,先來個午餐。餐廳坐落小型的商廈閣樓,在前往閣樓的樓梯已擺放小小的餐牌,以吸引顧客。推開餐廳門,已見食客差不多坐滿整個餐廳,看來不少熟來光顧。走進餐廳內,即時有陣陣的食物香氣,餐廳是開放式廚房,讓客人了解食物的制作過程,即叫即制作的烹調手法。從餐廳的裝飾,以及格局,除了支持本地音樂發展之外,也有音響設施等,看來也可以租辦活動等,而且近門前的圓枱還有一些遊戲可供玩樂,感覺是多元化的餐廳。餐廳內播放著慢版的中英文懷舊歌曲,令人感覺舒適。收銀櫃台,掛著餐廳名稱的字畫,非常的特別,很有獨特的風格。餐枱上已擺放著餐具,水杯,餐牌等,調味料架有著各式的調味料,最為吸引目光的就是粉紅色的喜瑪拉雅山的粉紅岩鹽,這樽粉紅岩鹽的樽頭的設計更是磨碎岩鹽之用。我們點了四份午餐,大約等了十分鐘,餐湯及牛油多士已經送上。是日餐湯是羅宋湯,湯的味道雖濃卻不厚,當中沒有蔬菜,只有滿滿的湯,牛油多士香軟,牛油味香濃,可是又很配合湯的味道,有點意外,非一般的感覺。紐西蘭肉眼扒(8-10安士),兩塊肉眼扒份量十足,大大的一塊,差不多佔據二分一的碟面,這已經足令人食慾大增。肉眼扒從切的手感已知是全熟,卻又很容易可以切開,肉汁豐富,黑椒不太辣,帶出香味。若加上喜瑪拉雅山粉紅岩鹽,岩鹽的獨特香味及鹹味,令肉味再加點豐富及層次感。紐西蘭肉眼扒(8-10安士),另一份是配上薯菜,肉眼扒的份量更大,差不多佔據整個碟面。雖也是全熟,口感也是一樣,完全不覺是全熟的感覺。看來廚師是將肉眼扒煮至約80%的熟度,以肉眼扒本身的熱力再至全熟,這就會生成全熟而不乾的口感日式照燒鰻魚配雞扒,照燒汁不太濃,味道很配合鰻魚的香味,雞扒煎得香口,不會太乾,入口還有肉汁的感覺。意粉煮得剛好,軟硬度適中,很有咀嚼的口感,同時又有香香的麵粉味,非常吸引。香橙汁燒原隻鴨胸配水蜜桃,飯粒從形狀看來較圓及短,並不是一般餐廳選用的泰國米,飯味較香及軟。橙色的香橙汁酸酸甜甜,帶點水蜜桃香,令人非常開胃,配合鴨胸肉完全不覺有肥膩感,再與水蜜桃鮮香味美配合,異常突出。餐飲雖只是一般檸檬茶與咖啡,可是卻也不馬虎,檸檬的鮮香,茶的味香濃,咖啡是濃中帶香,比一般茶餐廳較優,可見對味道的堅持。特別的味道,特別的餐廳,希望能為本地音樂增加更多能量。 繼續閱讀
(以上食評乃用戶個人意見 , 並不代表OpenRice之觀點。)
原來駿發花園隔離有間樓上西餐廳有live show架happy friday諗住黎食飯聽下歌輕鬆下, 但上到去先知原來逢星期六先有😂門口仲貼左個好特別既優惠, 帶樂器或者戲飛尾就有小食同飲品送, 下次我識做❗店入面以酒紅色為主色, 牆上掛住唔同既樂器, 鋪頭band隊既poster, 仲有放左d board game添, 好似想帶比客人好輕鬆既感覺~鋪頭名叫做紅煮意, 英文名Red Idea, 以毛筆寫既書法用落西餐廳度, 幾特別, 加埋以音樂做主題同咁支持本地文化, 感覺老闆係既創新又有文化氣息既人依度有set dinner有a la carte, 仲有個menu係專比食素既客人, 幾貼心我地最後揀左2個set dinner~跟餐湯同蒜蓉包, 依度既蒜蓉包唔係烘到脆卜卜, 而係外面微脆中間仲保留麵包質感, 點湯食不錯炭燒法國羊西冷扒.