紅城

營業中

休息中

🔥個飯外層微焦脆口，咬落去肉汁爆發，完全唔會「鞋烚烚」。最驚喜係每粒雞肉都保持到纖維感，證明冇用鬆肉粉處理過！汁嘅濃稠度恰到好處，能夠完美掛在飯粒上，又唔會過份黏口。味道鮮甜得嚟帶淡淡海味香氣，完全唔會得個鹹字！成品粒粒分明，外層微微焦香，內裡保持煙韌。最正係佢哋堅持用傳統生炒做法，唔似有啲茶記貪方便用白飯加汁咁求其！▼▼ 性價比大檢閱 ▼▼$55一客嘅鮑汁雞粒炆飯：☑ 足足有成20粒雞肉（每粒都係啖啖肉）☑ 真材實料嘅鮑汁（唔係用味精水溝出嚟）☑ 份量足夠兩個女仔share☑ 跟熱飲（凍飲加$3）

今日匆匆忙忙去附近吃午餐， 之前見到這間餐廳的外牆很吸引，今天便去試一試。外面已經排了一條長長的人，但因為只是一個人吃午餐，所以也不是等了很久，餐廳入面座無虛席 ，要搭枱。叫了一個海南雞飯，熱奶茶，中式老華黃瓜湯 。$67海南雞飯的油飯是有淡淡的夜椰香味道，雞肉嫩滑，兩款的醬料跟海南雞也很夾。一款是酸酸辣辣的醬料，很開胃，去除了雞的油膩感。老黃瓜湯應該用了長時間去煲，味道不錯。奶茶，奶夠香滑，茶底夠濃並沒有苦澀味道，令我大大提神。 價錢可以，如果要快吃一個午餐這間餐廳是推薦的。#小師奶 #美食 #灣仔

呢間位於灣仔莊士敦道既红城，早、午、晚餐我都食過，我就覺得午/晚餐比早餐出品要好。今朝點咗個照燒雞扒配雞肉腸嫰滑炒蛋。個照燒汁係幾好既，但塊黑椒雞扒比較薄，口感弱咗d。雞肉腸米即係我地去燒野食嗰d廚師牌雞肉腸咯，個茄汁豆比較正常，炒滑蛋都可以接受，杯凍奶茶少冰少甜都係一般。普普通通的一餐，無甚特出。口味：🥚🥚🥚环境：🥚🥚🥚🥚🥚服务：🥚🥚🥚🥚性价比：🥚🥚🥚

灣仔紅城態度 唔合格舒適度 負分，有好多吉枱都逼搭枱，空間極差食物 比較茶餐廳係有質數總括，啲員工影響我心情，本地人都頂唔順，可憐遊客。每次午飯時經過，我都心想一句： 留返俾有需要的人，請我都唔再去了。

紅城冰室的海南雞湯米線聽來非常美味!雞肉鮮嫩滑溜,每一件都令人垂涎。雞唔會太肥，個調味都剛好。加上泰式鮑魚,酸酸甜甜的口感更能開胃解膩。這個套餐60多元,性價比還是頗高的。今次飲熱檸水，個杯就有少少油，感覺唔夠衛生。所以扣左d分。之前幾次都係飲奶茶，所以又唔係好覺。整體來說,紅城冰室的下午茶套餐性價比都高。餐廳都滿座，其實食物都會不錯。我都會再俾多次機會再試～ 📍紅城冰室(灣仔)地址:香港灣仔莊士敦道22號

叫個外賣，好似欠左佢咁，慢一秒都死，唉…食到咁為咩事源31號年尾諗住食個外賣早餐，堂食有食過唔錯，品質同服務都不過不失，但今日打去叫外賣，因為我哋多人點可能有啲亂，即刻係電話度俾個職員jip又西晒聲咁，真係好無引，有得簡唔會想晨早流流比佢jip

大部分侍應訓練不足，個個諗住快快手放底食物上台，台上已有足夠空間給食物上台，但多於一位侍應望都唔望，直接把食物粗暴地放下，結果碰倒多杯熱飲，造成整台人衣服受污。 侍應完全不知所措，而另一位侍應更企圖也其他食物繼續上台，放在滿布倒瀉飲品的台上感受到餐廳員工士氣低落，個個做到麻木曬，出事完全唔識處理，唔知是不是感受到餐廳經營出現問題，整體員工quality control ，訓練不足食物也只是一般

中午放lunch公司附近食到冇乜好食，行遠少少見到有條人龍好鬼長，唔知排緊乜。八卦睇一睇，原來係一間冰室。就入去坐低試吓睇吓係咪咁吸引先。入到嚟真係座無虛席，坐底掃埋個QR code，發現都好多嘢揀，剛好見到今日午餐有羊食，試試佢睇吓so唔so先。金蒜醬燒羊髀扒，食落都香口、甜甜地又唔會太So.飲埋杯齋啡～又一餐

