紅心麵包西餅

營業中

休息中

【佐敦足料榴槤甜品♥️紅心麵包西餅】-召喚所有榴槤控📣📣📣一定要試吓『♥️紅心麵包西餅』最新推出D24榴槤甜品😎小編個日咁啱經過見到佢個海報，於是買咗泡芙同埋雪果子黎食😍性價比高又落足重料😋超推介！-😋榴槤泡芙$19店家真係冇手軟🥹泡芙入面嘅榴槤仲多過忌廉😍口感軟滑味道香濃😜泡芙外殼係類似曲奇質地🍪比較硬身好味指數：🌕🌕🌕🌕🌘-😋榴槤雪果子🍡$26煙韌嘅外皮包往香滑忌廉、海綿蛋糕🥰同埋榴槤😜一啖咬落去超滿足！好味指數：🌕🌕🌕🌕🌘-😋板芝雞腿包🍗$25麵包店姐姐話呢個係佢新出嘅產品新鮮出爐，熱辣辣勁香😙於是買咗隻做早餐😹😹點知返到屋企俾老竇當下午茶食咗🤣🤣老竇係咁問我喺邊度買想encore😌佢嘅食後感係：雞髀夠滑又大份又多芝士重口味正✨平時嘴刁嘅佢俾咗9/10分🥳好味指數：🌕🌕🌕🌕🌗-😋蒜茸芝士火腿寶🧀$15呢款見佢入面包住芝士同火腿好正咁😎食之前可以擺入焗爐200度焗5分鐘🥳就會有外皮香脆入面鬆軟嘅效果😙小編切開在加咗啲牛油果係面做早餐🥑大滿足😌好味指數：🌕🌕🌕🌕🌘-📍紅心麵包西餅 (佐敦)佐敦白加士街98號金威廣場地下2及3號舖

就算減肥都係戒唔到口想食包🥯 去開一個唔近嘅地區，就會搵下有冇麵包舖，買幾個包先走，有冇人都係咁？🙋🏽‍♀️好耐冇出麵包post喇，今次介紹下喺佐敦嘅紅心麵包西餅♥️ 青衣、屯門都有分店～➿ 開心果千層撻 ($16)撻皮真係做到千層嘅效果，好酥脆(就算我冇reheat去食都好脆!) 都幾多開心果碎，最緊要蛋餡底層嘅開心果醬‼️令到成件事level up! ➿ 抹茶紅豆包 ($14)紅豆餡幾甜🫘 麻糬嘅部分都幾軟糯～➿ 芒果布甸 ($16)買俾姪仔食嘅，佢有食到豎起手指公👍🏼 味道唔會太甜，入邊仲有西米，都幾有誠意！

同朋友食完lunch 經過呢間香港人嘅地道麵包店我又忍不住買咗啲返屋企🤭佢嘅款式種類真係有好多😍ღ 芒果布甸芒果布甸口感滑嫩，仲帶啲啫喱感，唔會太實或太稀，入面仲有芒果肉粒增添咗啖啖果肉嘅爽口同香甜，加埋花奶食落冰涼清爽ღ 大葡撻外層酥皮層層分明，超級鬆脆，咬落會“咔啦”聲，牛油香好突出；內餡蛋漿滑嫩，好似布甸咁香滑，甜度適中ღ茄汁腸包麵包鬆軟，腸仔彈牙多汁，加上茄汁酸酸甜甜，好開胃ღ 脆皮金莎朱古力卷外層係朱古力杏仁脆皮，咬落香脆，仲有濃郁嘅朱古力味，內層蛋糕卷綿密濕潤，夾住滑滑嘅Cream，口感層次豐富

在迷上了開心果後，最近隨緣搜索開心果產品，意外發現這間經典麵包店售賣開心果葡撻，一試之下覺得不錯着，內裏有雙層餡料，首先表面有開心果碎顆，由酥皮包裹的葡撻蛋醬下是咸香夾甜的開心果蓉醬，無論口感仰或味道都非常好食。之後再買了個經典芒果布甸，店員超細心的給了的色玲瓏獨立包裝練奶和小匙羹，乾淨又衛生！啖啖芒果肉當下午茶甜品真的太美妙啦！最後買的合桃芝士包，價廉物美，超級大件，只需23元，已經有足足重磅的麵包到手，這個麵包味道鹹香，切開片狀，烘熱沾西湯飲最好不過！