薄荷.燒汁及配菜(期間限定)依個因為見到佢係期間限定, 而且牛扒就食得多, 羊西冷真係好少食出面亦少有d, 即刻就拍板要依個配菜有蝦片, 薯蓉(可揀意粉或飯), 沙律菜, 如果薯蓉可以轉做薯條仲正主角羊西冷幾岩我口味, 有羊既酥味但唔會過盛, 肉質軟腍, 外皮有炭燒既痕跡同香味, 推介另外估唔到會有兩塊, 而且厚度都好ok! 至於個薄荷汁一定要讚一讚, 味道調較得好好, 配落個扒度好夾北京填鴨炒意粉(fusion菜)見佢咁特別就想試下, 意粉軟硬度煮得好好, 中意佢偏少少硬身, 炒得好香又食到少少香醋味, 北京填鴨好多塊鴨肉唔酥, 皮帶脂肪肉則乾身, 一啖食哂就perfect。整體食物水準幾好菜式又幾特別, 可以encore, 下次禮拜六就黎食住飯聽埋佢live band 繼續閱讀
(以上食評乃用戶個人意見 , 並不代表OpenRice之觀點。)
等級4 2019-05-31
1109 瀏覽
每日收工都要諗食咩,有時都真係幾頭痕🙈 所以今日就決定放任自己個腦,實行「隨心。隨緣。隨機」🙆‍♀️.順住彌敦道一直行一直行,行下行下,行到去百老匯電影中心附近,見呢間「紅煮意」D嘢食幾吸引,就順住樓梯而上啦~.推門而入,餐廳裝潢以音樂為主題,牆上掛左吾少樂器,如GUITAR,VIOLIN,SAXOPHONE等等,仲有LIVE MUSIC SHOW 嘅後期海報。而座位方面,簡單而寬敞,主要都係四至六人枱配上深啡色嘅梳發椅,好似去左舊式歌廳咁。.餐牌雖然只有一張,但無論係沙律,頭盤,小食,主菜,Pasta,花茶,甜品定係咖啡,都一應俱全👍 仲有一張Special嘅全素menu添~ 每款主菜既可單點,亦可加$22轉成set,咁就可以食埋法式烤包, 餐湯同飲品啦,又幾抵食🙈.卡邦尼意粉+法式烤包+羅宋湯+蜜桃汁🍑 ($96)分量頗大,再混合雜菇,煙肉,而每條意粉都沾滿左香濃卡邦尼汁,真係既juicy好creamy,意粉硬度亦恰到好處😋.法式即叫即烘,咬落好香脆。而羅宋湯微酸帶點辣,好開胃👍.蜜桃汁比一般嘅果汁濃稠度更高,入口甜而不膩💕.夏威夷風味素漢堡配薯角 ($86)呢排比較鍾意食素漢堡,感覺好似健康啲🤣呢set漢堡賣相好吸引,大大嚿嘅漢堡入邊夾住香甜菠蘿,爽脆番茄片生菜,外脆內薯嘅紫薯餅!!好正啊🥰旁邊仲有粗身薯條同沙律菜做拌碟添😍.避風塘BB雞鎚 ($50)雞鎚炸至金黃色,入口外脆內軟, 上層仲灑滿左炸蒜,香口又惹味😋.食食下嘅時候,店員告知會有MUSIC WORKSHOP,我地一邊聽住LIVE MUSIC一邊享受我地嘅晚餐,感覺好RELAX☺️ 繼續閱讀
(以上食評乃用戶個人意見 , 並不代表OpenRice之觀點。)
等級8 2019-04-21
2416 瀏覽