我會用茶餐廳天花板嚟形容呢一間嘢😆因為佢出品嘅每一樣午餐都好好食長期都好多人排隊不過佢哋安排都唔錯所以即使條隊機長好快就可以入去食✨焗吉列豬扒飯$62✨佢嘅焗飯勁出色！芝士又多汁又正炸豬扒好脆但好熱氣$62但唔包湯同嘢飲重點係由落單到上餐10分鐘內一定有不過黎得呢度食就要接受佢d服務態度🤣✨烤牛肉眼扒配焗薯蓉$67✨牛扒通常都係佢嘅午餐set入邊必定有嘅$67價錢包湯包嘢飲超級抵😍而且佢塊牛扒係幾好食最欣賞佢嘅焗薯蓉配埋沙律醬簡直一流🤤個人喜歡食佢嘅海南雞飯不過冇影到🥲啲海南好幾滑海南雞汁惹味 配埋油飯都幾正整體嚟講呢間茶餐廳嘅質素有保證可惜坐得好迫 同埋一食完就會即刻收快食快去 唔係好適合坐低慢慢傾偈

早餐諗住點沙嗲牛肉出前一丁，應該不會中伏。點餐是已列明丁麵要「淋啲」，怎知道上枱時，麵餅形狀仍然清晰可見；沙嗲汁只有死鹹；牛肉不新鮮，份量又少。基本上食完沒有飽肚，只有難食的感覺。凍奶茶極淡，就像是用沖了五十次以上的茶膽沖出來一樣。四個字：淡而無味。服務差，價錢唔平，食物又渣，建議各位食客，切勿幫襯。

今日喺呢一邊上跳舞堂，就喺附近搵間茶餐廳之後食嘢，見到呢一間去到8:30咁晏都未收，就入咗去試吓，見到夜晚嚟講呢一間茶餐廳都算好多人，而且都非常大間🙈 個餐牌都非常多種類選擇，佢淨係晚餐套餐都有10款！真係好多嘢揀！我係安排咗卡位，一個人都幾舒服，就叫咗個咖喱魚柳飯，餐廳有兩蚊優惠，可以加個菜心，有少少蠔油，我覺得都可以加，呢一個優惠非常平🙈 咖喱魚柳飯就有兩大件魚，再加埋少少芝士咖喱汁，成個飯非常好食，而且份量十足，啱晒鍾意食嘅朋友，佢係炒飯底，非常有誠意！下次會返嚟再試吓！

夜晚開完OT, 仲趕得切嚟食晚餐（21:30截單）烤雞扒好大塊，全塊皮肉都醃製得夠味，有肉汁，不會乾，配薯菜已經好夠飽和美味。晚餐$88，白湯（也有紅湯可以選擇）、士丹利烤雞扒薯菜、紅豆豆腐花甜品、凍奶茶侍應的服務態度十分好。

作為街坊，幫襯呢間餐廳都已經好長時間，成日買新鮮出爐嘅麵包（菠蘿包，奶油包（而家冇lu），芝士包都係最愛）set lunch價格都親民兼好味。lunch time日日都排曬長龍，可見受歡迎之程度。但係最近幾位服務人員（特別係收銀女士）態度極串，成日扮見唔到客人，黑口黑面動作又慢，即使唔係忙碌時段，客人問多幾句就會俾佢哋串，真心唔知去消費點解要受氣。用餐體驗好差。灣仔有其他好多類似茶餐廳可以選擇，唔推薦大家再黎呢間。

去灣仔住，去到修頓嗰頭，如果諗唔到食乜嘢自自然然都會係紅城，紅城喺我眼中就係諗唔到想食乜嘢就會去嗰度食個常餐，因為佢哋係用自助點餐服務，同一般茶餐廳類似相近，不過佢哋可以自由地加插其他配菜，例如想食葡撻可以加，想食菜心，又可以加，不用成個餐咁叫.今日嚟到咗個乾炒牛河加兩個葡撻，同埋一杯凍檸茶乾炒牛河不過不失，食落都係唔油膩，牛肉份量OK，而且價錢合理所以如果諗唔到食乜嘢都會再來喺個餐牌度有超過七80種食物可以選擇，小炒常餐碟頭飯東南亞咖喱焗飯，想食乜嘢都可以有走之後仲可以喺外面麵包檔，叫咗兩個布甸返屋企俾啲小朋友食所以話各方面都好滿意

都幫襯過好多次, 野食還可以, 但系抹檯, 衛生就麻麻。繁忙時間搭檯我就預左, 但系張檯細個座位又細, 個主餐個碟系chopping board 懶系靚但系好大舊, 張檯擺到幾多野？今日 送湯上來倒瀉左D 湯落我朋友隻皮鞋度, 扮睇唔到走左去, 聲又唔出紙又唔攞俾人。埋單時前面果個客話要返張單, 個cashier 好悔氣話”print 緊“, 其實你話”等等“都得遮。服務我預左冇 , 但系唔好整到客人系基本野。對面搭檯食完走左, 我未食完就特登放左幾個人入來, 迫你快D走啦! 我食左30分鐘都冇呀！平時冇咩野我都唔會留評價, 真忍無可忍先出聲。不過你放心, 佢地咪一樣甘好生意！