糧豆倉珈琲焙煎工房

營業中

休息中

今日特登由九龍東，專誠來元朗來探索現場炒豆的手沖咖啡，老闆用心製作。店舖內有著咖啡豆味道, 果味，花香味，深培，最特別有酒香味，各有特色。特別試晒五個味道😌特別喜歡：白桃硬糖及波爾多🥰

最近想試下手沖咖啡，買左個hario v60濾杯就周圍揾下特別嘅豆試下沖。之前都有見介紹呢間咖啡豆專門店，但由於以前冇沖咖啡習慣，最近先第一次去。入到去店員好親切介紹，每款豆都可以聞! 淨係聞都開心。揀好豆，仲可以order一杯手沖，試下咩味先，同可以睇咖啡師沖。雖然我唔係好識，但感覺專業，同好有儀式感。🥰最近鐘意啲fruity嘅口味，揀左"白桃硬糖"。店員推介熱飲，咁就可以試下唔同温度下嘅層次同味道。最後買左200g, 自己沖都可以沖到差唔多風味! 飲完會再買再試其他味。☕️

咖啡豆優質，老闆好用心逐杯逐杯咁自己沖，咖啡堅香味道特別，亦有多種味道選擇，旁邊有現成咖啡豆，你可以聞咗個味道，你覺得喜歡先至選擇飲邊款咖啡。有咖啡豆亦都有掛耳咖啡出售。唯獨如果有地方係可以坐低慢慢飲就會更加好。