街坊麵包舖紅心屹立逾15年，不定時推陳出新，將最好嘅烘焙麵包介紹俾客人。今個夏日，紅心餅店推出D24榴槤甜品系列，滿足一班榴槤控！▫️榴槤雪山卷厚厚榴槤味忌廉鋪滿戚風蛋糕，一打開盒榴槤香撲鼻而來。絲滑嘅流人忌廉同蛋糕蓬鬆感互相交織，口感一流。中間更以新鮮D24榴槤肉點綴，果肉濃郁香甜。▫️榴槤雪果子冷凍食最佳，係炎炎夏日好好嘅消暑甜品。外皮厚度適中，彈滑有口感。果子份量超大舊，入面夾雜榴槤果肉，滑順細膩，入口淡淡回甘。▫️其他精選包款綠茶麻糬包係我早餐之選，煙煙韌韌滿滿有口感，綠茶味香甜，食完有精神返工！

作為榴槤控要出動推介麵包小店🥐✨今次竟然可以係小店食出咁好食既榴槤甜品真係估唔到💚 D24榴蓮雪果子 $26呢個真心大推✨✨外皮薄軟🤤🤤內餡滿滿🥰🥰榴蓮肉濃郁直擊味蕾口感creamy 💖  2. 絲滑D24雪山卷 $28雪山卷原來係海綿蛋糕鬆軟輕盈☁️😋榴蓮餡香濃個樣幾靚😍3. 火腿芝士牛角酥 $16金黃酥脆的外皮包住火腿與芝士的完美結合😋😋每一口都是享受！🧀🥓  4. 板芝雞腿包 $25雞腿肉多汁搭配香濃芝士口感層次豐富！🍗🧀   紅心麵包西餅佐敦白加士街98號金威廣場地下2及3號舖  #Foodie_aki #yum_yum #foodie_aki佐敦#紅心麵包 #美食分享 #香港美食 #榴槤 #榴槤控 #榴槤甜品 #D24 #雪山卷 #雪果子#火腿芝士牛角酥 #火腿 #芝士 #牛角酥#板芝雞腿包

佐敦紅心餅店， 最新推介出咗榴槤味既 新產品之前都有買過，估唔到榴槤味既野有驚喜同埋唔貴！榴槤雪山卷 $28採用D24榴槤忌廉輕盈不膩，海綿蛋糕鬆軟每件足有3吋厚，性價比高榴槤泡芙 $19一盒有兩粒，泡芙入面啲榴槤cream好有 榴槤味芝士棒 $10 好大條幾抵食外脆內軟，芝士味濃， 長條造型方便食用麻糬波波 $2222蚊有四粒Q彈口感，甜度適中ok抵食，真心推介的

5cm世一迷你蛋撻你地睇下同正常size有幾大分別仲以為食緊bb餐兒童餐都大過佢Keeta都冇寫會呢個size點知老闆以為我小氣買咁細點算？仲要7.5一個，我份工而家有d危。

俾錢嗰時發現八達通冇錢，所以即刻增值短髮阿姐幾秒內已經態度極差 不停吹 拍得 拍啦 唔得就俾現金我叫佢收住下個先 佢話唔得 㩒左機 然後全程啤住我到我拍個陣 部機取消咗，同佢講叫佢再撳過，佢死都唔撳 係咁叫我拍 話係我電話唔得。買個包 收錢幾秒既時間都可以禁差態度😉