小弟擺低書包好耐,是夜難得走到過嚟油麻地上堂,由於上堂時間夜,成8:30pm先開始,所以,晚飯就搵間好坐啲嘅、襟坐啲嘅,唔使諗食完飯搵咩地方遊盪,索性就番上堂時間先離開。晌網上搜尋吓,偶然發現呢一家隱蔽嘅樓上小店「紅煮意」,見其風評不俗,晌樓下望過餐牌定價亦合理,上訪一試。未入餐廳,晌門口已發現佢哋喺好支持本地文化,對電影、音樂都有一定嘅支持,例如:憑即日電影票尾有啲優惠,攜帶樂器到訪又有其他優惠,當然,想享此等優惠記得留意當中細節。此外,逢星期六晚7:30pm,更有唔同嘅樂手駐場表現,或許呢刻喺名不經傳,但講唔埋將來會喺天王巨星。踏入店內,雖然唔喺咩文青格局,但都充滿文化氣息,牆上掛有唔少較中型嘅樂器,以及一啲樂隊表現嘅照片,近門口處更擺放咗跟文化相關嘅刊物或宣傳品。另外,餐廳亦備有少量遊戲,三幾個朋友晌非飯市時間嚟坐吓、玩吓,加上呢度樓底相對高,又有啲梳化位,感覺都幾寫意喔。翻一轉個巨型大餐牌,散點菜式大類分為沙律、頭盤、小食、甜品、花茶、特飲、特色咖啡。而背頁就喺主菜及意大利麵,可以散點,亦可以嗌為套餐,而套餐就多咗餐包、餐湯或沙律、餐飲。此外,餐飲亦可以加錢轉其他飲品,如比利時特濃朱古力、柚子蜜、果茶……等等。薯仔忌廉湯餐湯配有法包,不過啲法包焗得未夠脆,而個湯個人就覺得杰咗少少,但就幾有薯仔味。香草燒法式紐西蘭羊仔架 $124一客有3支羊仔架,份量十足,而且,燒得外層焦脆,個樣幾得。而切開睇睇,色澤仲保持嫩紅,卻無半滴血水滲出,入口軟腍,富肉汁,唔太羶,做得真喺唔錯。可以揀配飯、意粉或薯菜,小弟就揀後者,伴有少少沙律菜及一大球薯蓉。啲薯蓉打得滑就滑,但味道較寡,欠缺少少特色,我自己晌屋企整薯蓉就喜歡混入煙肉碎同蘑菇碎嘞。炭燒焦糖咖啡 +$8佢哋呢度無以奶泡沖調嘅咖啡,如鮮奶咖啡、意式泡沫咖啡,其實唔熟,唔搞仲好,反而晌口味上下功夫仲實際。我呢杯炭燒焦糖咖啡,唔算驚為天人,但質素唔錯,醇香中滲出焦糖香。越夜,越多客人,服務上都做到稱職,食物方面,咁嘅價都算抵食,然而,質素我就覺得仲有啲提升空間,可以做得更好嘅。 繼續閱讀
(以上食評乃用戶個人意見 , 並不代表OpenRice之觀點。)
等級3 2019-08-26
42 瀏覽
又到食lunch既時間,今日由於做野晏左,去到成3點幾先食lunch 。又唔想食開平時個幾間餐廳,但個肚仔又少少餓。行行下見到呢間cafe有下午茶menu,又有飯食,所有就決定食呢間。呢間係一間樓上cafe, 行上一層就到。入到去佢既格局幾文青,而且見佢夜晚似會俾個地方人一齊jam歌,似係一間music cafe。坐位方面有sofa卡位亦都有正常位。坐低左之後我就叫左一個照燒汁日式雞扒飯加杯熱啡。Total 38蚊。等左陣就有得食,望落去雖然唔大碗,但其實好足料。雞扒非常之多,食落去唔會太hi, 而且個日式燒汁出奇地好食。米就用左珍珠米,本人係珍珠米大愛者,值得加分。之於杯熱啡就覺得太重奶味,個人就唔算太鐘意喇! 繼續閱讀
(以上食評乃用戶個人意見 , 並不代表OpenRice之觀點。)