👈🏻紅心麵包西餅 #japjapjap_佐敦#japjapjap_麵包斑斕榴槤糯米糍 $22有驚喜嘅配搭🤩斑斕糯米皮好煙韌榴槤蓉份量超多 爆曬餡呀啖啖榴槤肉 榴槤控表示好滿足🤤榴槤布甸 $26榴槤卷 $26依兩款嘅榴槤味都好足😋質感都非常滑溜榴槤布甸就比較多榴槤蓉而且奶味都好重榴槤卷就有啲蛋糕係入面蛋糕好軟熟 口感更豐富芒果流心蛋糕 $198蛋糕有成6吋 都幾大個😙芒果味道鮮甜一切開仲流心添 視覺效果滿滿海綿蛋糕加上芒果忌廉嘅配搭雖然簡單但係都帶到無窮嘅享受麻糬波波 $5/1個 $18/4個麻糬波波好軟熟😍隔咗一日叮翻熱都保持到煙靭小編特別鍾意菠蘿皮麻糬波波 大大個 脹卜卜外層菠蘿皮香脆 入面超級煙靭微微甜 好好食 真係又平又好食推介推介😎Overall食評最高5粒🌟)📌好味程度：🌟🌟🌟🌟💫📌回頭度：🌟🌟🌟🌟🌟📌環境：🌟🌟🌟📌服務：🌟🌟🌟🌟🌟

行過呢間麵包西餅店見到款式都幾多就入去買咗啲尼試下😚估唔到又唔錯喎😍抹茶流心蛋糕蛋糕大大個好靚呀😍仲要一切開真係瀑布咁流晒抹茶醬出嚟🥹🥹 味道非常香濃 但係又唔係苦澀 反而甜甜地但又唔會好漏😋 戚風蛋糕非常鬆軟 帶有空氣感 超正👍🏼麻糬波波我最愛嘅麻糬波波仲有唔同味道嘅🤩 咬落好軟身又帶點煙韌 口感非常好🤗 味道都好香架！D24榴連雪果子呢個雪果子好有心思😍 入面一層層 有大大堆好香濃嘅榴槤 有蛋糕 又有啲cream😋😋 外皮又薄又軟滑 質素唔錯🤤D24榴連布甸呢個布甸比較似係奶凍 食落非常之滑 而且仲好香奶味😍 配合香濃嘅榴槤 好夾㗎🥰麵包布甸呢個整返熱食 外面嘅麵包脆脆地 入面嘅布甸好香蛋味🤩 一脆一滑層次好豐富😋

街坊麵包小店都有高質甜品㗎！最近落腳點搬咗去佐敦附近，見好多街坊都有買開依間包舖d麵包，我又買咗幾個包同屋企人share，食過真係幾好味再試埋其他甜品同蛋糕榴槤旺季推出新產品D24榴槤系列我都試咗～💚D24 榴槤布甸 $26入口係香濃奶味，中間夾層係D24 榴槤蓉，好香好滑溜，榴槤迷Venus 一次食夠2杯先滿足🤍D24 榴槤雪果子 $26超薄軟糯餡皮包裹幼滑忌廉、蛋糕同D24榴槤肉，一啖有不同口感，整體唔會太甜，加上凍食有種清新感覺～🍵綠茶流心蛋糕 $198一切開綠茶蛋糕綠茶流心好似瀑布咁流出嚟，第一次食唔知咁震撼如果唔係一定拍片。除咗流心綠茶餡，連cream、蛋糕都係綠茶，全個蛋糕都充滿清香綠茶味，唔太鍾意食蛋糕嫌甜嘅Venus 爸爸都讚唔會太甜幾好味㗎！🍮麵包布甸 $14/個 $27/2個法式麵包造型真係好靚～未食已經好加分！香甜燉蛋布甸非常幼滑再加濃味麵包打造外脆內軟口感，有得食又可以打卡～🍪雜錦麻糬波波 $20/5粒 菠蘿麻糬波波$5/粒一袋有多款口味好抵食！有芝麻味、朱古力味同香港人好鍾意食嘅菠蘿包味！大推菠蘿包味，外層係脆脆菠蘿包皮咬落後有煙韌口感，可能食咗太多年菠蘿包係

由細到大都好鍾意食麵包😋😋最近見到呢間港式麵包店推出咗「羊腩包」，感覺幾特別！！其他產品望落都好吸引，即刻買咗返去試試❤️❤️📍羊腩包 $38✨呢個係小店同米子食堂聯乘推出的新品🆕🆕脆身麵包🍞包住熱辣辣的羊腩🥘，仲有腐皮、冬菇等配料，口感好豐富！！羊腩肉質軟腍，醬汁味道濃郁！好入味🤤🤤新品只限星一至五(12pm-2pm)供應，想試就要mark定日子啦👍🏻👍🏻📍布甸包 $13✨外層酥脆，裡面包住布丁內餡～～布丁口感滑溜，好重蛋香🥚！熱食仲有流心效果添😍😍📍6吋抹茶流心蛋糕 $198✨賣相幾靚！切開後見到抹茶流心湧出🍵，超震憾📸📸蛋糕好鬆軟，好香抹茶味～蘸cream食更易入口！！而家做緊快閃優惠價$198，好抵食🤩🤩📍麻糬波波 $20✨分別有紫薯🍠同朱古力🍫味～兩者口感煙韌Q軟，幾有咬口👍🏻👍🏻我就鍾意紫薯味！外型可愛，裡面有香甜紫薯蓉～好食🤤🤤📍曲奇(4安士) $25✨曲奇大塊厚身，咬落好香脆～～包括有多款口味，當中至愛伯爵茶！茶味香濃，又唔會太甜❤️❤️

我自己就好鍾意食麵包，基本上日日都食。今次經過位於佐敦嘅《紅心麵包西餅》見到新鮮出爐嘅布甸包真係忍唔住要試下。布甸包 HK$13價錢咁抵，真係唸都唔洗唸就買左一個。麵包皮薄又好脆，鬆軟又唔會太實心，所以食完都唔會滯。布甸好滑，好似食緊水蛋，但內裏綿密，香甜又有蛋香味。羊腩包 HK$38 另外見到佢地新鮮出爐一種叫羊腩包，仲要係日日都限量供應，想食就要一到五12點到2點去排隊。好彩今次搶到一個，佢哋同米子食堂聯合推出羊腩包。羊腩煮到好入味又軟腍，上面再加上餅乾脆脆，麵包又吸收晒羊腩汁嘅味道，感覺好新鮮。麻糬波波 HK$20充滿空氣感又煙煙韌韌，朱古力味濃厚又唔會太甜。6吋朱古力流心蛋糕 $198佢地做緊限時優惠，$198可以買到足足六吋嘅蛋糕，性價比真係好高。外型亦都好適合打卡，上面嘅朱古力片整到玫瑰嘅形狀。一切開個蛋糕估唔到係好流心，裏面係多層嘅朱古力海綿蛋糕，食落好鬆軟又有牛奶朱古力嘅味道。曲奇 4安士 HK$25買咗少少試下，口感好鬆脆又有多款味道可以選擇，值得一試。如果唔想錯過其他好介紹，記得follow我呀😘多謝大家！！！

🐭 米奇老豬Vol. 288 🐷［紅心麵包］有日經過佐敦麵包控老豬梗係要巡視下業務啦 🍞竟然比我發現到呢件有朱古力同紫薯味嘅麻糬波波 🤩不過豬妹好憎紫薯 所以今次就淨係買左朱古力味試啦～.🐖🐖《朱古力麻糬》🐖🐖💰$20/5粒💰雖然無好fancy嘅菠蘿皮但食落都唔錯入口第一下係可可粉嘅炭（？）味不過好彩有d半流心嘅朱古力粒粒拉高返個朱古力味 🍫口感屬於軟糯得來又幾煙韌果隻雖然唔係實心 但幾好咬 🦷有d似聖安娜果盒！.❣️🐭總評分🐷❣️味道：8.2/10服務：N/A環境：N/A性價比：✴️ 中 ✴️ENCORE：🧐 .自費️⭕/試食.心麵包西餅📍佐敦白加士街98號金威廣場地下2及3號舖其他分店：青衣長康邨二期商場地下103號舖青衣寮肚路6號長亨商場1樓102-103號屯門兆興里3號兆麟商場地下11號舖#米奇老豬_油尖旺區#米奇老豬_屯門區#米奇老豬_葵青區#米奇老豬_朱古力#米奇老豬_包#米奇老豬_麻糬#紅心麵包西餅 #佐敦美食 #尖沙咀美食 #青衣美食 #屯門美食 #朱古力控 #朱古力迷 #朱古力麻糬曲奇 #麻糬波波 #麻糬 #麻糬控 #麻薯 #麻薯波波 #軟心朱古力 #流心朱古力 #香港麵包 #